1 Taateenaꞌo 16:9 - Kafa Linguistics Project

⁹ Tunebaani bi gaarinaꞌoochee qatinaꞌochi ukkiroo tuneti Zimiri bi toommooch koceeꞌi tiyiye. Ikke areddoon, Elaahi Tiritsaa, taatee kechi ukkiroo tuneti Arizaahi kexoochaa, uyoon uchiꞌi mashehe.

1 Taateenaꞌo 16:9 ပူးပေါင်းရင်းမြစ်များ

Halloo 15:2

Abraamiyoo “Nuggishoo Doono Yeero, bushaallo ta tunetoyich, taach ne immemmi mooyo taach amoon hallehe? Taach beeto bullin woraashemmo, hini Damaasiqee asho Elezeerine.

Halloo 24:10

Aroochee gaddiretoo bi doono Abrahami gaaleenaꞌoochee aashireenaꞌon kichiye; gaawi gaawe qiiceenaꞌo bullin xaaniꞌi, Mesopotaamee showooch beeti, Nakoori katemooch qaxiriye.

Halloo 24:2

Ikke areddoon Abrahami bi kexonaa bi gijjoo bullinochi ukkiroo tuneti, bi kexooch maddee yagiti bi gaddiretoon ceeggii ishichiye: “Hini and boonoshi daggooch ta beeti Kanaaneenaꞌochi maache bushiishoo daggoochee ta bushoyich mecheen shaakkiyaahine. Tunebaani ta showooch, ta xibeenaꞌo waan hamiree, ta bushoo Yisaaqich mecheen deebe. Ebin ne tuniyemmoyich, eke ne kishoon deebi ta doshee dechiich gediree, showoonaa shimaayoonochi Nuggishoo, Doono Yeerina wogebe” iye.

Halloo 39:4

Ebich Yooseefi bi aafoochaa gidoon danehe; biich katini gaddiretoonoo tuniihe; bi kexonaa biich beeto bullinochi toommooch ukkiriihe.

Halloo 39:9

Hini kechi daggooch taach beeti ukkirittino biichoommone; taach bi imaani mooyo, bi mechee ne tunetoyich, neen baachiye. Ishigaata, ebi shaahe gonde mooyon tuniyoona aabichiree Yeeri aafooch axaaxoon shuunebote?” iye.

1 Taateenaꞌo 15:27

Nadaabinaa Israꞌeelee asho bullina Filsixeemee showooch beeti Gibetooni katemoon giichiꞌi boonoshi beetaa, Yisakoori yoodoochee shiijjeti Akiyi bushoo Baꞌaashi Nadaabi toommooch koceeꞌi, Gibetoonaa biin wuxiye.

1 Taateenaꞌo 16:10

Areegaata, Zimiri giyiꞌi, biin wuxiye. Biyoo Yihudee taatoo Aasi taateti hiyaa shabaattinnee natooba, Elaahichi xaaꞌooch kereeꞌi taatehe.

1 Taateenaꞌo 16:8

Yihudee taatoo Aasi taateti hiyaa shirittinnee natooba, Baꞌaashi bushoo Elaahi Tiritsa beechii, Israꞌeeleenaꞌo toommooch taatehe; biyoo gutte naton qeejjiye.

1 Taateenaꞌo 18:3

Akaabiyoo taatee kechi ukkiroo tuneti Abidiyin ceeggiye. Abidiyi Doono Yeerin oogichii shattiibeeti ashoone.

1 Taateenaꞌo 20:12

Been Hadaadi ebin bi waayeto, duukkaanoochaa taateenaꞌona tookkii uyoon uchiibeeniye. Bi ginee naayinaꞌoyich, “Koyoyich qannibote” iye. Boonoshiyoo katemoon koyoyich qanniyeete.

1 Taateenaꞌo 20:16

Eboshi bulli showoo tukkehaa, woraaferasheenaꞌochi gurimaashe ginee naayinaꞌon aaf shiichiiꞌi, koyeya hammiyeete. Boonoshi hammito, Been Hadaadinaa bi gaacheenaꞌo tuneti shaashaa gutte taateenaꞌona duukkaanee daggoochaa uchii mashee boonoshi beetenane. Been Hadaadi wocheyechinaꞌon daachiihe. Boonoshiyoo wottee waaꞌi biich, “Asheenaꞌo Shamaaree waa beetinaꞌone” iyeete.

2 Taateenaꞌo 12:20

Bi ukkiriiti ukkireenaꞌo tiyiꞌi bi toommooch koceeheete; Siila daammiibeeti gommooch beeti Miiloo getteebeeti xaaꞌooch beeti kexoochaa biin wuxiyeete.

2 Taateenaꞌo 15:10

Yabeeshi bushoo Shaluumi bi toommooch koceeꞌi, Ibilaami katemoochaa biin wuxiye; bi xaaꞌoochoo kereeꞌi taatehe.

2 Taateenaꞌo 15:25

Bi ginee iraashoo tuneti, Remaliyi bushoo Feqaahi Gilaadee showee aache asheenaꞌona tookkii bi toommooch koceehe; Shamaaraa taatee kexooch beeti mishigooch giyiꞌi, biin Arigobinaa Ariyaahina tookkii wuxiye; bi xaaꞌoochoo kereeꞌi taatehe.

2 Taateenaꞌo 15:30

Aroochee Elaahi bushoo Hosheehi Remaliyi bushoo Feqaahi toommooch koceeꞌi, biin wuxiichii, bi xaaꞌooch kereeꞌi taatehe. Ebiyoo Uziyaahi bushoo Yotaami taateti hiyinnee natoobane.

2 Taateenaꞌo 9:14

Aroochee Nimishi bushoo Yoshafaaxi bushoo Yehi Yoraami toommooch gondoon shuunoyich koceehe. Yoraaminaa Israꞌeelee ginee naayo bullina Gilaadee showooch beeti Ramootin Sooriyee taatoo Hazaheeli yeshaachemmoyich koyee beeheete.

Shaahiyoo 31:4

“Lemuꞌeelo, woyinee uyoon uyo taateenaꞌoyich qaawiyaanoone; ebi taateenaꞌoyich qaawiyaanoone; mashiibeeti uyoon dakoo iraasheenaꞌoyich qaawiyaanoone;

Erimiyaasi 51:57

“Bi woraaferasheenaꞌonaa ariyechi bi asheenaꞌonon, bi ukkireenaꞌonaa bi iraasheenaꞌonon, bi ginee iraasheenaꞌonoo mashiyemmo taane; bulli aabee tokketoon tokketemminaꞌone; ciroonoo tiyaachemminaꞌone” iye bi shigo Beshe Mawe Doono Yeeri getteebeeti Taatoo.

Daaneeli 5:30

Aroobee xum Baabloonee taatoo Belshasoorin wuxiyeete.

Naahoomi 1:10

Biinnaa biinna wutireeti angixonaa maayi tulloonochoommon, qaaqqoo ittoshin michi aalliyemmone.

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.