1 Taateenaꞌo 15:5 - Kafa Linguistics Project

⁵ Ebin bi tuniito, Hitee asho tuneti Uuriyi toommooch bi tuniiti xuꞌoyee besh, Daawiti kashoona bi beeti yemeeno bulliich, Doono Yeeri aafooch kaamoo tuneti mooyon bi tuniitoyich, Doono Yeerichi getoocheenoo gubb shokaano bi tunetoyichiye.

1 Taateenaꞌo 15:5 ပူးပေါင်းရင်းမြစ်များ

1 Taateenaꞌo 14:8

Daawitichi yaroo waanee taatittinoon tiijjaꞌa neech immehoye. Tunebaani ne, ta aafooch kaame mooyon baach tuniyoona ta getoon waayeti, bi ceeni mulloona taan dabbiti, ta guuno Daawitiyoommo toono neene.

1 Taateenaꞌo 15:3

Biyoo bi nihoo shuuneti axaaxoo bullin shuunehe. Bi qaabbechi Daawitichoommon, bi mullo bi Nuggishoo Doono Yeerich gibeneeto tuneyaanoone.

1 Taateenaꞌo 3:3

Solomooniyoo Doono Yeerin shunnii beetone. Bi nihoo Daawitichi qociyoona hammii beehe; tunebaani guudi toommeexi goyinnee xaaꞌeenaꞌoochaa deejjoon deejjii, ixaanoon shookkii beehe.

1 Taateenaꞌo 9:4

“Newoo, ne nihoo Daawitichoommon, ta getoon ne waayegaata, xalle mulloonaa kaamittinoona taach ne maddegaata, neech ta getteto bullin ceechaa ne tuniigaata, ta qociyoonaa ta doyoonon ne quyegaatoo,

2 Taateenaꞌo 22:2

Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.

2 Kiinoo 34:2

Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.

Shoddo 119:102

Taan ne dojjitoyich ne qociyoochee ikaano taane.

Shoddo 119:6

Ne getoochee ta aafoon bariyoo ta qayigaata, yeelleyaachemmo taane.

Shoddo 51:1

Yeero, ne shoodoommona taan maaribe; ne ariqqee woddoommona ta axaaxoon hidi aalliibe.

Luqaasi 1:6

Gutteenaꞌoo Doonochi getoonaa qociyonoochee ikkoonolla shappayaanoon ceechii beetinaꞌone; Yeeri aafoochoo cadiqeenaꞌone.

Mishiraachechinaꞌo 13:22

Biin bi kindiitoyee gubb, Daawiti boonoshi toommooch bi taatemmoyich kaacciye. Biichon ishichiꞌi miixehe: ‘Ta mullooch giyiti ashoon daneto taane; biyoo ta gaboo bullin ceechemmi, Iseyichi bushoo Daawitine’ iye.

Mishiraachechinaꞌo 13:36

Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Yibbaatoo 17:20

Ebin bi tuniyoo, ‘Ta maneenaꞌoyee besho taane’ geti bi gabaachemmoyich, wotta Yeerichi getoochee qanne badd woyee yooche badd bi wotteyaachemmoyich biin quyemmone. Ebina biinnaa bi shiijjereenaꞌona Israꞌeeleenaꞌo toommooch meeti yemeenoon taatemminaꞌone.

1 Saameeli 25:28

Ta doono ne, Doono Yeerichi koyoon ne koyaa beetoyich, Doono Yeeriyoo meeti yemeenoon beeyemmi taatittinoon ta doono neech immemmone. Ebich ne gonnee ta xuꞌoon maaribe. Ne beemi yemeeno bulliichoo gondo ne waanee danaaye.