1 Taateenaꞌo 15:4 - Kafa Linguistics Project

⁴ Tunebaani bi hillooch bi bushoo taatemmonaa Yerusaalemin bi manjiyemmonoyich, bi Nuggishoo Doono Yeeri Daawiticha iꞌi ceechoon biich immiye.

1 Taateenaꞌo 15:4 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 19:29

Eechiꞌi Yeeri ebi Yoordaanoosi bakkooch beeti katemeenaꞌon bi aalliihooba, Abrahamin gabiye. Looxi beebee echeti katemoon hidii bi aalliihooba, ebi are naxoochee Looxin kichiye.

Halloo 26:5

Ebiyoo Abrahami ta qaaroon bi waayetoyich, ta getoon, ta qociyoonaa ta sheeroonon bi quyetoyichiye” iye.

2 Saameeli 21:17

Tseruuyi bushoo Abishayi Daawitin gaacheya waahe; are Filsixeemoonoo kochii wuxiye. Aroochee Daawitichi ginee naayinaꞌo biich ishichiyeete: “Ne Israꞌeelee showooch aaxxeebeeti ceechoommo neene; ne qitigaata, ne shiijjeroocheenoo koniyoona ne taatittinoon yesho qayigaata, nooch beemo manderemmone. Ebich illa ebiyee damba noonna tookki koyooch hamaachemmo neene” iꞌi wogeheete.

1 Taateenaꞌo 11:12

Tunebaani ne nihoo Daawiticha getiree, ne yemeenooch ebin tuniyaachemmo taane. Ne taatittinoon ta boggemmo, ne bushoo kishoocheeniye.

1 Taateenaꞌo 11:32

Tunebaani ta guuno Daawitinaa Israꞌeelee asho bulli daggoochee ta kaacceti Yerusaaleminoyicha getaa, ikke yoodo biich echemmone.

1 Taateenaꞌo 11:36

Ta shigo arooch bi beeyemmoyich, ta kaacceti katemoo Yerusaalem, ta guuno Daawitich ceechoo bulli aaboon ta aafooch bi beeyemmoyich, bi bushoyich ikke yoodoon immemmo taane.

2 Kiinoo 21:7

Tunebaani Doono Yeeri Daawitina tookkii bi giyiti wogoyich, bi yareenaꞌon aalliyoon qaawaanoone; Daawitinaa bi yareenaꞌonoyich bulli yemeenoon beeyemmi ceechoon yeshiyoyich gibenikkitone.

Shoddo 132:17

“Daawitichi shiijjeroon ooge taatoo tuniyemmo taane; ta huuttetoyich ceechoon qanniyemmo taane.

Shoddo 18:28

Doono Yeero, ne, ta ceechoon aaxxiihine; ta Nuggishoo ta manderoon bekkooch wochiye.

Shoddo 87:5

Beshoo Yeeri Tsiyoonin manjii neechemmo bi tunetoyich, “Hiniyoo, okk ebiyoo shiijjeto Tsiyooneeniye” getaa, Tsiyoonicho yibbaateyemmone.

Isiyaasi 14:32

Aageteenaꞌo waanee waabeeti wocheyechinaꞌoyich ama getiree wochibona? Doono Yeeri Tsiyoonin wochinnoon bi shuunoon, iriteeti bi asheenaꞌoo shoobon arooch boonoshi danoon gettemmo noone.

Isiyaasi 37:35

“ ‘Ta oogoyicha getiree, ta guuno Daawiticha getiree, hini katemeen deebe wodiyemmo taane’ itone” iye.

Isiyaasi 62:7

Yerusaalemin bi manjii neechimmi wottoon, showoo bulliich galleteeti bi tuniimmi wottoon, biin kashiyaahote.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 33:2

Showoon halliti, hecciꞌi manjiiti Doono Yeeri, bi shigoo Doono Yeeri taach ishichiye:

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Roomi 11:28

Israꞌeeleenaꞌo mishiraachee qaaroon boonoshi qajjitoyich Yeerichi shixechinaꞌo tunetinaꞌone; ebiyoo Ayihudee asho tuneyaani ittoshich gaaccitone. Tunebaani Yeeri bi kaacciti qaabbechinaꞌoyich bi gibenikkiti gibenoochee tiyitona Yeeri boonoshin shunnitone.

Yibbaatoo 4:37

Ittoshi qaabbechinaꞌon bi shunnitoyich, boonoshi shiijjereenaꞌo tuneti ittoshin kaacciye. Ittoshina tookkii tuneꞌi bi hajjee giidoona Gibitsee ittoshin kichii deebiye.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.