1 Taateenaꞌo 14:9 - Kafa Linguistics Project

⁹ Neyee aafi taateenaꞌo bulliyee beshe gonde shuunoon shuunehine. Taan qajjehine; ne qellich bare shahalloonaa aachoon ukkaa shuuneeti misileenaꞌonon shuunehine; taanoo ippiihine.

1 Taateenaꞌo 14:9 ပူးပေါင်းရင်းမြစ်များ

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

1 Taateenaꞌo 14:16

Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonoyich, Israꞌeeleenaꞌon qajjemmone” iye.

1 Taateenaꞌo 14:22

Yihudee asheenaꞌo Doono Yeeri aafooch gonde mooyon shuuneheete; boonoshi qaabbechinaꞌo shuunetoyee beshoon, boonoshi shuuneti axaaxoona biin ippiiheete.

1 Taateenaꞌo 15:29

Bi taateti qeecooch, Yeroboꞌami kechi asho bullin wuxiye. Doono Yeeri Shiloohee asho tuneti Akiyina bi gettitoommon, Yeroboꞌami kechi ashoochee ikke kashee hiinnoonolla echiyaanoon, wuxii aalliihe.

1 Taateenaꞌo 15:30

Ebi tuneto, Yeroboꞌami shuuneti axaaxee naboonaa Israꞌeeleenaꞌon bi shuuniiti axaaxee naboona tunemmona, wotta Israꞌeelee Nuggishoo Doono Yeerin bi ippiitoyichiye.

1 Taateenaꞌo 15:34

Biyoo Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonon dabboona, Doono Yeeri aafooch gonde mooyon shuunehe.

1 Taateenaꞌo 16:25

Omiri Doono Yeeri aafooch gonde mooyon shuunehe; biyoo, biyee aafi taateenaꞌo shuunetoyee beshe axaaxoon shuunehe.

1 Taateenaꞌo 16:30

Omiri bushoo Akaabi biyee aafi taateenaꞌo bulliyee beshoon Doono Yeeri aafooch gonde mooyon shuunehe.

1 Taateenaꞌo 16:31

Nebaaxi bushoo Yeroboꞌamichi axaaxoon dabboo kette mooyo shaahiꞌi biich bekkehe. Biyoo Sidoonee taatoo Etibaꞌaali bushee Elizabeelin shaaggiye; Baꞌaaloyich maddehe; goyinneenoo iye.

1 Taateenaꞌo 16:33

Akaabi nuggishee Asheeri misilee giimboon neechiye; ebi mooyinaꞌon shuunoona biyee aafi Israꞌeelee taateenaꞌo bulliyee beshoon, Israꞌeelee Nuggishoo Doono Yeeri ippemmoyich tuniihe.

2 Taateenaꞌo 21:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe. Israꞌeelee taatoo Akaabi tuniitoommon, Baꞌaaloyich deejjee gudoon shuunehe; nuggishee Asheeri misiloonoo neechiye; shimaajji xojjeno bullichoo goyinnee maddehe.

2 Taateenaꞌo 23:26

Tunebaani Yihudee taatoo Minaasi biin ippiyoyich tuniiti gonde mooyo bullichi naboona Yihudee showee toommooch cufiti, Doono Yeerichi shattiiti kaaro aqqeyaanoone.

2 Taateenaꞌo 3:3

Tunebaani Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoon dabbiye; aroocheenoo wohaanoone.

2 Kiinoo 11:15

Yeroboꞌami, guudi toommeexi goyinnee xaaꞌeenaꞌoochaa, bi shuuneti emmisheenaꞌonaa maaminaꞌonochi misileenaꞌoyich maddemmi, bi hajjee qeesheenaꞌon ukkiriitone.

2 Kiinoo 33:6

bi hajjee bushiisheenaꞌon Hinoomi bushoo bamboochaa goggiꞌi deejjoo giddiihe. Biyoo kaayecho, iicechonaa qaaxechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

Nehimi 9:25

Xaqqee uxerechi katemeenaꞌonaa qeemi showoonon kochii yechiyeete; gaawe qiicoona ceenniti kexinaꞌon, iicheti aachi oppeenaꞌon, woyinee goyoonaa zayitee mixonon, wotta aafeebeeti wodde mixon deqqiyeete; boonoshi michimmi wottoon maaheete; aangiyeete; oogeti ne deꞌittinoona emiriyeete.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Shoddo 106:29

Boonoshi shuunoona Doono Yeeri kaaremmoyich tuniiheete; naxoo boonoshi toommooch waahe.

Shoddo 50:17

Kaaraa ta ciicaa shixxehine; ta qaaroon gubb duppehine.

Shoddo 78:40

Meeti aaboon barahoochaa bi toommooch tiyiyeete; barahoochaa biin ayinikkiyeete.

Shoddo 78:56

Tunebaani ebi Israꞌeeleenaꞌo Yeerin phireheete; Beshoo Yeeri toommooch hukkoon tiijjiyeete; bi qociyoon quyeyaaneenaꞌone.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Keyo 34:17

“Qaaqqoona wociitaa shuuneebeeti nuggisheenaꞌochi misiloon neech shuuneyaahine.

Erimiyaasi 32:18

humeenaꞌoyich ne shoodoon bekkiihine; tunebaani niheenaꞌochi xuꞌoyich boonoshiyee gubbi boonoshi bushiisheenaꞌon sheerihine; oogechi, hakkechi Nuggishoocho, ne shigo Beshe Mawe Doono Yeerine.

Erimiyaasi 7:18

Shimaajji taateyich koshon kachiyoyich, boonoshi bushiisheenaꞌo mixon mittiyeete; niheenaꞌo qaaqqoon shookkiyeete; maacheenaꞌo buddinoon xiriqqiyeete. Taan ippiyoyich bare nuggisheenaꞌoyich uyee buuroon ukkiyeete.

Erimiyaasi 7:26

Tunebaani boonoshi mulloon muumiiheetani taachon waayeyaaneenaꞌone; boonoshi waamon gaꞌiyaaneenaꞌone; halla boonoshi qaabbechinaꞌo tuniitoyee beshe gonde mooyon tuniiheete.

Hiziqeeli 23:35

Ebich Nuggishoo Doono Yeeri ishichiye: “Taan ne battetoyich, ne gubboon taach ne immetoyich, ne qocee gondoonaa ne yahoonoyich naxeyemmi neene” iye.

Hiziqeeli 8:17

Biyoo taach ishichiye: “Ashi bushoocho, ebin beeggaa beetine? Hiniichaa boonoshi tuniibeeti ebi eeꞌe mooyon tuniyoo Yihudee macceenaꞌoyich ebi kette mooyona? Showoon xuꞌoona ceechoona daakkiꞌi taan ippii beetinaꞌone; ebiyoche boonoshi naagoona taan ippiyoyich boonoshi tuniibeeti mooyo bullin beege.

Hiziqeeli 8:3

Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Leweenaꞌo 19:4

“ ‘Taan qayiree shahalloyich goyinneyaahote. Xuuroon qaaqqoona wocii nuggisheenaꞌochi misiloon shuuneree goyinneyaahote. Ta, ittoshi Nuggishoo Doono Yeeri taane.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Yibbaatoo 32:21

Nuggishoo tuneyaani gaacaalleenaꞌoyich goyinnehote; qanaateree ta kaaremmoyichoo tuniihote. Ebich gaacaalli aagetoona ittoshin qanaatiyemmo taane; shalligaalli aagetoona ittoshin ippiyemmo taane.

Yibbaatoo 9:24

Ittoshin ta ariiti aaboochee tiijjiꞌi and beddaahaa, wochii wochiꞌi Doono Yeeri toommooch hukkoon tiijjito ittoshine.

Woraaferasheenaꞌo 5:8

Dallaawe nuggisheenaꞌon Israꞌeeleenaꞌo shunnitoyich, gino boonoshi kellooch shaggiye; aabbe hume Israꞌeeleenaꞌo daggoochee, ginoon woyee gaachoon yechiti ikke asholla aalloone.