1 Taateenaꞌo 13:34 - Kafa Linguistics Project

³⁴ Ebi axaaxoo Yeroboꞌami kexo happeyemmonaa showee toommoochee bi aallemmonoyich naboo tunehe.

1 Taateenaꞌo 13:34 ပူးပေါင်းရင်းမြစ်များ

1 Taateenaꞌo 12:26

Yeroboꞌamiyoo bi mulloona, “Hini asheenaꞌo deejjoon giddiyoyich Yerusaalem beeti, Doono Yeerichi yaafee kexooch boonoshi hamigaata, wochinnoon boonoshi mulloon boonoshi doono tuneti, Yihudee taatoo Roboꞌam waan wochemminaꞌone; taanoo wuxemminaꞌone; Yihudee taatoo Roboꞌam waan wottemminaꞌone. Taatittinoo Daawiti kechi asheenaꞌoyich wottemmone” iꞌi gabiye.

1 Taateenaꞌo 12:30

Asheenaꞌo maanji misiloyich goyinneya Beeteelinaa Daaninooch hammii beeheete. Ebin tuniyoona axaaxoon shuuneheete.

1 Taateenaꞌo 14:1

Aroobee aabooch Yeroboꞌami bushoo Abiyi biiyehe.

1 Taateenaꞌo 14:10

“ ‘Ebich Yeroboꞌami kechi asheenaꞌo toommooch gonde mooyon deebemmo taane. Yeroboꞌami kexoochee guunon tuneba doonon, anaamo bullin, Israꞌeelee showoochee aalliyemmo taane. Haandoo michaa tulloo tunoommon, Yeroboꞌami kechi ashoon michi tulloo tuniyemmo taane.

1 Taateenaꞌo 14:11

Yeroboꞌami yaroochee katemoochaa qitimmon kunaaneenaꞌo maayemminaꞌone; gaddoochaa qitimmon shimaajji gaceenaꞌo maayemminaꞌone. Doono Yeeri ta, ebin getteto taane’ itone gete.

1 Taateenaꞌo 14:16

Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonoyich, Israꞌeeleenaꞌon qajjemmone” iye.

1 Taateenaꞌo 14:7

Hamiree Yeroboꞌamich, Israꞌeelee Nuggishoo Doono Yeeri ishichiye: ‘Maccee daggoochee neen oogiyaꞌa, ta asheenaꞌo tuneti Israꞌeeleenaꞌo toommooch iraashiihoye.

1 Taateenaꞌo 15:25

Yihudee taatoo Aasi taateti guttinnee natooba, Yeroboꞌami bushoo Nadaabi Israꞌeeleenaꞌo toommooch taatehe; gutte naton qeejjiye.

1 Taateenaꞌo 15:26

Bi nihoo shuuneti axaaxoonaa Israꞌeeleenaꞌon bi shuuniiti axaaxoonon dabboona, Doono Yeeri aafooch gonde mooyon shuunehe.

1 Taateenaꞌo 21:22

Taan ne ippiitonaa Israꞌeeleenaꞌon axaaxoon ne shuuniitonoyich, ne kechi asheenaꞌon Nebaaxi bushoo Yeroboꞌami kechi asheenaꞌonaa Akiyi bushoo Baꞌaashi kechi asheenaꞌonochoommon tuniyemmo taane’ itone.

2 Taateenaꞌo 10:29

Tunebaani Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoochee, ebiyoo Beeteelinaa Daaninooch beeti, aachoochee bi shuuniiti maanji misiloyich goyinnoochee, wohaanoone.

2 Taateenaꞌo 10:31

Tunebaani Yehi Israꞌeelee Nuggishoo Doono Yeerichi sheeroon bi ceeni mulloona aaxxiiꞌi quyeyaanoone; Israꞌeeleenaꞌon axaaxoo shuuniiti, Yeroboꞌamichi axaaxoocheenoo wohaanoone.

2 Taateenaꞌo 17:21

Israꞌeeleenaꞌon Daawitichi yareenaꞌoyee bi bariitoyee gubb, boonoshi Nebaaxi bushoo Yeroboꞌamin taatiiheete. Yeroboꞌamiyoo Israꞌeeleenaꞌo Doono Yeerin boonoshi dabbaachemmoyich tuniyoona ooge axaaxoon boonoshi shuunemmoyich tuniihe.

Shaahiyoo 13:6

Bi gommo kaamoo tuneti ashoon cadiqittino quyehe; tunebaani axaaxechon bi axaaxoo dichiye.

Erimiyaasi 28:16

Ebich Doono Yeeri ishichiye: ‘Showee toommoochee neen aalliyemmo taane; Doono Yeeri ta toommooch hukkoon ne yibbaatetoyich, hini natooch qitemmo neene’ itone” iyo.

Hosee'i 10:8

Israꞌeelich axaaxoo tuneti Aweeni geppee toommeexi goyinnee xaaꞌeenaꞌo happeyemminaꞌone. Angixonaa guccinona keyiree boonoshi deejjee gudeenaꞌon bullemmone. Ebiyooba guudinaꞌon “Noon qeribote,” geppeenaꞌonoo “No toommooch dihibote” gettemminaꞌone.