1 Taateenaꞌo 13:1 - Kafa Linguistics Project

¹ Yeroboꞌami ixaanoon shookka deejjee gudee gaꞌooch neexee bi beetaa, ikke Yeer asho Doono Yeeri gettiti qaaroona Yihudee showoochee Beeteel waahe.

1 Taateenaꞌo 13:1 ပူးပေါင်းရင်းမြစ်များ

1 Taateenaꞌo 12:22

Tunebaani Yeer asho Shemayaahich Yeeri ishichiye:

1 Taateenaꞌo 13:26

Gommoochee biin wochii deebiti keemecho ebin waayeꞌi, “Ebi uro Doono Yeerichi getoon waayeyaani Yeer ashoone. Doono Yeeri bi gettitoommon daaheroyich beshiiꞌi bi imaa, biin tiichii wuxitone” iye.

1 Taateenaꞌo 13:32

Beeteel beeti deejjee gudee toommooch, Shamaaree showeexi katemeenaꞌooch beeti guudi toommooch beeti goyinnee xaaꞌeenaꞌo bulli toommonoochoo, Doono Yeerichi qaaroona cookiꞌi bi gettiti mooyo iberoo ceennemmone” iye.

1 Taateenaꞌo 13:5

Ebi Yeer asho Doono Yeerichi qaaroona gettiti malletoommon, deejjee gudo gaahehe; tulloo shacehe.

1 Taateenaꞌo 13:9

Koshon ta maataachemmoyich, aacon ta uyaachemmoyich, ta waati gommonoo ta wotteyaachemmoyich, Doono Yeeri taach gettitone” iye.

1 Taateenaꞌo 20:35

Keemechinaꞌo daggoochee ikkoo Doono Yeeri gettiti getoona biinoommi keemechon, “Taan yexe” iye. Tunebaani uro qajjiye.

2 Taateenaꞌo 23:15

Ebiyee wotta Israꞌeeleenaꞌon axaaxoo shuuniiti, Nebaaxi bushoo Yeroboꞌami Beeteel shuuniiti, guudi toommeexi goyinnee xaaꞌoon Yosiyaasi happiye; deejjee gudoonoo waaxxiꞌi bi shuuneeti xaqqoon tiichiye; buttee qaddochii qacichiye; Asheeri misileenaꞌonoo qaaqqoona michiye.

2 Taateenaꞌo 23:17

Aroochee Yosiyaasi, “Okk ebi ta beeggaabeeti, haawulito konichone?” iꞌi echehe. Beeteeli katemeexi asheenaꞌo, “Yihudee showoochee waaꞌi, hini deejjee gudee toommooch ebi ne tuniito bullichon keemmiti keemechochi oppoone” iꞌi wochiyeete.

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

2 Kiinoo 26:18

Boonoshiyoo, “Uziyaaho, ixaanee shooho yaafeeti, Haroonichi shiijjereenaꞌo tuneti qeesheenaꞌochoani, Doono Yeerich ixaanoon shooho neech qaawiyaache. Xuqqeto neene. Yaafee kexoochee keye. Ne Nuggishoo Doono Yeer waanee oogoon daneyaachemmo neene” iyeete.

2 Kiinoo 9:29

Solomooni shuuneti eche shuunoo batti battichoochee tiijjii ciireexooch beddaahaa, keemechi Naataanichi kiinee macaafooch, Shiloohee asho tuneti Akiyi keemee macaafooch, Nebaaxi bushoo Yeroboꞌamichon yaaꞌoo beeggiti, yaaꞌechi Iidichi yaaꞌee macaafooch kooreetone.

Erimiyaasi 11:12

Yihudee katemeenaꞌonaa Yerusaalem beetinaꞌona ixaanoon boonoshi shookkiti nuggisheenaꞌo waan hamiree cookemminaꞌone; tunebaani boonoshi iritee aabooba boonoshin ciroona wodiyaachemminaꞌone.

Erimiyaasi 25:3

“Yihudee taatoo Amooni bushoo Yosiyaasi taateti aaraa keejjinnee natoochee tiijjiꞌi hanaach beddaahaa beeti hiyaa keejje nati wottoon Doono Yeeri bi qaaroon taach gettii beehe; tawoo kuxaanoon ittoshich gettaa beehoye; tunebaani ittoshi waayeyaano ittoshine.

Erimiyaasi 32:29

Hini katemoon kochiibeeti Baabloonee asheenaꞌo arooch qaaqqoon tucheree michemminaꞌone; taan ippiyoyich kechi toommeexi kexoochaa Baꞌaaloyich ixaanoon boonoshi shookkiti, bare nuggisheenaꞌoyich uyee buuroon boonoshi ukkiti kexinaꞌona tookki michemminaꞌone.

Amootsi 7:13

Tunebaani Beeteeli, taatee goyinnee xaaꞌoonaa taatee showee yaafee kexona bi tunetoyich, guttinnoon hiniichaa keemoon keemmaahine” iye.

Amootsi 7:16

Illa and Doono Yeerichi qaaroon waayebe! Newoo ‘Israꞌeeleenaꞌoyich keemmaahine; Yisaaqichi shiijjeroyich qoqqaahine’ iyine.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Haddoo 16:40

Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.

1 Tasaloonqi 4:15

And no gettaabeeti, Doono dojjiti mooyo ebine: Doono waammi wottoon batt kashoona beeti no, qititi asheenaꞌon shiichaachemmo noone.

Yaaꞌoo 8:3

Bare maraakoo ixaano shookkeebeeti aachee qiicoon yechii waaꞌi, deejjee gudee gaꞌooch neexehe. Taatee qeechi aafooch beeti, aachoochee shuuneeti deejjee gudee toommooch yaafeenaꞌo bullichi corootoona tookki bi giddiyemmi dofee ixaano biich ichehe.

1 Saameeli 2:27

Ikke areddoon ikke Yeer asho, Eeli waan waaꞌi, ishichiye: “Doono Yeer ishichii beetone: ‘Ne qaabbechi Harooninaa bi kechi asheenaꞌona Gibitsee taatoochi guuninaꞌo tuneꞌi boonoshi beetaa, Haroonich bekkehoye.

1 Saameeli 9:6

Bi aafee bushoo Saaꞌoolich “Hini katemooch asheenaꞌo biin oogiibeeti, Yeer asho beetone. Bi gettito bulli iberoon ceennii beetone. Ne waataa bi waan hambone. Biyoo diqqich kureenaꞌon aabiichee no danemmo gaata nooch malletemmone” iye.