1 Taateenaꞌo 12:1 - Kafa Linguistics Project

¹ Roboꞌami Shekeem hammiye; ebiyoo Israꞌeeleenaꞌo bulli biin taatiiya arooch boonoshi kiceetoyichiye.

1 Taateenaꞌo 12:1 ပူးပေါင်းရင်းမြစ်များ

Halloo 12:6

Abraami Shekeem beeti Mooreehi gorooch beddaahaa, besheꞌi hammiye. Ebiyooba Kanaaneenaꞌo ebi are showooch beeheete.

1 Taateenaꞌo 11:43

Solomooni qitiꞌi bi qaabbechinaꞌo waan xaꞌeehe; bi nihoo Daawiti Katemooch duukkehe. Bi bushoo Roboꞌami bi xaaꞌooch kereeꞌi taatehe.

1 Taateenaꞌo 12:25

Aroochee Yeroboꞌami geppechi Efreemee showooch beeti Shekeem mishigoon shuuneꞌi arooch kotehe; wotta aroochee kechii hammii, Phiniꞌeel mishigoon shuunehe.

2 Kiinoo 11:1

Roboꞌami Yerusaalem waachii, Israꞌeeleenaꞌon koyiree taatittinoon biich boonoshi wochemmoyich, Yihudinaa Biiniyaaminochi yoodoochee aricheti balli shinne hume ginee naayinaꞌon kiciye.

Shoddo 60:6

Yeeri bi yaafee kexoochaa ishichiye: “Emiroona Shekeemin qeellemmo taane; Sukooti bamboon qoodemmo taane.

Erimiyaasi 41:5

shinne asheenaꞌo boonoshi ishaanoon cakkeꞌi, boonoshi tahoon keexxiꞌi, boonoshi achoonoo gariꞌi, Shekeemi katemoochee, Shiloohi katemoochee, Shamaari katemoochee, maayi buuroonaa ixaanoonon yechiꞌi Doono Yeerichi yaafee kexooch giddiyoyich waaheete.

Mishiraachechinaꞌo 7:16

Boonoshi dubenoon Shekeem daammiꞌi Abrahami Hamoorichi bushiisheenaꞌo waanee bi gijjoona bi kemeti maashooch duukkiyeete.

Yaasi 20:7

Ebich geppechi Nifitaalee showee daggooch, Galiilee showooch beeti Qedeeshin, geppechi Efreemee showooch beeti Shekeemin, geppechi Yihudee showooch beeti Kebirooni getteeti Qiriyaat Aribin bariiheete.

Yaasi 24:1

Aroochee Yaasi Israꞌeelee yoodeenaꞌo bullin ikkooch Shekeem kiciye. Israꞌeelee geeneenaꞌon, ukkireenaꞌon, nallechinaꞌonaa iraasheenaꞌonon ceeggiye. Boonoshiyoo Yeeri aafooch giddeheete.

Yaasi 24:32

Israꞌeeleenaꞌo Gibitsee boonoshi deebiti Yooseefichi shaawusho Shekeem duukkehe. Ebi bi duukketi showoo wonna Yaaqobi balle xure birewoona Shekeemi nihoo Hamoori yareenaꞌo waanee bi kemetone. Ebi showoo Yooseefi shiijjereenaꞌo woraashiti showoone.

Woraaferasheenaꞌo 9:1

Aroochee Yerubaꞌali bushoo Abimeleeki Shekeem beeti bi iyeenaꞌo waan hammiꞌi, boonoshinaa bi indeechi yareenaꞌo bullinoyich ishichiye:

Woraaferasheenaꞌo 9:6

Shekeeminaa Beet Miilinooch beeti asheenaꞌo bulli kiceeꞌi hammii Shekeem beeti, ikke xaqqee giimbee gaꞌooch beeti ooge michi xepphoochaa Abimeleekin taatiiheete.