1 Taateenaꞌo 11:7 - Kafa Linguistics Project

⁷ Solomooni Yerusaalemaa aabi-keyo waan beeti guudi toommooch Moꞌabeenaꞌochi ciigiiti nuggishoo Kemooshinaa Amooneenaꞌochi ciigiiti nuggishoo Molookinoyich goyinnee xaaꞌoon shuunehe.

1 Taateenaꞌo 11:7 ပူးပေါင်းရင်းမြစ်များ

Halloo 33:2

Gonneenaꞌonaa boonoshi bushiishoonon aaf shiichiihe. Liyinaa bi bushiishoonon aree hillooch tuniihe. Raaheelinaa Yooseefinonoo gubbi ciirooch tuniihe.

2 Saameeli 15:30

Daawitiyoo eeppiibee, Zayitee Michi guudon kaama kechiye. Biyoo ayinito bi tunoon bekkiyoyich baade baatoon tuneꞌi, wotta tahoon bi qellooch ukeꞌi hammiye. Biin dabbii beetinaꞌo ebiyoommon wotta tahoon boonoshi qellooch ukeꞌi eeppiibee kaama kechiyeete.

1 Taateenaꞌo 11:5

Solomooniyoo Sidooneenaꞌochi nuggishee Ashitarootinaa Amooneenaꞌochi ciigiiti nuggishoo Milikoominoyich goyinnehe.

1 Taateenaꞌo 11:6

Ebina Solomooni Doono Yeeri aafooch gonde mooyon tuniihe. Bi nihoo Daawitichoommon, Doono Yeerin ceeni bi mulloona dabbaanoone.

1 Taateenaꞌo 11:8

Boonoshi nuggisheenaꞌoyich ixaanoon shookkii, deejjoon deejjiibeeti, bare showee asheenaꞌo tuneti bi mecheenaꞌo bullichoo wotta ebiyoommon shuunehe.

1 Taateenaꞌo 15:12

Anaami yaafee kechi yahechinaꞌon are showoochee yookkii aalliihe; bi qaabbechinaꞌo shuuneti, shahalleenaꞌon aalliihe.

2 Taateenaꞌo 23:10

Hinoomi bushoochi bambooch beeti, Tofeeti goyinnee xaaꞌoon eeꞌiihe; ebiyoo koniyoona Molookich bi bushoon woyee bi busheen bi deejjaachemmoyichiye.

2 Kiinoo 21:11

Wottoo Yihudee showeexi geppeenaꞌooch goyinnee xaaꞌeenaꞌon shuuneꞌi, Yerusaalemi asheenaꞌo Doono Yeerich boonoshi gibeneyaachemmoyich, Yihudee asheenaꞌoo muriccemmoyichoo tuniihe.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Isiyaasi 44:19

Ebi shahalloon shuunee beetinaꞌo daggooch “Ebi michi qaton qaaqqooch shookkehoye; bi gachoona koshon kachiihoye; meenonoo michaꞌa maahoye; illa aabichiree, echetona ciigiiti mooyon tuniyehote? Ebi michi aafooch dihi goyinnehote?” iꞌi yexiiti, ariyecho woyee shalligecho ikkolla aalloone.

Erimiyaasi 32:31

Hini katemoo bi shuuneeti aaboochee tiijjiꞌi, hanaach beddaahaa, ta aafoochee biin ta aalliyemmoyich, ta ippoonaa ta kaaroonon boodditone; ebich ta aafoochee biin aalliyemmo taane.

Erimiyaasi 32:35

Yihudee asheenaꞌo axaaxoon shuunemmoyich, ebi eeꞌe mooyon tuniyoyich, ta getaanoon, wottoo ta mulloona ta gabaanoon, boonoshi anaami bushiisheenaꞌonaa maache bushiisheenaꞌonon qaaqqooch goggii Molookich deejjoyich, Hinoomi bushoo bambooch beeti geppeexi goyinnee xaaꞌoon Baꞌaaloyich shuunetinaꞌone” iye.

Erimiyaasi 48:46

Ne anaami bushiisheenaꞌonaa ne maache bushiisheenaꞌona kecaa boonoshi hammitoyich, Moꞌabo, neech woowo! Kemooshich goyinneebeeti asho aalletone.

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Daaneeli 11:31

“Bi ginee naayinaꞌoo yaafee kexonaa bi xaqqee uxeroonon eeꞌiyemminaꞌone. Yeerich qemi qemona giddeebeeti deejjoon echiyemminaꞌone. Aalloon deebemmi eeꞌoon Yaafe Xaaꞌooch neechemminaꞌone.

Daaneeli 12:11

“Qemi qemona deejjoon giddiyoo maacheti aaboochee, ebiyoo aalloon deebemmi eeꞌo geddeti aaboochee tiijjiree, ikke humaa gutte ballaa yixane qemo beshemmone.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Mikiyaasi 1:5

Ebi bullichi naboo, Israꞌeeleenaꞌo shuuneti axaaxoonaa hukkoonane. Israꞌeeleenaꞌo shuuneti hukkoyich echeyemmo konine? Shamaari katemoo toone? Yihudee asheenaꞌo shahalloyich goyinnoona axaaxoon boonoshi shuunemmoyich tuniito konine? Yerusaalem toone?

Zakaariyaasi 14:4

Ebiyooba Doono Yeeri Yerusaalemi ciinooch, aabi-keyo waan beeti Zayitee Michi guudi toommooch neexemmone. Zayitee Michi guudoo aabi-keyoochee aabi-gimo waan gaaheree oogeti bamboon tunemmone. Guudochi qato dambi-waan, qato wotta deshi-waan tunemmone.

Haddoo 21:29

Moꞌabo, neech woowo! Kemooshich goyinneebeeti ashoocho, aalleto neene. Bi anaami bushiishoon aashooch, bi maache bushiishoon kecooch, Amooreenaꞌo taatoo Sihoonich beshii immitone.

Haddoo 33:52

arooba are showeexi asheenaꞌon ittoshi aafoochee yoohi kichemmo ittoshine; xogeeti boonoshi xaqqee giimboo bullin waaxi aalliyemmo ittoshine. Boonoshi shahalloon aalliyemmo ittoshine; guudi toommeexi boonoshi goyinnee xaaꞌoon happemmo ittoshine.

Maatiyoosi 26:30

Boonoshiyoo Yeerichi shoddoon boonoshi shoddetoyee gubb tiyiꞌi, Zayitee Michi guudooch kechiꞌi hammiyeete.

Mishiraachechinaꞌo 1:12

Ebiyee gubb, mishiraachechinaꞌo Zayitee Michi guudoochee Yerusaalem wotteheete. Hini aroochee tiijjii Yerusaalem beddaahaa beeti gommo shambetee gomma bedoone.

Mishiraachechinaꞌo 1:9

Yesuusi ebin bi gettitoyee gubb, bi wocheti mishiraachechinaꞌo ciinnii beetaa, shimaajj kechiye; quboo boonoshi aafoochee biin qeriye.

Mishiraachechinaꞌo 7:43

Boonoshich goyinneya ittoshi shuuneti, Molooki duukkaanoonaa Refaani getteebeeti ittoshi nuggishoo tuneti xojjenee shaahiyoonon tiijjiꞌi shaaggiyote. Ebich Baabloonee showoyee bekk ittoshin yoohi daachiyemmo taane” iye.’

Yibbaatoo 13:14

ebi mooyon manjii eche bosheree xiishibe. Ebi ciigiiti mooyo ittoshi daggooch bi tuno xiishoo tuneꞌi bi danegaata,

Yibbaatoo 27:15

“ ‘Ariyechi ashi kishoona shuuneeti, Doono Yeeri aafoochaa shicheti, xaqqoochee, mixoochee woyee xuuroochee shahalloon shuuneꞌi aashoona goyinneebeeto uppeton tunebe’ geteete. “Asheenaꞌo bulliyoo ‘Ameena’ geteete.

Woraaferasheenaꞌo 11:24

Ne nuggishoo Kemooshi neech immiton yeshaachine? Nowoo no Nuggishoo Doono Yeeri no aafoochee yookkii bi kichitinaꞌo showoon woraashemmo noone.