1 Taateenaꞌo 11:12 - Kafa Linguistics Project

¹² Tunebaani ne nihoo Daawiticha getiree, ne yemeenooch ebin tuniyaachemmo taane. Ne taatittinoon ta boggemmo, ne bushoo kishoocheeniye.

1 Taateenaꞌo 11:12 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 19:29

Eechiꞌi Yeeri ebi Yoordaanoosi bakkooch beeti katemeenaꞌon bi aalliihooba, Abrahamin gabiye. Looxi beebee echeti katemoon hidii bi aalliihooba, ebi are naxoochee Looxin kichiye.

1 Taateenaꞌo 11:11

Ebich Doono Yeeri Solomoonich ishichiye: “Ebin ne tuniitoyich, neech ta getteti ta wogoonaa ta doyoonon quyo ne qajjetoyich, ne taatittinoon ne kishoochee bogiree ne naayoyich immemmo taane.

1 Taateenaꞌo 11:13

Tunebaani ta guuno Daawitinaa ta kaacceti Yerusaaleminoyicha getiree, taatittino bullin bogaachemmo taane. Ne bushoyich ikke yoodoon immemmo taane” iye.

1 Taateenaꞌo 11:31

Aroochee Yeroboꞌamich ishichiye: “Aashire keexoon neech dambe; Israꞌeelee Nuggishoo Doono Yeeri ishichiye: ‘Solomoonichi taatittinoon bi kishoochee boggemmo taane; aashire yoodoon neech immemmo taane.

1 Taateenaꞌo 11:32

Tunebaani ta guuno Daawitinaa Israꞌeelee asho bulli daggoochee ta kaacceti Yerusaaleminoyicha getaa, ikke yoodo biich echemmone.

1 Taateenaꞌo 11:34

“ ‘Tunebaani taatittino bullin bi kishoochee tiijjaachemmo taane. Ta qociyoonaa ta getoonon quyeti, ta kaacceti Daawiticha getiree, kashoona bi beeti yemeeno bulliich biin wulloo tuniyemmo taane.

1 Taateenaꞌo 11:35

Tunetaa taatittinoon bi bushoochi kishoochee tiijjemmo taane; neechoo aashire yoodoon immemmo taane.

1 Taateenaꞌo 21:29

“Akaabi bi qelloon ta aafooch aabichiꞌi bi giishiito gaata beeggaa beetine? Bi qelloon ta aafooch bi giishiitoyich, gonde mooyon bi yemeenooch deebaachemmo taane. Tunebaani bi bushoochi yemeenooch gonde mooyon bi kexooch deebemmo taane” iye.

2 Taateenaꞌo 20:17

Doono Yeeri ishichiye: ‘Ebiyoche, ne kexooch beeto bulli, hanaach beddaahaa ne qaabbechinaꞌo kicito bulli, Baabloonee showooch bi qacceyemmi aabo woyemmone. Amolla echeyaachemmone.

2 Taateenaꞌo 20:19

Hiziqiyaasi, “Ta yemeenooch baach diggoonaa keqqaalli beemona tunebaani, taan amo qaaqqiye” iꞌi, Isiyaasich, “Ne getteti Doono Yeerichi qaaro deꞌoone” iye.

2 Taateenaꞌo 8:19

Tunebaani Doono Yeeri bi guuno Daawiticha iꞌi, Yihudee taatittinoon aalliyoon qaawaanoone. Ebiyoo Daawitinaa bi yaroonochi ceechoon bulli yemeenoon takkaachemmo bi tunoon Daawitich bi gibenikkitoyichiye.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.