1 Taateenaꞌo 10:3 - Kafa Linguistics Project

³ Solomooniyoo bi echeto bullin wochiye. Taatoo biishaani turito amolla aalloone.

1 Taateenaꞌo 10:3 ပူးပေါင်းရင်းမြစ်များ

2 Saameeli 14:17

“Ta ne gonneyoo ‘Taatoo ta doono ne, deꞌoonaa gondoonon barbariiꞌi ariyoona Yeerichi maraakoommo neene. Ebich taatoo ta doono ne qaaro taan goggiyemmone’ iyaꞌa gabiyoye. Ne Nuggishoo Doono Yeeriyoo neenna tookki tunebe” iyan.

2 Saameeli 14:20

Biyoo ebin bi tuniito, ebi mooyon guudoona mashaamiyoyichiye. Tunebaani ta doono ne, Yeerichi maraakoochoommon ariyecho ne tunetoyich, hini showooch tuneebeeti mooyo bullin ariyaabeeto neene” iyan.

1 Taateenaꞌo 10:1

Sheebee taatee Doono Yeeri Solomoonich immiti worganikkiti shalligoon waayaꞌa, turitoona biin phireya waahan.

1 Taateenaꞌo 10:2

Meeti deennechon dabbiyaꞌa, qimaamoon, wodde aachoonaa aaxxe xaqqoonon gaaleenaꞌooch xaaniyaꞌa, Yerusaalem waahan. Solomoon waan giyaꞌa, bi mullooch beeti echo bullin biin echahan.

1 Taateenaꞌo 10:4

Sheebee taatee Solomoonichi ariyoo bullin, bi haggiti taatee kexon,

1 Taateenaꞌo 3:12

ne echetoommon tuniyemmo taane. Ebiyee aaf konichona aalli, wotta ebiyee gubb koniyoona daneyaachemmi ariyoonaa shalligechi mulloonon neech immemmo taane.

2 Kiinoo 9:2

Solomooniyoo bi echeto bullin wochiye. Solomooni biishaani turito amolla aalloone.

Shaahiyoo 13:20

Mullechinaꞌona tookkii shaꞌeebeeto, mullechon tunehe; tunebaani mullaalleenaꞌona nuucheebeeto, gonde iritooch dihiye.

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Maatiyoosi 13:11

Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

Qolaasiyaasi 2:3

Shalligee gaannoonaa ariyee gaannoona bulli aacheeꞌi bi beeto bi waaniye.