1 Taateenaꞌo 10:22 - Kafa Linguistics Project

²² Taatoyich Kiraamichi markabeenaꞌona tookkii baharee toommona tegiibee Tarisheshee showooch hammiibeeti giixee markabeenaꞌo beetinaꞌone. Ebi markabeenaꞌoo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.

1 Taateenaꞌo 10:22 ပူးပေါင်းရင်းမြစ်များ

Halloo 10:4

Yawaani bushiishoo: Elishi, Tarisheshi, Kitiiminaa Rodaniiminane.

1 Taateenaꞌo 10:18

Aroochee taatoo dangeyi gashoochee ooge taatee qeenon shuuniiꞌi, xalle aachoona dikkiihe.

1 Taateenaꞌo 10:21

Taatoo Solomooni uchiibeeti xoofoo bulli shuuneeto, aachoocheeniye. Libanoosi Shaaroo getteebeeti taatee kechi qiico bulli shuuneeto, xalle aachoocheeniye. Solomoonichi taatee yemeenooch birewoo qallayeeto bi tunetoyich, birewoochee shuuneeti qiico ciroona aalloone.

1 Taateenaꞌo 22:48

Yoshafaaxi aachoon deeboyich, Ofiir hammemmi, Tarisheshee markabeenaꞌon shuuniihe. Ebi markabeenaꞌo Etsiyoon Geberaa boonoshi tiishetoyich, hamaaneenaꞌone.

1 Taateenaꞌo 22:49

Akaabi bushoo Akaziyaasi Yoshafaaxich, “Ta asheenaꞌo ne asheenaꞌona tookki markaboona hambeete” iye; tunebaani Yoshafaaxi qajjiye.

1 Taateenaꞌo 9:26

Taatoo Solomooni Edoomee showooch Ceelle baharee gashooch, Elaati gaꞌooch beeti Etsiyoon Geberi katemoochaa markabeenaꞌon shuunehe.

2 Kiinoo 9:21

Taatoyich Kiraamichi asheenaꞌona tookkii Tarisheshee showooch hammiibeeti markabeenaꞌo beetinaꞌone. Ebi markabeenaꞌo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.

Iyoobi 39:13

“Shaakke bi qoshoon emiroona shuurikkaa beetine; tunebaani bi qoshoo maannaakkee qoshoommo tuno hakkaache.

Shoddo 48:7

Aabi-keyo waanee yongoona Tarisheshi markabo tiishoommon, boonoshin tiichehine.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Isiyaasi 2:16

Tarisheshi markabeenaꞌo bullinaa mallet gaawe aachi gooneenaꞌo bullinon bi aalliyemmi aabo beetone.

Isiyaasi 23:1

Xiroosichon Doono Yeer waanee getteeti wocho ebine: Tarisheshi markabeenaꞌote, eefote. Xiroosi tiishetine; bi kexonaa markabo neexee xaaꞌoona tiishee aalletone; Qoophiroosaa ittoshi waayemmi woroo ebine.

Isiyaasi 23:10

Tarisheshi asheenaꞌote, ittoshich bajjemmo aallo bi tunetoyich, Abbaayi aacochoommon ittoshi showooch tahee bullebote.

Isiyaasi 23:6

Buure showooch beetinaꞌote, woowo geti eefote; Tarisheshoo kimbote.

Isiyaasi 60:9

Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Hiziqeeli 27:12

“ ‘Ne gaannee woddoochee tiyitona, Tarisheshee asheenaꞌo neenna tookkii giixee beeheete; birewoonaa xuuroonon, shombeqoonaa budoonon deebii bare qiicoona shaddii beeheete.

Hiziqeeli 27:15

“ ‘Dedaanee asheenaꞌo neenna tookkii giixee beeheete; baharee gasheexi showeenaꞌo ne gabiyee godeenaꞌone; boonoshiyoo ne waanee qiicoon kemoyich dangeyi gashoonaa aaꞌi kupphe mixonon deebii beeheete.

Amootsi 3:15

Qaawoon boonoshi beshiibeeti boonoshi kexonaa yooyon boonoshi beshiibeeti kexonon happi aalliyemmo taane; dangeyi gashoona gaawicheeti boonoshi kexo happeyemmone; meeti kexo bulli happaa aallemmone” iye Doono Yeeri.

Yoonaasi 1:3

Tunebaani Yoonaasi Doono Yeeri aafoochee maxxeya iꞌi, Tarishesh hamma tiyiye. Markaboon qaawiꞌi, baharee gashooch beeti, Yoopphi katemooch hammiye. Tarishesh hammiibeeti markaboon danehe. Doono Yeeri aafoochee maxxeya iꞌi, markabechinaꞌona tookki Tarishesh hamma gijjoon qocciꞌi markabooch giyiye.