1 Taateenaꞌo 10:1 - Kafa Linguistics Project

¹ Sheebee taatee Doono Yeeri Solomoonich immiti worganikkiti shalligoon waayaꞌa, turitoona biin phireya waahan.

1 Taateenaꞌo 10:1 ပူးပေါင်းရင်းမြစ်များ

Halloo 10:28

Obaali, Abimayeli, Sheebi,

Halloo 10:7

Kushi bushiishoo: Seebi, Hawili, Sabiti, Raꞌiiminaa Sabitekinane. Raꞌiimi bushiishoo: Sheebinaa Dedaaninane.

Halloo 25:3

Yoqishaniyoo Sheebinaa Dedaaninon shiyihe. Dedaanichi shiijjereenaꞌo Ashuureenaꞌo, Lexusheenaꞌonaa Lehumeenaꞌonane.

1 Taateenaꞌo 10:24

Yeeri biich immiti shalligoon waayoyich, showoo bulliich beeti asheenaꞌo Solomoonina danoyich qaawii beeheete.

1 Taateenaꞌo 4:31

Biyoo ariyoona bare asheenaꞌo bulliyee beshitone; Iziree asho Etaaniyee, Mahooli bushiishoo Hemaani, Kalikolinaa Daridaahinoyee beshe ariyechon tunetone. Bi guudoona beeti aagetee showoo bulliich bi woroo waayeehe.

1 Taateenaꞌo 4:34

Solomoonichi ariyoon waayeti, showee toommo bulliich beeti taateenaꞌo waanee wocheyechinaꞌo bi ariyoon waayoyich waa beeheete.

1 Taateenaꞌo 5:14

Eboshinoo aashiri aashire humoon ikkooch tuniiꞌi keejj beera qoodiye; ikke agenoon Libanoosi guudinaꞌooch boonoshi shuunemmoyich, gutte agenoon wotta boonoshi kexooch boonoshi kashemmoyich, kaalloon qociihe. Adoniraamiyoo ebi maddechinaꞌochi ukkiroone.

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Iyoobi 6:19

Teemee showeexi giixechinaꞌo aacon qaawiyeete; Sheebee showoochee hammiibeeti gommechinaꞌo, aacon daneya gibeneheete.

Shoddo 49:4

Ta waamon shaahiyeenaꞌo waan gaꞌiyemmo taane; ooge ximboon yexi kaayibee, boonoshi biishoon gettemmo taane.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Shoddo 72:15

Taatoo meeti yemeenoon beebe; Sheebee aachoo biich ichebe. Bulli aaboon corooto biich corooteebe; heeyo bullin Yeerichi diiroo biich tunebe.

Isiyaasi 60:6

Miidiyaminaa Efaahinoochee waati, bushe dofee gaaleenaꞌo ne showooch ceennemminaꞌone; bulliyona Sheebee woyemminaꞌone; aachoonaa ixaanoonon deebemminaꞌone; Doono Yeerichi galletoon awaajjemminaꞌone.

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Hiziqeeli 16:14

Neech ta immeti oogoochee tiyitona ne malleto gaawetoyich ne woroo aagetoo bulliich waayeehe, iye Nuggishoo Doono Yeeri.

Hiziqeeli 38:13

Sheebinaa Dedaanina, Tarisheshee giixechinaꞌonaa bi gafeenaꞌo bullina neech ishichemminaꞌone: “Kecoon daamma waanne? Bogoon ne boggemmoyich, birewoonaa aachoonon daamoyich, gaare gijjoonaa qiicoonon wodde kecoon daamoyich, meeti ne asheenaꞌon kicinne?” gettemminaꞌone, itone’ gete.

Maatiyoosi 12:42

Deshi-waanee waati taatee nallaa gallooba neexeree hini yemeeneexi asheenaꞌon taggemmine; ebiyoo Solomooni gettiibeeti shalligoon waayoyich showee tuggoochee bi waatoyichiye. Ebiyoche, Solomooniyee besho hiniich beetone” iye.

Maatiyoosi 13:11

Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Maatiyoosi 13:35

Ebi bi tuneti naboo, “Shaahiyoona gettemmo taane; Yeeri alemoon bi hallitoochee tiijjiꞌi aacheeti mooyon gaxxemmo taane” iꞌi keemecho gettito ceennemmoyichiye.

Maariqoosi 4:34

Ikke mooyonona shaahiyaalloon getaanoone. Biinnaa bi dabbeenaꞌona ikkeeto tunehooba, shaahiyeenaꞌo bullin boonoshich biichiꞌi gettii beehe.

Luqaasi 11:31

Deshi-waanee waati taatee nallaa gallooba neexeree hini yemeeneexi asheenaꞌon taggemmine; ebiyoo Solomooni gettiibeeti shalligoon waayoyich showee tuggoochee bi waatoyichiye. Ebiyoche, Solomooniyee besho hiniich beetone.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.