Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Taateenaꞌo 1:7 - Kafa Linguistics Project

7 Adoniyaasi Tseruuyichi bushoo Yoꞌaabinaa qeeshoo Abiyataarina tookkii koceehe. Boonoshiyoo Adoniyaasin dabbiꞌi biin gaacheheete.

အခန်းကိုကြည့်ပါ။ ကော်ပီ




1 Taateenaꞌo 1:7
12 ပူးပေါင်းရင်းမြစ်များ  

Abisoloomi deejjoon giddiibee, Daawitin ciicciibeeti asheenaꞌo daggoochee ikkoo tuneti Akixofeelin bi katemoo Giloonee bi woyemmoyich wochehe. Taatoo toommooch boonoshi koceeti koceyoo manjii manjii hammiye. Abisoloomin dabbiibeeti asheenaꞌoo meettii meettii hammiyeete.


Qeesheenaꞌo Sadooqinaa Abiyataarina arooch neenna tookki tunemminaꞌone. Taatoo kexoochee ne waayemmi amee mooyonona, boonoshich gete.


Yoꞌaabi Israꞌeelee ginee naayinaꞌo bulli toommooch iraashoone; Yoyaadi bushoo Beenayiyoo taatoochi quyee naayinaꞌo tuneti Kereeteenaꞌonaa Feleeteenaꞌona toommooch iraashoone.


Sheewi, taatoochi koorechone; Sadooqinaa Abiyataarina qeesheenaꞌone.


Tseruuyi bushoo Yoꞌaabi bi ginee iraashoone. Ahiluudi bushoo Yoshafaaxi wotta kiinee koorechone.


Taatoo Solomooniyoo bi indeyich ishichiye: “Amoyich Shuneemee ashe Abishagin baach Adoniyaasich echenne? Ta qaabbe manoo bi tunetoyich, taatittinoonoo biich echebani am! Biich baach tuneyaanoon, qeeshoo Abiyataarinaa Tseruuyi bushoo Yoꞌaabinoyichoo ebiyoommon echebe!” iye.


Daawiti, “Yebuseenaꞌon shiichii kochimmi asho ginee iraashoo tunemmone” iye. Ebich Tseruuyi bushoo Yoꞌaabi shiichii kechii kochiꞌi ginee iraashoo tunehe.


Beenayi bushoo Yoyaadinaa Abiyataarina Akixofeeli xaaꞌooch kereetinaꞌone. Yoꞌaabiyoo taatoochi ginee iraashoone.


Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ