1 Taateenaꞌo 1:40 - Kafa Linguistics Project

⁴⁰ Boonoshiyoo shumburoon huggii, oogichii cookii ililiibee, bi hillooch dabbii hammiyeete; boonoshi cookoochee tiyitona showoo shuuriye.

1 Taateenaꞌo 1:40 ပူးပေါင်းရင်းမြစ်များ

1 Taateenaꞌo 1:39

Qeeshoo Sadooqiyoo zayitee xoofoon danee duukkaanoochee deebiꞌi, Solomoonin huuttiye; tiroon huggiyeete. Asheenaꞌo bulliyoo “Taatoo Solomooni hume naton taatebe!” iyeete.

1 Taateenaꞌo 1:41

Adoniyaasinaa bi ceeggiti asheenaꞌona gifiroon maa uchii ciicha boonoshi bedooch, ebin waayeheete. Yoꞌaabiyoo tiree qaaroon waayeꞌi, “Katemoochee waayeebeeti, ebi dullee qaaro, amoone?” iye.

1 Taateenaꞌo 1:45

Qeeshoo Sadooqinaa keemechi Naataanina Giyooni aachi Xuuphoochaa huuttiꞌi taatiitinaꞌone. Aroocheenoo emiroona kechiyeete. Katemoo bi dullito ebinane. Ittoshi waayeti qaaro ebine.

2 Taateenaꞌo 11:14

Biyoo doyeetoommon taatoo giimbee gaꞌooch neexeꞌi beemon, bi gaꞌoochoo iraasheenaꞌonaa tiree huggechinaꞌona neexeꞌi beemon beeggahan; asheenaꞌo bulliyoo emirii, tiroonoo huggii beeheete. Ataaliyi bi tahoon keexxaꞌa, “Hukkoone, hukkoone!” iyaꞌa cookiyan.

2 Taateenaꞌo 11:20

Ebich asheenaꞌo bulli emiriyeete. Ataaliyi taatee kexoochaa goraadoona bi qititoyee gubb, katemoo shashewimiye.

Shoddo 97:1

Doono Yeeri taatetone; showoo emiribe; wohooch beeti buure showeenaꞌo bulliyoo emiribeete.

Daaneeli 3:5

‘Xurumbee qaaroon, tiimbe qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayegaata, ta neechiti, aachoochee shuuneeti misiloyich baroona guuferee goyinnebote!

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Luqaasi 19:37

Yesuusinaa dofee asheenaꞌona Yerusaalem katinniꞌi Zayitee Michi guudi dugilloon boonoshi wottemmona, biin dabbii beetinaꞌo bulli emiriꞌi boonoshi beeggiti gaakkechi shuunoo bullich boonoshi qaaroon oogichiꞌi ishichiibee Yeerin galleteheete:

1 Saameeli 11:15

Asheenaꞌo bulli Galigala hammiyeete. Aroochaa Saaꞌoolichi taatittinoon Doono Yeeri aafoochaa manjiiheete. Aroochaa asheenaꞌo Doono Yeerich ikkittinee deejjoon deejjiyeete. Ebina Saaꞌoolinaa Israꞌeeleenaꞌona oogeti emiree baaroon baariyeete.

1 Saameeli 4:5

Doono Yeerichi wogee taabooto boonoshi beetooch bi shaggimmona, Israꞌeeleenaꞌo bulli oogichiꞌi ililiyeete; showoo shuuriye.