1 Saameeli 9:12 - Kafa Linguistics Project

¹² Maache bushiisheenaꞌo boonoshich wochiꞌi ishichiyeete: “Eeha, beetone. Ittoshiyee aaf hammiibeeto bi tunetoyich, kaate afaafine hambote. Asheenaꞌo hanaach guudi toommeexi goyinnee xaaꞌoochaa deejjoon giddiyemminaꞌo boonoshi tunetoyich, no katemooch bi waato, batt hanaachiye.

1 Saameeli 9:12 ပူးပေါင်းရင်းမြစ်များ

Halloo 31:54

Guudi toommoochaa Yeerich deejjoon michii deejjiye. Bi xibeenaꞌo ebi meenonaa koshonon boonoshi maayemmoyich ataalliye. Boonoshiyoo boonoshi maatoyee gubb, are guudi toommooch qeyiyeete.

1 Kiinoo 16:39

Daawiti qeeshoo Sadooqinaa qeesheenaꞌo tuneti bi maneenaꞌonon Gibeꞌooni guudi toommeexi goyinnee xaaꞌooch beeti Doono Yeerichi yaafee duukkaanee aafooch neechiye.

1 Saameeli 10:5

“Aroyee gubb, Filsixeemee ginee kaambo beeti, Yeerichi geppooch, Gibaaha shaggemmo neene. Aroochee katemooch shagiichi, ooge ximboon, giishi ximboon, kamboonaa shumburoonon yechiꞌi, keemmiibee guudi toommeexi goyinnee xaaꞌoochee kindiibeeti, ikke guuphi keemechinaꞌona danemmo neene.

1 Saameeli 16:2

Saameeliyoo “Aabichireeshiye ta hammemmo? Saaꞌooli waayegaata, taan wuxemmone” iye. Doono Yeeriyoo ishichiye: “Ikke gidereen yeshi hamiree, Doono Yeerich deejjoon giddiiya ne womon gete.

1 Saameeli 2:35

Ta mulleexonaa ta gaboonon ceechemmi, gibeneeti, ta qeeshoon taach kaaccemmo taane. Bi shiijjeroon meeti yemeenoon beeyemmo tuniyemmo taane. Biyoo ta huutteti taatoo aafooch bulli aaboon maddemmone.

1 Saameeli 20:6

Ne nihoo ta aalloon ariiꞌi bi echegaata, ‘Daawiti, bi kechi asheenaꞌo bulli nati deejjoon giddiyemminaꞌo boonoshi tunetoyich, bi beemi katemoo Beetilehem afaafinoona hamoyich taan daaggoo qolletone’ gete.

1 Saameeli 7:17

Aroochee bi kexo Raama bi tunetoyich, Raama wottee beehe. Aroochaanoo Israꞌeeleenaꞌo mooyon nallii qeejjii beehe. Biyoo Doono Yeerich deejjee gudoon Raama shuunehe.