1 Saameeli 8:6 - Kafa Linguistics Project

⁶ Asheenaꞌo “Noon qeejjemmi taatoon nooch taatiibe” boonoshi geto Saameelin emirikkaanoone. Ebich Doono Yeer waan corootiye.

1 Saameeli 8:6 ပူးပေါင်းရင်းမြစ်များ

Shoddo 109:4

Boonoshin ta shunnetaanona taan taggeheete; tunebaani ta boonoshich corootiyoye.

Keyo 32:21

Aroochee Muusi Haroonin “Ebi shaahe magge axaaxoon boonoshi shuunemmoyich ne tuniito, ebi asheenaꞌo neen aabicheenane?” iye.

Keyo 32:32

Boonoshi axaaxoon ne maaremmoyich neen qollehoye. Ebi tuno qayigaata, ne kobereti macaafoochee ta shigoon hidibe” iye.

Hosee'i 13:10

Taatoonaa iraasheenaꞌona ittoshich ichemmoyich echeto ittoshine. Ishigaata, ittoshin bi wodiyemmoyich, ittoshi taatoo and aaye? Ittoshi katemoo bulliich iraasheenaꞌo aayeete?

Haddoo 16:15

Muusiyoo oogichii ippehe; Doono Yeerichoo ishichiye: “Boonoshi deejjoon deqqaahine. Ikke kuroonona, boonoshi waanee deꞌaano taane; boonoshi daggoochee ikkoonolla xuꞌaano taane” iye.

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

Haddoo 16:46

Muusi Haroonich ishichiye: “Ixaano shookkeebeeti ne qiicoon yeshe. Deejjee gudoochee qaaqqoon arooch boode. Ixaanoonoo arooch gede. Kaate iiteenaꞌo waan hami boonoshi axaaxoon maariibe. Doono Yeer waanee kaaree shiixxoo kinditone; naxoo wonnitone” iye.

Filipphisiyoosi 4:6

Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

1 Saameeli 10:19

Ittoshin duꞌoonaa xuuxo bullinoochee wodiyaabeeti, ittoshi Nuggishoo taane. Tunebaani and ittoshi taan qajjiichii, taatoon ittoshich ta taatiyemmoyich echehote. Illa and ittoshi yoodi yoodoona, ittoshi yari yaroonoo tuneree, Doono Yeeri ta aafooch giddebote’ itone” iye.

1 Saameeli 12:12

“Tunebaani Amoonee taatoo Nahaashi ittoshin kocha bi womon ittoshi beeggiyooba, ittoshi taatoo tuneti Nuggishoo Doono Yeerin qajjiichii, ‘Ebi tuneyaache; noon yaabi qeejjemmi taatoon qaawaabeeto noone’ iyote.

1 Saameeli 12:17

And hini teepphee qecci gooroone. Tawoo Doono Yeer waan corootemmo taane. Biyoo xeeyoonaa amiyonon deejjemmone. Ittoshiyoo taatoo ittoshi toommooch bi taatemmoyich echoona, am shaahe axaaxoon ittoshi shuuneto gaata ebina xiishi ariyemmo ittoshine” iye.

1 Saameeli 12:19

Asheenaꞌo bulli Saameelich “Taatoo no toommooch bi taatemmoyich echoona, bare no axaaxee toommooch hini axaaxoon daakkaꞌa shuuneto noone. No qitaachemmoyich, ne guuno nooch ne Nuggishoo Doono Yeer waan corootibe” iyeete.

1 Saameeli 12:23

Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.

1 Saameeli 15:11

“Saaꞌoolin ta taatiitoyich ayinito taane. Biyoo taan dabboon qajjitone; ta getoonoo ceechemmon qajjitone” iye. Saameeliyoo ippehe; xumo bullinoo Doono Yeer waan cookiye.

1 Saameeli 7:5

Saameeliyoo Israꞌeeleenaꞌo bullich wocheꞌi, “Mitsiphi katemooch kiceebote; tawoo aroochaa ittoshich Doono Yeerin qollemmo taane” iye.