1 Saameeli 8:3 - Kafa Linguistics Project

³ Tunebaani bi bushiisheenaꞌo boonoshi nihoochi gommon dabbaaneenaꞌone. Boonoshiyoo gaacoon dano waan guuddiyeete. Xuccoon maabee dayinnetoon dabii beeheete.

1 Saameeli 8:3 ပူးပေါင်းရင်းမြစ်များ

2 Saameeli 15:4

Biyoo daakkiꞌi ishichii beehe: “Hini showee toommooch abo nallecho tunebota! Taggoo woyee mooyo biich beeti asho koniyoona ta waan bi waataa, biich dayinnetoona nallesho taane” ii beehe.

Shoddo 15:5

bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.

Shoddo 26:10

Boonoshi kishooch gonde shuunoo beetone; boonoshi qanne kishoochoo xucco ceennitone.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 23:6

“Nallee gabberoochaa dayinnetoon dabiiree, girecho mooyon xummiyaahine.

Keyo 23:8

“Xucco kaachii ciinniibeeti ashi aafoon daayii beetone; kaame asheenaꞌochi nalloon xummii beetone; ebich xuccoon maayaahine.

Dojjecho 2:19

Ebi asho mullecho woyee mullaallo bi tunoon koni ariihe? Tunebaani hini showee toommoochaa ta aajjetonaa ta shalligoona ta daneto bullinochi toommooch doonjemmo biine; ebiyoo wotta duuboone.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 33:15

Cadiqoona beeto, iberoon yibbaateebeeto, xuꞌoona daneebeeti shimon hoxeebeeto, xuccoochee bi kishoon quyeebeeto, damoon ukkiya koceyoon waayoochee bi waamon oppeebeeto, gondoon ciinoochee bi aafoon oppeebeeto,

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 6:10

Ebi gijjee shuno meeti gonde mooyon shuunooch bechemmone; ebiyoommon ikkikkeenaꞌo gijjoon qaatiibee, Kiristoosi toommooch mullee tooꞌiyoon qajjiꞌi shattii giiriiti ayinee daggooch boonoshi hajjee kishoona giyitinaꞌone.

1 Saameeli 12:2

Illa and ebiyee damba ittoshin yaabi qeejjemmo biine. Tawoo geenaa bukketo taane. Ebiyoche, ta bushiisheenaꞌo ittoshina tookkii beetinaꞌone. Tawoo gurimaashittinoochee tiijjaꞌa and beddaahaa, ittoshin yaabaa qeejjaabee echeto taane.

1 Saameeli 2:35

Ta mulleexonaa ta gaboonon ceechemmi, gibeneeti, ta qeeshoon taach kaaccemmo taane. Bi shiijjeroon meeti yemeenoon beeyemmo tuniyemmo taane. Biyoo ta huutteti taatoo aafooch bulli aaboon maddemmone.