1 Saameeli 7:12 - Kafa Linguistics Project

¹² Aroyee gubb Saameeli ikke xaqqoon daammiꞌi, Mitsiphinaa Sheeninochi gutte daggooch neechiye. Biyoo “Hanaach beddaahaa Doono Yeeri noon gaachetone” iꞌi, aroon Ebenezeeri iꞌi shigiihe.

1 Saameeli 7:12 ပူးပေါင်းရင်းမြစ်များ

Halloo 22:14

Ebich Abrahami ebi xaaꞌoon “Doono Yeeri qanniyemmone” ii shigiihe. Hanaach beddaahaa, “Doono Yeerichi guudi toommoochaa qannemmone” getteehe.

Halloo 35:14

Yaaqobiyoo Yeeri biinna tookkii yibbaateti xaaꞌooch xaqqee giimboon neechiye; uyee deejjoon bi toommooch ukkiye; zayitoonoo wotta ukkiye.

Shoddo 71:17

Yeero, ta bushittinoochee tiijjaa taan dojjito neene; tawoo and beddaahaa worganeeti ne shuunoon awaajjaabeeto taane.

Shoddo 71:6

Ta shiijjoochee tiijjaꞌa neenna degeehoye; ta indee maacoochee ta shiijjemmoyich tuniito neene; bulli aaboon neen galletoye.

Keyo 17:15

Muusiyoo deejjee gudoon shuuneꞌi, Doono Yeeri Ta Baanderoo iꞌi shigiihe.

Isiyaasi 19:19

Arooba Gibitsee showee daggooch, Doono Yeerich deejjee gudo shuuneyemmone; bi danoochoo Doono Yeerich malletee giimboo neexemmone.

Mishiraachechinaꞌo 26:22

Tunebaani and beddaahaa Yeeri taan gaachetaa, ‘Keemechinaꞌonaa Muusina “Kiristoosi xuuxoon beeggemmone; qitoocheenoo shiichoo tuneree tiyemmone; ebina Ayihudeenaꞌonaa Aageteenaꞌonoyich wodee bekkoon gettemmone” iꞌi boonoshi gettito ceennemmone’ iꞌi oogoyichoo tuneba giishoyich miixoyee damba bare ta getteti mooyo aalloone” iye.

2 Qorontoosi 1:10

Biyoo ebin shaahiibeeti qitoochee noon wodiihe; andoo wodiyemmone; ittoshiyoo wotta Yeerin qolloona noon ittoshi gaache beetaa, gubboo wotta noon wodiyemmo bi tunoon gibenaabeeto noone; wodde corootoona Yeerichi wojjoon no danetaa, meeti asheenaꞌo no naboona Yeerin galletemminaꞌone.

Yaasi 4:9

Wotta Yaasi wogee taabootoon shaaggiti qeesheenaꞌo neexeti, Yoordaanoosi aachi gutte daggooch, bare aaraa gutte xaqqeenaꞌon neechiye. Ebi xaqqeenaꞌo hanaach beddaahaa are xaaꞌooch beetinaꞌone.

1 Saameeli 14:35

Saaꞌooliyoo Doono Yeerich deejjee gudoon shuunehe. Ebiyoo Doono Yeerich bi shuuneti, batti batti deejjee gudoone.

1 Saameeli 4:1

Israꞌeeleenaꞌo Filsixeemeenaꞌon kocha kechiyeete. Boonoshiyoo Ebenezeer kaamboon geddiꞌi koteheete. Filsixeemeenaꞌo wotta Afeeq kaamboon geddiꞌi koteheete.

1 Saameeli 5:1

Filsixeemeenaꞌo Yeerichi taabootoon boonoshi keccitoyee gubb, Ebenezeeree Ashidood shaaggiꞌi daammiyeete.

1 Saameeli 7:11

Israꞌeeleenaꞌo Mitsiphee kechiꞌi, Filsixeemeenaꞌon wuxiibee, Beet Kaari katemoon boonoshi beshiimmi wottoon boonoshin yookkii dabbiyeete.