1 Saameeli 6:4 - Kafa Linguistics Project

⁴ Asheenaꞌoo “Xuꞌoyich tunemmi, no daachiyemmi nummoo, amoone?” iꞌi echeheete. Boonoshiyoo ishichiyeete: “Ittoshinaa ittoshi taateenaꞌonon yexxiti naxo ikkoo bi tunetoyich, Filsixeemee taateenaꞌochi haddoona, gaaboon shaahiitaa aachoochee shuuneeti uuche mooyonaa aachoochee shuuneeti uuche iiccoonon daachiibote.

1 Saameeli 6:4 ပူးပေါင်းရင်းမြစ်များ

Keyo 12:35

Muusi boonoshich gettitoommon, Israꞌeeleenaꞌo birewoonaa aachoonoochee shuuneeti shashoon, ebiyoommon tahoon, Gibitseenaꞌo waanee echetinaꞌone.

Yaasi 13:3

Aweenaꞌo showoonane. Gibitsaa aabi-keyo waan beeti Shihoori aacoochee tiijjiꞌi, dambi-waan beeti Eqirooni katemee daarooch beddaahaa beeti showoo bulli Kanaaneenaꞌo showoo tuniitaa haddeetone. Gaazi, Ashidoodi, Ashiqelooni, Gaatinaa Eqirooninooch beechii hajjiti uuche Filsixeemee taateenaꞌo beetinaꞌone.

Woraaferasheenaꞌo 14:19

Aroochee bekkech Doono Yeerichi Ayaano bi toommooch giidoona kindiye. Biyoo Ashiqeloona hammiꞌi shaashe asheenaꞌon wuxiye. Boonoshi tahoon shoottii daammiꞌi, bi turitoon biichiti asheenaꞌoyich immiye. Ebi mooyona oogeton ippeebee bi nihoo kexooch wotteꞌi hammiye.

1 Saameeli 5:12

Qitoochee muriccitinaꞌon gaaboo oogichiꞌi bi qaakkiitoyich, are katemeexi asheenaꞌo cookoo shimaayooch kechiye.

1 Saameeli 5:6

Doono Yeeri Ashidoodi asheenaꞌon naxeꞌi oogichii keqqichiye. Boonoshinaa boonoshi guudoona beeti asheenaꞌonon gaabee biiyoona yexxiye.

1 Saameeli 5:9

Arooch boonoshi daammitoyee gubb, Doono Yeeri are katemeexi asheenaꞌon naxehe. Boonoshi toommoochoo oogeti keqqoon deebiye. Giisho oogoo getaanoon, are katemeexi asheenaꞌo toommooch gaabee biiyoon deebiꞌi boonoshin yexxiye.

1 Saameeli 6:5

Gaabee misileenaꞌon, ittoshi showoon aalliibeeti iicceenaꞌochi misileenaꞌonoo shuuneree Israꞌeelee Nuggishoyich oogoon imbote. Ebin ittoshi tuniigaata, diqqich ittoshin, ittoshi nuggisheenaꞌonaa ittoshi showoonon naxoon qajjemmo tunemmone.

1 Saameeli 6:8

Doono Yeerichi taabootoon daamiree gaari toommooch kotiibote; xuꞌoyich tunemmi nummoyich ittoshi giddiiti, aachoochee shuuneeti misileenaꞌon saaxenooch gedi bi gaꞌooch kotiibote; aroochee bi shunnito waan bi hammemmoyich tuniichi,