1 Saameeli 5:3 - Kafa Linguistics Project

³ Ashidoodi asheenaꞌo dechara maaddoona tiyii ciinniꞌi, Daagooni Doono Yeerichi taabootee aafooch, showooch guufeꞌi beeton beeggiyeete. Aroochee tiijjiꞌi bi xaaꞌooch wochii neechiyeete.

1 Saameeli 5:3 ပူးပေါင်းရင်းမြစ်များ

1 Taateenaꞌo 18:26

Boonoshich icheti wuron daammiꞌi qanniiheete. Haroochee aabee daggemmi wottoon, “Baꞌaaloocho, no qolloon waayebe” iibee boonoshi nuggishoochi shigoon ceeggiyeete. Tunebaani qaareto, boonoshi qolloonoo waayeto aalloone. Boonoshi shuuneti deejjee gudee gaꞌoochaanoo yubbeheete.

Shoddo 115:7

Boonoshich kishoo beetone; tunebaani shafeyaacheete; baatoo beetone; tunebaani shaꞌeyaacheete; boonoshi kookkoocheenoo qaaroon kichoon hakkaacheete.

Shoddo 97:7

Shahalleenaꞌoyich goyinnee beetinaꞌonaa boonoshina yebenee beetinaꞌona, yeellemminaꞌone; nuggisheenaꞌote, bi aafooch goyinnebote.

Keyo 12:12

“Tawoo aroobee xum Gibitsee showee daggoona beshemmo taane; ashoochee gutenee bushiishoon, gijjoochee shiichii shiijjeti qaabboo bullin wuxemmo taane; Gibitseenaꞌo goyinneebeeti nuggisheenaꞌo bulli toommooch nallemmo taane. Ta, Doono Yeeri taane.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Isiyaasi 40:20

Gijjaalli girecho, quno maataani mixon giddiihe; bi dihaachemmoyich, shuuna ariyecho tachiree bi shuunemmoyich tuniihe.

Isiyaasi 41:7

Kishee shuunee ariyecho aachee ukkechon kupphiihe; modooshoona qiccii shishiibeeto xuuroon yexxii yeshii beeton, ‘Ebi qiccaa ne yeshiito gaawetone’ iye; shahalloo dihaachemmoyich, boonoshiyoo misimaaroona xaaqqiyeete.

Isiyaasi 46:7

Tiijjiꞌi boonoshi gogooch shaggiyeete. Ikke xaaꞌooch boonoshi neechigaata, arooch neexehe; bi beeti xaaꞌoochee shuuroon hakkaache. Ikke asho bi waan bi corootigaata, waayee wochaache; bi iritoochee wodiyoon hakkaache.

Erimiyaasi 10:8

Mullaalleenaꞌonaa dookkeenaꞌona tuneꞌinalli, shahalloochee amo doyoo hakkeyehe?

Sofoniyaasi 2:11

Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.

Maariqoosi 3:11

Wotta yinneenaꞌo biin ciinniꞌi bi aafooch guufeechii, “Ne Yeerichi Bushoo neene!” iibee cookiyeete.

1 Saameeli 6:1

Doono Yeerichi taabooto Filsixeemee showooch shabaatte agenoon kotehe.

1 Saameeli 6:5

Gaabee misileenaꞌon, ittoshi showoon aalliibeeti iicceenaꞌochi misileenaꞌonoo shuuneree Israꞌeelee Nuggishoyich oogoon imbote. Ebin ittoshi tuniigaata, diqqich ittoshin, ittoshi nuggisheenaꞌonaa ittoshi showoonon naxoon qajjemmo tunemmone.