1 Saameeli 4:3 - Kafa Linguistics Project

³ Echeti Israꞌeelee ginee naayinaꞌo kaambooch boonoshi wottemmona, Israꞌeeleenaꞌon qeejjiibeeti geeneenaꞌo ishichiyeete: “Doono Yeeri noon Filsixeemeenaꞌo kishooch bi duppito, amoyichiye? Noonna tookki bi hammemmonaa no etteenaꞌo kishoochee noon bi wodiyemmonoyich, Doono Yeerichi wogee taabootoon Shiloohee deebone” iyeete.

1 Saameeli 4:3 ပူးပေါင်းရင်းမြစ်များ

2 Saameeli 15:25

Taatoo, Sadooqich ishichiye: “Yeerichi taabootoon katemooch wochi daambe. Doono Yeeri aafoochaa gidoon daneto ta tunegaata, bi taan wochi deebiree, taabootoonaa bi qeyi kexonon wochinnoon ta beeggemmoyich tuniyemmone.

1 Kiinoo 17:1

Daawiti bi taatee kexooch bi kotetoyee gubb, keemechi Naataanich ishichiye: “Ta, yigee mixoochee hakkeeti kexooch beeto taane. Tunebaani Doono Yeerichi wogee taabooto duukkaanoochiye bi beeto” iye.

Shoddo 74:1

Yeero, bulli yemeenoon amoyich noon duppenne? Gaddooch beeti bagoommi ne asho no toommooch ne kaaro amoyich cufiye?

Shoddo 74:11

Ne kishoon gubb ne wochaabeeto amoyichiye? Ne qanne mochoon tiijjoo ne qajjaabeeto amoyichiye?

Isiyaasi 50:1

Doono Yeeri ishichiye: “Ittoshi indeen ta yookketi gawukkee koorichoo aaye? Erettiyechinaꞌo daggoochee ittoshin ta kemmeto konichiye? Ebiyoche, ittoshi axaaxoona kecheto ittoshine; ittoshi xuꞌoona ittoshi indee yookketine.

Isiyaasi 58:3

Asheenaꞌo, “Ne ciinaanich amoyich coomiyone? Mooch ne haddaanich amoyich no qelloon giishiihone?” iyeete. Doono Yeeriyoo ishichiye: “Ittoshi coomii beehooba ittoshi mullee daaggoon tuniihote; ittoshi shuunechinaꞌon duꞌiihote.

Isiyaasi 59:1

Doono Yeerichi mochoo wodiyoon mawiyaanoone; bi waamo waayoyich ulleyaanoone.

Isiyaasi 59:2

Tunebaani ittoshi xuꞌo ittoshinaa ittoshi Nuggishoonochi daggooch barbarittinoon gedditone; ittoshi axaaxoo bi aafoon ittoshi waanee bi wochemmoyich tuniitone; ebich ittoshi qolloon waayeyaache.

Erimiyaasi 3:16

Showee toommooch haddoona ittoshi meetiyooba, ebiyooba, Doono Yeerichi wogee taabootee mooyon tiijjii yibbaato qaawiyaachemmone; biyoo batteeto tunemmone; gabeyaachemmone; ciroonoo shalligeyaachemmone; ebi taabootoo wochinnoon shuuneyaachemmone.

Erimiyaasi 7:4

“Hini Doono Yeerichi yaafee kexone; Doono Yeerichi yaafee kexone; Doono Yeerichi yaafee kexone” getibee koote qaaree toommooch gibeno geddaahote.

Haddoo 10:33

Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye.

Haddoo 10:35

Muusi, taabooto tiyii qaxirimmona “Doono Yeero, tibe; ne etteenaꞌo shacebeete; ne shixechinaꞌo ne aafoochee aallebeete” ii beehe.

Haddoo 31:6

Muusiyoo yoodi yoodoochee ikkikke hume asheenaꞌon ginooch daachiihe. Boonoshinaa qeeshoo Elazaari bushoo Finihaasinon ginooch daachiihe. Yaafeeti qiicoonaa hukkeebeeti tiroonon biich immiye.

Yibbaatoo 29:24

Aageteenaꞌo bulli ebin beegiree, ‘Doono Yeeri ebi showee toommooch ebin amoyich tuniihe? Ebi shaahoon oogichiꞌi bi kaareto, amoyichiye?’ geti echemminaꞌone.

Yibbaatoo 31:26

“Hini Sheeree Macaafoon daamiree, ittoshi Nuggishoo Doono Yeerichi wogee taabootee gaꞌooch kotiibote. Ittoshi toommooch miixoo tuneree ebi arooch beebe.

2 Ximootiyoosi 3:5

Boonoshiyoo Yeerich goyinnee beetinaꞌon shaahibeetani, goyinneechi giidoon nookketinaꞌone; eboshi waanee wohe.

Hibireena'o 9:4

Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.

Yaasi 4:7

boonoshich Yoordaanoosi aaco Doono Yeerichi wogee taabootee aafooch bi neexoon, ebiyoo taabootoon shaaggitinaꞌo Yoordaanoosin kimiyooba, wocaanoon bi neexoon, boonoshich gettemmo ittoshine. Ebina ebi xaqqeenaꞌo Israꞌeeleenaꞌoyich bulli yemeenee shalligicheenaꞌo tunemminaꞌone” iye.

Yaasi 6:6

Ebich Nuuni bushoo Yaasi qeesheenaꞌon ceeggiꞌi, “Wogee taabootoon shaagote; shabaatte qeesheenaꞌo shabaatte tiroon yeshiree, Doono Yeerichi taabootee aafooch shiichibeete” iye.

Yaasi 7:7

Yaasiyoo ishichiye: “Woowo! Nuggishoo Doono Yeero, hini asheenaꞌon Yoordaanoosin kimiree hiniich boonoshi woyemmoyich ne tuniito, Amooree asheenaꞌoyich beshii imiree, noon boonoshi ciichemmoyich tuniyaniye? Abo kimaanoon aachee okk echebona!

Yaasi 7:8

Ta Doonocho, Israꞌeeleenaꞌo boonoshi etteenaꞌo aafoochee wocaa aalletinaꞌone. Illa ama getishiye ta gettemmo?

1 Pheexiroosi 3:21

Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.

Yihudi 1:5

Ebiyee aaf ebi bullin ittoshi ariitaanolla, Doono Yeeri Gibitsee Israꞌeeleenaꞌon kichii wodiichii, bi toommooch mulloon tooꞌiyaaneenaꞌon gubb bi aalliyoon ittoshich shalligichoon shunnaabeeto taane.

1 Saameeli 1:24

Bushoo xano bi kuxxitoyee gubb, Shilooha beeti Doono Yeerichi kexooch daammahan. Wotta biinna tookkaa keejje nati ikke gubbenoon, keejje qunnee buddinoonaa ikke mollexxee woyinee uyoonon yechaꞌa hammahan. Arooba bushoo batt nallefoone.

1 Saameeli 14:18

Saaꞌooliyoo Akiyin “Efoodoon deebe” iye. Ebiyoo arooba Akiyi efoodoon taheꞌi Israꞌeeleenaꞌo aafooch bi beetoyichiye.

1 Saameeli 4:2

Filsixeemeenaꞌo yaaroona kechiꞌi Israꞌeeleenaꞌon kochiyeete. Koyoo qeeccii hammimmona, Filsixeemeenaꞌo Israꞌeeleenaꞌon kochii wochiyeete. Boonoshiyoo are koyee xaaꞌoochaa awudde hum bede asheenaꞌon wuxiyeete.