1 Saameeli 30:6 - Kafa Linguistics Project

⁶ Asheenaꞌo biin xaqqoona yexxa boonoshi itoyich, Daawiti oogeton xuuxehe. Ebiyoo asheenaꞌo boonoshi anaami bushiisheenaꞌonaa maache bushiisheenaꞌonochi naboona mooyo boonoshich bi caammitoyichiye. Tunebaani Daawiti bi Nuggishoo Doono Yeerina kupphehe.

1 Saameeli 30:6 ပူးပေါင်းရင်းမြစ်များ

Halloo 32:7

Yaaqobiyoo oogeton keqqii shattiye. Biinna tookkii beeti asheenaꞌon, miiminaꞌon, bageenaꞌonaa emmisheenaꞌonon, gaaleenaꞌonoo gutte beera qoodiye.

2 Saameeli 17:8

Ne aabbinaa bi asheenaꞌona ginee anaaminaꞌo boonoshi tunoon, wotta bi bushiishoon bokketi diibechoommon oogeton ippetinaꞌo boonoshi tunoon ariyaabeeto neene. Ebiyeenoo wotta ne nihoo koyee ariyechone. Xumoon asheenaꞌona tookki qeyaachemmone.

2 Taateenaꞌo 4:27

Aroochee Yeer asho beeti guudi toommooch shaggaa dihiichaa, bi baatoon gaappaa yechahan. Giyaazi biin wokkiiya waahe. Tunebaani Yeer asho biich, “Qaye; bi kashe caammetine. Doono Yeeri ebin taach aachitone. Taachoo getaanoone” iye.

Iyoobi 13:15

Yeeri bi qaawigaata taan wuxibe; illa echesho amoone; tunebaani ta mooyon bi aafoochaa taggemmo taane.

Shoddo 116:10

“Oogichaꞌa duꞌeto taane” ta iyoobolla ta gibenoon qayaano taane.

Shoddo 138:3

Ne waan ta cookaa waayehine; ne hakkoona taan kupphiihine.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 18:6

Ta xuuxehooba, Doono Yeerin ceeggehoye; ta Nuggishoo taan bi gaachemmoyich ceeggehoye. Biyoo bi yaafee kexooch beechii, ta qaaroon waayehe; ta cookoo bi waamooch shaggiye.

Shoddo 25:17

Ta mullee iritoo woddetone; xuuxoochee taan kichibe.

Shoddo 27:14

Doono Yeerin gibenebe; kupphebe; ne mullo goggebe; Doono Yeerin gibenebe.

Shoddo 31:24

Doono Yeerin gibeneebeeti ittoshi bulli kupphebote; ittoshi mullo goggebe.

Shoddo 42:11

Ta kasheene, ne ayinaabeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechonaa ta Nuggishoonon galletemmo taane.

Shoddo 42:5

Ta kasheene, ne ayiniibeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechon wochinnoon galletemmo taane.

Shoddo 42:7

Ne aachi haanaatee qaaroona, ikke gejjo bare gejjoon ceeggiye; ne aayonaa ne yuboona ta toommona beshehe.

Shoddo 56:11

biin gibeneto taane; shataache; asho taan amoon halleshone?

Shoddo 62:1

Ta kashe kashaꞌa quyaabeeto Yeerin baachiye; ta wodoo waabeeto bi waaneeniye.

Shoddo 62:5

Ta kashe kashaꞌa quyeebeeto Yeerin baachiye; ebiyoo, ta gibenaabeeto biin bi tunetoyichiye.

Shoddo 71:4

Ta Nuggishoocho, gondoochi kishoochee, xuꞌechonaa mulli manjoonochi kishoochee taan wodiibe.

Shoddo 71:5

Nuggishoo Doono Yeero, ta gibeno neene; ta bushittinoochee tiijjaꞌa neen gibeneto taane.

Keyo 17:4

Aroochee Muusi “Ebi asheenaꞌon aabichishiye ta gettemmo? Xaqqoona taan yexi wuxiya ii beetinaꞌone” iꞌi Doono Yeer waan cookiye.

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Isiyaasi 25:4

Girechoyich deeboon, shiqqoyichoo bi xuuxee aabooba deebon, aachi aayoochee bi wodemmi xaaꞌoon, aaboyich yiiroon, tuneto neene; maacmanjeenaꞌochi kaaree cufoo, kechi duuhoon qicciibeeti aachi aayoommon,

Erimiyaasi 16:19

Ta hakkoo, ta giidoo, iritee aabooboo ta deebo tuneti Doono Yeero, showee tuggoochee aageteenaꞌo ne waan waaree, “No qaabbechinaꞌo kootoon, duube mooyon, boonoshich gaacaani mooyon woraashitinaꞌone” gettemminaꞌone.

Yoonaasi 2:2

Biyoo ishichiye: “Doono Yeero, xuuxee toommooch beechaa, neen ceeggehoye; newoo waayehine. Qititinaꞌo kiceeꞌi beeti hoonooch beechaa, cookiyoye; newoo ta cookoon waayehine.

Haddoo 14:10

Tunebaani iiteenaꞌo bulli boonoshin xaqqoona yexi wuxiya boonoshi toommooch tiyiyeete. Areegaata, Doono Yeerichi oogee yiiroo danee duukkaanoochaa Israꞌeeleenaꞌo bullich bekkehe.

Maatiyoosi 21:9

Aaf shiichii beetinaꞌonaa gubb dabbii beetinaꞌona, “Hosaana! Daawitichi Bushoyich oogo tunebe! Doonochi shigoona waabeeto diireebe! Hosaana! Shimaajji shimaayooch beeti Yeeri galleteebe!” iibee cookeeheete.

Maatiyoosi 27:22

Phelaaxoosi “Illa hini Kiristoosi getteebeeti Yesuusin aabichibote?” iye. Boonoshi bulli wochiꞌi, “Yoode!” iyeete.

Yowannisi 8:59

Ebich biin xaqqoona yexiree wuxiya iꞌi xaqqoon tiijjiyeete. Tunetaa Yesuusi boonoshich tuusheehe; yaafee kexoocheenoo kechiꞌi hammiye.

Roomi 4:18

“Ne yaroo ebiyoommon meettemmone” getaa Yaafe Macaafooch bi kooreetoommon, gibeno aalli xaaꞌooch gibeneꞌi iberiihe; ebina meeti aageteenaꞌochi nihoo tunehe.

Roomi 4:20

Yeerich oogoon immiibee, Yeeri biich gibenikkiti gibenoon ceechemmo bi tunoon xiishiꞌi mullee tooꞌiyoona kupphehalli, ibariyaache getona Yeeri gibenikkiti gibenee qaaroyich axiraacheyaanoone.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

2 Qorontoosi 1:6

Wotta iritoo no toommooch shaggiibeeto, goggoonaa wodoonon ittoshi danemmoyichiye; no goggaabeeto wotta, no toommooch shaggitoommi iritoo ittoshi toommooch shagigaata, goggeree haaꞌiyee hakkoon ittoshi danemmoyichiye.

2 Qorontoosi 4:8

Wodde gommona xukkehone; tunebaani kechaa kelloon mucceyaachone. “Aabichibona?” iyaꞌa shaammehone; tunebaani gibenoon kuxaachone.

2 Qorontoosi 7:5

Makidoonee showooch no shaggehooba, bulli gommona iritoon beeggehonalli, no meeno kashe xaaꞌoon daneyaanoone; maach beeti asheenaꞌo waanee kaaro, no mulloochoo shato beehe.

Hibireena'o 13:6

Ebich aafee kupphoona, “Taan gaacheebeeto Doono Yeerine; shataache; asho taan amoon halleshone?” geton hakkiyone.

Woraaferasheenaꞌo 18:25

Daanee asheenaꞌo wochiꞌi, “No toommooch cookoo ne qayigaata gaawiye. Ebi tuno qayigaata, hini asheenaꞌo ipperee ne toommooch iritoon deebemminaꞌone; neennaa ne kechi asheenaꞌonochi kashoo aallemmone” iyeete.

Woraaferasheenaꞌo 20:22

Aroochee Israꞌeeleenaꞌo hammiꞌi, xumemmi wottoon Doono Yeeri aafooch eeppiyeete. Boonoshiyoo “No maneenaꞌo tuneti Biiniyaameenaꞌona koyoyich wochinnoon hambona?” iꞌi Doono Yeerin echeheete. Doono Yeeriyoo “Eeha, hamiree koyebote” iꞌi wochiye. Ebina Israꞌeelee ginee naayinaꞌo kuppheꞌi, aafi boonoshi xaaꞌooch yaari yaaroona neexeheete.

1 Saameeli 1:10

Haanniyoo bi kasho caammetoyich oogichaa eeppaabee Doono Yeer waan corootiyan.

1 Saameeli 23:16

Saaꞌooli bushoo Yonaataani Daawit waan, Horeesh hammiꞌi, Yeerin gibenoona bi manjemmoyich biin kupphiihe.

1 Saameeli 28:15

Saameeliyoo Saaꞌoolin “Amoyichiye taan kashiyaache ne iyaabeeto? Amoyichiye ta woyemmoyich ne tuniito?” iye. Saaꞌooliyoo “Oogeton xuuxeto taane. Filsixeemeenaꞌo taanna koyee beetinaꞌone. Yeeriyoo ta waanee wokkitone. Keemechinaꞌona, woyee gumona, taach wochemmon qajjitone. Neen ta ceeggeto, amoon ta hallemmo gaata taach ne gettemmoyichiye” iye.