1 Saameeli 30:26 - Kafa Linguistics Project

²⁶ Daawitiyoo Tsiqilaag waachii, bi shunechinaꞌo tuneti Yihudee showee geeneenaꞌoyich, “Doono Yeerichi etteenaꞌo waanee kecceti mooyoochee ittoshich icheti imoone” iꞌi kecceti mooyoochee qoodiꞌi daachiihe.

1 Saameeli 30:26 ပူးပေါင်းရင်းမြစ်များ

Halloo 33:11

Yeeri bi deꞌittinoona taach qaawiibeeto bullin ceechiꞌi immitone. Doogena neech ta giddiiti mattaayoon deꞌe” iye. Yaaqobi qollee iritiitaa, Esayi ebi mattaayoon deqqiye.

2 Saameeli 1:1

Saaꞌooli qititoyee gubb, Daawiti Amaleeqeenaꞌon kochii wochiichii wotteꞌi, Tsiqilaag gutta qeyiye.

2 Taateenaꞌo 5:15

Aroochee Naꞌimaani bi naayinaꞌo bullina tookkii Yeer asho waan wottehe. Waaꞌinoo bi aafooch neexeechii, “Ebiyoche, Israꞌeelee showoyee besh, showoo bulliich Nuggishoo aallo bi tunoon ariito taane. Andoo ne guuno ta waanee wojjoon ne deqqemmoyich neen qollehoye” iye.

Shoddo 35:27

Xalloo ta tunoon beegoyich qaawii beetinaꞌo emiribeete; emiroonoo wucwuceete; wochi wochiree, “Bi guunochi diggittinoona emiriibeeti Doono Yeeri oogebe” geteete.

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Isiyaasi 32:8

Tunebaani deꞌe asho deꞌe mooyon gabiye; deꞌe mooyonoo manjiꞌi beehe.

2 Qorontoosi 9:5

Ebich ebiyee aaf imbone iꞌi ittoshi gibeno giyiti gijjee wojjoon ittoshich shalligichiree shiichi boonoshi kicemmoyich, maneenaꞌon tayee shiichiree ittoshi waan boonoshi hammemmoyich qollo tato tuneꞌi taach bekketone. Ebina ta waahooba, ittoshi wojjoo qannite getone; ittoshi immiti wojjoo baad xuꞌaa tuneyaanoon mulloochee tiyito bi tuno arichete getone.

1 Saameeli 18:17

Saaꞌooliyoo Daawitich ishichiye: “Ta qaabbe bushee Meraabi beetine. Biin neech shaakkiyemmo taane. Ne baach gibeneetonaa ginee anaamonon tuneree taach maddebee, Doono Yeerichi ginoon koyebe” iye. Saaꞌooli bi ishichito, “Filsixeemeenaꞌo kishoona qitiballi, ta kishoona qitaaye” iꞌi bi gabitoyichiye.

1 Saameeli 25:27

Ne gonnee ta, ta doono neech deebeti hini mooyo, neen dabbiibeeti ne asheenaꞌoyich ichebe.

1 Saameeli 25:28

Ta doono ne, Doono Yeerichi koyoon ne koyaa beetoyich, Doono Yeeriyoo meeti yemeenoon beeyemmi taatittinoon ta doono neech immemmone. Ebich ne gonnee ta xuꞌoon maaribe. Ne beemi yemeeno bulliichoo gondo ne waanee danaaye.

1 Saameeli 30:20

Ebiyoommon wotta Daawiti bageenaꞌon, emmisheenaꞌonaa miiminaꞌonon dihiiꞌi wochiye. Bi asheenaꞌo eboshin boonoshiyee aaf gasheebee, “Ebi Daawitichone” iyeete.

1 Saameeli 30:25

Daawiti aroobee aaboochee tiijjiꞌi hanaach beddaahaa, Israꞌeeleenaꞌoyich ebi mooyon sheeroonaa doyoonon tuniiꞌi neechiye.