1 Saameeli 3:17 - Kafa Linguistics Project

¹⁷ Eeliyoo ishichiye: “Doono Yeeri neech gettiti mooyo, amoone? Ebi mooyon taach aachiyaahine. Yeeri neech bi gettitoochee ikke mooyonona taach ne aachigaata, Yeeri ne toommooch ebin tuniibe; ebinoo daakkibe” iye.

1 Saameeli 3:17 ပူးပေါင်းရင်းမြစ်များ

2 Saameeli 14:18

Aroochee taatoo ureen, “And neen ta echemmi mooyon amoonolla taach aachiyaahine” iye. Ureyoo, “Taatoo ta doonocho, gete” iyan.

2 Saameeli 19:13

Wotta Amaasin ‘Ne, ta meenonaa ta damoona toono neene? Ebiyee gubb, Yoꞌaabi keroon ta ginee iraashoo neen ta tuniyoo qayigaata, Yeeri ta toommooch ebin tuniibe; ebinoo daakkibe’ itone getote” iye.

2 Saameeli 3:35

Aroochee showoo xumeyaan beetaa asheenaꞌo Daawit waan waaꞌi, maayoon bi maayemmoyich qolleheete. Tunebaani Daawiti “Aabe giyaan beetaa, koshon woyee amee mooyonona ta maagaata, Yeeri ta toommooch ebin tuniibe; ebinoo daakkibe” iꞌi wogehe.

2 Saameeli 3:9

Illa Doono Yeeri Daawitich wogeꞌi bi gibenikkiti gibenoon ceechoo ta qayigaata, Yeeri ta toommooch ebin tuniibe; ebinoo daakkibe.

1 Taateenaꞌo 22:16

Tunebaani taatoo biich, “Iberoyee besh Doono Yeerichi shigoona koote mooyon taach ne getaachemmoyich, ambiche wottooniye neen ta wogii beeyemmo?” iye.

2 Taateenaꞌo 6:31

Taatoo ishichiye: “Shafaaxi bushoo Elisayichi qettoo kucheyaanoon qeyigaata, Yeeri taan eechibe; ta toommoochoo ebin daakkibe” iꞌi miichehe.

Shoddo 141:5

Cadiqe asho ariqqoona taan kaare sheeribe; tunebaani gonde asho zayitoon ta shimbooch ciroona ukkaaye; bulli aabooch ta corootaabeeto gonde boonoshi shuunoon shixonane.

Erimiyaasi 38:14

Taatoo Sedeqiyaasi keemechi Erimiyaasin wochiiꞌi Doono Yeerichi yaafee kechi keejjinnee kellooch deebiye. Erimiyaasich taatoo ishichiye: “Ikke mooyon neen echemmo taane; amoonolla taach aachiyaahine” iye.

Erimiyaasi 42:4

Keemechi Erimiyaasiyoo boonoshich ishichiye: “Waayeto taane; ittoshi echetoommon ittoshi Nuggishoo Doono Yeer waan corootemmo taane; Doono Yeeri wochimmo amoonolla ittoshich gettemmo taane; ittoshich aachaachemmo taane” iye.

Daaneeli 4:19

Aroochee Belxesoori getteebeeti Daaneeli oogeton keqqiꞌi giisheche wottoon minnakanna gettemmon qajjiye. Taatoo “Belxesooro! Gumo, wotta ebi gumi biishoo neen keqqichaaye” iye. Belxesoori ishichiꞌi wochiye: “Ta doonocho, gumo, wotta bi biishoo neech tuneyaanoon ne shixechinaꞌonaa ne etteenaꞌonoyich tunebe.

Mikiyaasi 2:7

Israꞌeeleenaꞌo uppetinaꞌo neech shaahii beeteete? Doono Yeeri haaꞌiyecho toone? Iberoochaa ebi mooyon tuniyehe? Kaamoo tuneti ashich, bi yibbaateebeeto gaawe mooyon toone?” iyeete.

Haddoo 23:17

Balaami wottee waaꞌi; Balaaqi Moꞌabee iraasheenaꞌo bullina tookkii micciibeeti bi deejjee gaꞌooch neexee beeton beeggiye. Balaaqiyoo “Doono Yeeri ama iye?” ii echehe.

Maatiyoosi 26:63

Tunetaa Yesuusi cikkii qajjiye. Wotta qeeshee guudo “Ne Yeerichi Bushoo Kiristoosi ne gaata, nooch ne gettemmoyich beeyechi Yeerina neen yecheto taane” iye.

Ruuti 1:17

ne qitimmi xaaꞌooch qitemmi taane; ne duukkemmooch duukkeyemmi taane. Qitoyee besh neennaa taannon bariyemmi mooyo amolla aalloone. Neyee ta barigaata, Doono Yeeri taan ebi ebin tuniibe” iyan.

1 Saameeli 14:44

Saaꞌooliyoo “Yonaataano, ne qitoo qayigaata, Yeeri ta toommooch ebin tuniibe; ebinoo daakkibe” iye.

1 Saameeli 20:13

Tunebaani ta nihoo ne toommooch gondoon bi gabaa neech arichiyoon ta qayigaata, wotta diggoona ne hammemmoyich tuniyoon ta qayigaata, Doono Yeeri ta toommooch ebin tuniibe; ebinoo daakkibe! Doono Yeeri ta aabbina tookkii bi tunoommon neenna tookki tunebe.

1 Saameeli 25:22

Yaach maadda beddaahaa, bi ashoochee ikke anaamonolla ta echiigaata, Yeeri ta toommooch ebin tuniibe; ebinoo daakkibe” itone.

1 Saameeli 3:16

Eeliyoo Saameelin “Ta bushoo Saameelo!” iꞌi ceeggiye. Saameeliyoo eekkeꞌi, “Hini tawoche” iye.