1 Saameeli 29:4 - Kafa Linguistics Project

⁴ Filsixeemee ginee iraasheenaꞌo Akiishin kaareꞌi biich ishichiyeete: “Hini uroon bi kotemmoyich biich ne immeti katemooch bi wottemmoyich tuniibe. Koyoochaa etto tuneree no toommooch bi tiyaachemmoyich, noonna tookki ginooch hamaachemmone. Bi doonona tookki bi shunemmo amoonane? No asheenaꞌo qettoon kuxona toone?

1 Saameeli 29:4 ပူးပေါင်းရင်းမြစ်များ

1 Kiinoo 12:19

Daawiti Filsixeemeenaꞌona tookkii Saaꞌoolin kocha bi hamiyooba Minaasi yoodee asheenaꞌoochee ikkikkeenaꞌo Daawit waan waaheete. Tunebaani Filsixeemee iraasheenaꞌo “No toommooch iritoon halliichi bi taatoo Saaꞌool waan wottemmone” ii koceeꞌi Tsiqilaagi katemooch biin boonoshi wochitoyich, Filsixeemeenaꞌon gaacheyaanoone.

1 Kiinoo 12:20

Daawiti Tsiqilaag bi hamiyooba Minaasi yoodoochee humee iraasheenaꞌo, eboshiyoo Adinahi, Yozabaadi, Yediyaꞌeeli, Mikaꞌeeli, Yozabaadi, Elihinaa Tsiletaayina bi waan waaheete.

Keyo 1:10

Shiijje boonoshi meetaachemmoyich, ikke mooyon hallibone. Ebin tuniyoo no qayigaata, gino tiyiyooba, no etteenaꞌona tookki ikkotteree noon kochemminaꞌone; hini showoocheenoo murici hammemminaꞌone” iye.

Luqaasi 16:8

“Aree hillooch hini are doono biich gibeneyaani gijje yeshoon acona bi shuuneti shuunoyich galletehe. Illa hini yemeenooch beeti asheenaꞌo boonoshinaa boonoshina shuuneebeeti shuunoona Yeerichi bekkooch beeti asheenaꞌoyee beshe accechinaꞌone.

1 Saameeli 14:21

Shiichiꞌi Filsixeemeenaꞌona tookkii ikkotteti, boonoshina tookkiinoo kaambooch hammiti ikkikke Hibireenaꞌo Saaꞌoolinaa Yonaataanina tookkii beeti Israꞌeeleenaꞌona tookki tuneya boonoshi waan wotteheete.

1 Saameeli 27:6

Ebina arooba Akiishi Tsiqilaagi katemoon Daawitich immiye. Ebich hanaach beddaahaa Tsiqilaagi Yihudee taateenaꞌocho tunehe.

1 Saameeli 29:9

Akiishiyoo Daawitich wochiꞌi, “Yeerichi maraakoochoommon muricaallo ne tunoon ariibeeto taane. Tunebaani Filsixeemee ginee iraasheenaꞌo ‘Noonna tookki ginooch hamaachemmone’ itinaꞌone.

1 Saameeli 30:1

Daawitinaa bi asheenaꞌona keejjinnee qemooba Tsiqilaag boonoshi shaggaahaa, Amaleeqeenaꞌo Negeeb beeti Yihudee showoonaa Tsiqilaaginon kochitinaꞌone; Tsiqilaaginoo qaaqqoona michitinaꞌone.