1 Saameeli 26:8 - Kafa Linguistics Project

⁸ Abishayi Daawitich ishichiye: “Hanaach Yeeri ne ettoon ne kishooch beshiiꞌi immitone. And illa ikke wottoon showoona xaaqqi ginoona koyone. Koshiyoo taach qaawiyaache” iye.

1 Saameeli 26:8 ပူးပေါင်းရင်းမြစ်များ

2 Saameeli 16:9

Areegaata, Tseruuyi bushoo Abishayi taatoyich, “Hini qititi kunaanoo taatoo ta doonon bi uppemmo, amoyichiye? Bi beetooch besheree bi qettoon kuxona” iye.

Shoddo 31:8

Etto kishooch taan beshiyaꞌa imaano neene; gamini xaaꞌooch ta baateenaꞌon neechihine.

Erimiyaasi 40:15

“Hamiree, koniyoona ariyaanoon Netaani bushoo Ishmaꞌeelin wuxibone; ne waan kiceeti Ayihudo bulli shacemmoyich, Yihudee curo dooggemmoyich, ne kashoon bi kichemmo amoyichiye?” iꞌi Qareehi bushoo Yohanaani aashoona Gedaliyich Mitsiphaa gettiye.

Naahoomi 1:9

Doono Yeeri toommooch ittoshi koceebeeto amooniye? Biyoo ittoshin ciroona aalliyemmone; wochinnoon bi toommooch timon hakkemmo koniyoona aalloone.

Roomi 11:32

Yeeri asho bullin bi maaremmoyich, biich “Deꞌa getaache” getona cuchetinaꞌo boonoshi tunemmoyich boonoshi bullin tuniihe.

Yibbaatoo 32:30

Ikke ginee naayo hume Israꞌeelee ginee naayinaꞌon yookkiye; gutte ginee naayinaꞌo wotta aashire hume Israꞌeelee ginee naayinaꞌon kochii wochiyeete. Ebiyoo bi tuneto, boonoshi Xaqqee Inderoo boonoshin bi duppitoyichiye; Doono Yeeri boonoshin bi qajjitoyichiye.

Yaasi 21:44

Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone.

Woraaferasheenaꞌo 1:4

Yihudi yoodoona koyooch tookkii hammiyeete. Doono Yeeriyoo Kanaaneenaꞌonaa Ferizeenaꞌonon boonoshi kishooch beshiiꞌi immiye. Boonoshiyoo aashire hume asheenaꞌon Bezeeqaa wuxiyeete.

1 Saameeli 23:14

Daawiti barahooch beeti mishigoonaa Ziifi barahooch beeti geppe showoonooch aasheꞌi beehe. Saaꞌooliyoo biin qemi qemona qaawii beehe. Tunebaani Yeeri bi kishooch beshiiꞌi biin imaanoone.

1 Saameeli 24:4

Daawitichi asheenaꞌo biich “ ‘Ne ettoon ne kishooch beshiiree immemmo taane. Newoo ne shunnemmon bi toommooch shuunemmo neene’ iꞌi Doono Yeeri gettiti aabo hanaachiye” iyeete. Daawitiyoo shokiibee hammiꞌi, Saaꞌoolichi qoreddee caappoon kuxxiye.

1 Saameeli 24:5

Tunebaani Daawiti Saaꞌoolichi qoreddee caappoon bi kuxxitoyich oogeton ayiniye.

1 Saameeli 26:23

Doono Yeeri asho bi ikkikkoyich bi cadiqittinoommonaa gibeneeto bi tunoommona qoccii beetone. Doono Yeeriyoo hanaach neen ta kishooch beshiiꞌi immitone. Tunebaani ta, Doono Yeeri huuttiti ne toommooch gondoon shuuneyaano taane.

1 Saameeli 26:7

Ebina Daawitinaa Abishayina xumoona ginee naayinaꞌo beetooch hammiyeete. Boonoshi shaggaahaa, Saaꞌooli asheenaꞌo qeyiibeeti gutte daggooch tokketeꞌi beehe. Bi ginoo bi qoy, showooch hogeeꞌi beehe. Abeneerinaa ginee naayinaꞌona bi guudoona tokketeꞌi beeheete.

1 Saameeli 26:9

Tunebaani Daawiti Abishayich ishichiye: “Wuxiyaahine! Doono Yeeri huuttito toommooch gonde mooyon tuniichii, xuꞌaalli xalloo tuno aalloone.