1 Saameeli 26:19 - Kafa Linguistics Project

¹⁹ Andoo taatoo ta doonocho, ne guuno ta gettaa beeton waayebe. Taanna ne kaaremmoyich tuniito Doono Yeeri bi tunegaata, deejjoon deꞌe. Tunebaani asheenaꞌo tunegaata, Doono Yeerina uppetinaꞌon tunebeete. Taan ‘Hamiree bare nuggisheenaꞌoyich goyinne maddebe’ iꞌi Doono Yeerichi showooch ta beetaachemmoyich hanaach taan yookkitinaꞌone.

1 Saameeli 26:19 ပူးပေါင်းရင်းမြစ်များ

Halloo 44:18

Yihudi Yooseef waan giddeꞌi ishichiye: “Ta doonocho, doogena ta ne guuno ikke qaareen baach getona. Ne Farooniyoommo neene; doogena ne guuno taan kaareyaahine.

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

2 Saameeli 14:16

Ta getoon waayeree, Yeeri nooch immiti showoochee noon aalliiya qaawiibeeti ashi kishoochee taannaa ta bushoonon wodiyemmo neene.

2 Saameeli 16:10

Tunebaani taatoo ishichiye: “Tseruuyi bushiisheenaꞌote, ebiich ittoshin geddemmi mooyo beete? Doono Yeeri, ‘Daawitin ufe’ getaa uppiibeeto bi tunegaata, biin ‘Ebin amoyich tuniinne?’ geton hakkemmo, konine?” iye.

2 Saameeli 16:11

Aroochee Daawiti Abishayinaa bi naayinaꞌo bullinoyich ishichiye: “Ta hajjee bushoo ebiyoche taan wuxiya qaawii beetone. Ishigaata, hini Biiniyaamee yoodo tuneti uro, ebin bi tuniyoo worganikkeshone? Doono Yeeri bi uppemmoyich bi tuniitoyich, ittoshi qayaa ufe.

2 Saameeli 20:19

Ta katemee Israꞌeelee showee daggooch diggeenaa gibeneetina tuneti katemeene. Israꞌeelee showee daggooch indee tuneti katemeen aalliiya qaawaabeeto neene. Doono Yeericho tuneton aalliiya ne qaawaabeeto amoyichiye?” iyan.

2 Saameeli 21:3

boonoshich ishichiye: “Ittoshich amoon tuniibote? Doono Yeerichi asheenaꞌon ittoshi diiremmoyich, axaaxoon xalliyemmi mooyon tuniiya qaawito taane” iye.

2 Saameeli 24:1

Ebiyee gubb, wochinnoon Doono Yeeri kaaro Israꞌeeleenaꞌo toommooch cufiye. Biyoo Daawiti boonoshi toommooch bi tiyemmoyich tuniiꞌi, “Hamiree Israꞌeeleenaꞌonaa Yihudee asheenaꞌonochi daggooch beeti, koyoyich bedditi asheenaꞌon haddibe” iye.

1 Taateenaꞌo 22:22

“Doono Yeeriyoo biich, ‘Aabichireeshiye ne muriciyemmo?’ iye. “Biyoo, ‘Hamiree, bi keemechinaꞌo bulli kootoon keemmemmoyich tuniyemmo taane’ iye. “Doono Yeeriyoo, ‘Muriciyemmo neene; neechoo kaamemmone; hamiree, ebin tuniibe’ iye.

1 Kiinoo 21:1

Sheexaanoo Israꞌeeleenaꞌo toommooch tiyiꞌi, Daawiti Israꞌeeleenaꞌon haddiyemmoyich tuniihe.

Shoddo 120:5

Mesheek ta beetoyich, Qedaari duukkaanee daggooch ta kotetoyich, taach woowo!

Shoddo 20:4

Ne mullee qaatoon neech imbe; ne gaboo bullin neech ceechibe.

Shaahiyoo 30:10

Neen bi ufaa iritoo ne toommooch bi shagaachemmoyich, maddechon bi doonoyich oonnaahine.

Isiyaasi 60:5

Ebin beegiree emiroona wucwuccemmi neene; ne mulloo oogichi emiremmone; ebiyoo bahareexi gaanno ne waan wottemmo bi tunetoyich, aageteenaꞌo gaanno ne waan woyemmo bi tunetoyichiye.

Leweenaꞌo 26:31

Ittoshi katemeenaꞌon happemmo taane; ittoshi goyinnee xaaꞌoonoo happi bajjemmo taane; gaawe cinnechi ittoshi deejjoonoo deꞌaachemmo taane.

Haddoo 36:7

Ebina Israꞌeeleenaꞌochi iristo ikke yoodoochee barooch besheyaachemmone. Israꞌeeleenaꞌo boonoshi ikkikkoona boonoshi qaabbechinaꞌochi yoodee iristoona neexebeete.

Haddoo 36:9

Iristo ikke yoodoochee bare yoodooch besheyaachemmone. Israꞌeeleenaꞌochi yoodo bi ikkikkoona bi iristoona neexebe’ itone” iye.

Roomi 14:15

Kittinnee ne manoon ne maabeeti maayi naboona ayinikkaabeeto ne tunegaata, illa biin shunaano ne tunoon ne shuunaabeeti mooyona bekkiibeeto neene. Biicha iꞌi Kiristoosi qititi asho ne maabeeti maayi naboona bi aalleyaachemmoyich ne qelloon ariibe!

Galaati 5:12

Dokireebote iꞌi ittoshin shuurikkii beetinaꞌo dokireyoo qayaa nasheesholla geteete.

Yibbaatoo 13:3

ebi keemecho woyee gumi gummecho gettii beeton waayeyaahine. Ittoshi Nuggishoo Doono Yeeri ebi are uroona bi shuuneebeeto, ceeni ittoshi mulloonaa ceeni ittoshi kashoona biin ittoshi shunon beegoyicha iꞌiniye.

2 Ximootiyoosi 4:14

Gooshukkoo Iskindiroosi oogichii taan xuqqitone; Doono bi shuunoon wochiree biich gaaccemmone.

1 Saameeli 18:10

Bi dechara Yeeri deejjiti gonde ayaano giidoona Saaꞌooli toommooch kindiye. Bi kexooch beechii geyechochoommon cikkii yibbaatee beehe. Daawitiyoo qemi qemona bi tunii beetoommon, ooge ximboon yexxii kaachii beehe. Saaꞌooli bi kishooch ginoon yechitone.

1 Saameeli 24:9

Biyoo Saaꞌoolich ishichiye: “ ‘Daawiti ne toommooch gondoon shuuneya qaawii beetone’ ii beeti asheenaꞌochi yibbaatoon amoyichiye ne waayaabeeto?

1 Saameeli 25:24

Bi baatooch guufeechaa ishichiyan: “Ta doonocho, axaaxoo ta toommooch baach tunebe. Ne gonnee ta yibbaatoon waayebe.

1 Saameeli 27:1

Tunebaani Daawiti bi mulloona “Ikke areddoon Saaꞌooli taan wuxoon qayaachemmone. Ebich muricciꞌi Filsixeemeenaꞌo showooch hamoyee besh, taach bare gaawe mooyo aalloone. Aroochee Saaꞌooli Israꞌeelee showoo bulliich taan qaawoon qajjemmone. Tawoo bi kishoochee muriccemmo taane” iꞌi gabiye.