1 Saameeli 26:10 - Kafa Linguistics Project

¹⁰ Doono Yeeri beege! Doono Yeeri biin naxemmone; woyee bi aabo shagaa qitemmone; woyee ginoochaa qitemmone.

1 Saameeli 26:10 ပူးပေါင်းရင်းမြစ်များ

Halloo 47:29

Israꞌeeliyoo bi qitemmi aabo katinaa, bi bushoo Yooseefin ceeggii deebiꞌi ishichiye: “Taan shunnaabeeto ne tunegaata, ne kishoon ta doshee dechiich gediree, deꞌittinoonaa iberittinoonon taach ne bekkiyemmoyich wogebe. Gibitsee showooch taan duukkaahine.

Iyoobi 14:14

Asho bi qititoyee gubb, tiyiree kashoona beemon hakkehe? Ta kashemmi aabo waammi wottoon, ginee koyeexi beemoommon tuneti ta yemeenoon, haaꞌii beeyemmo taane;

Iyoobi 14:5

Asho beeyemmi aabo shiichiꞌi maachetone; bi beeyemmi ageneenaꞌo ne waanaa haddeetinaꞌone; biich ne daareti yemeenoon beshemmo aalloone.

Iyoobi 7:1

“Hini showee toommooch ashi beemo yeshaa ginooch hammiti ashi beemoommo toone? Boonoshi shuunoo gichechi ashi shuunoommo toone?

Shoddo 37:10

Giisheche aaboyee gubb, gondeenaꞌo kaateree aallemminaꞌone; boonoshin ne qaawitaanona daneyaachemmo neene.

Shoddo 37:13

Gondeenaꞌochi aallee aabo katinon bi arii beetoyich, Doono Yeeri boonoshi toommooch miicciye.

Shoddo 94:23

Boonoshi gondoyich boonoshin naxemmone; boonoshi gondoona boonoshin hidi aalliyemmone; Doono Yeeri no Nuggishoo boonoshin aalliyemmone.

Dojjecho 3:2

Shiijjoyich gooroo beete; qitoyich gooroo beete; bechoyich gooroo beete; waaxoyich gooroo beete;

Luqaasi 18:7

Illa Yeeri areddoonaa xumoonon biin qolleebee cookiibeeti bi kaacciti bi aagetoyich nallaachehe? Boonoshin gaacheyaanoon yagehe?

Roomi 12:19

Ta shunechinaꞌote! Nichoon kichiyaahote. “ ‘Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon ta wochiree boonoshin xuuxiyemmo taane’ itone Doono Yeeri” getaa Yaafe Macaafooch kooreetone. Ebich Yeerich bulliibote.

Yibbaatoo 31:14

Doono Yeeri Muusich ishichiye: “Ebiyoche, ne qitemmi aabo katinnitone. Yaasin Israꞌeeleenaꞌo toommooch ta iraashiyemmoyich, biin ceegiree danee duukkaanooch wobote” iye. Muusinaa Yaasina danee duukkaanooch hammiyeete.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

Hibireena'o 10:30

“Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon, ta boonoshin xuuxiyemmo taane” iton, ebiyee wotta “Doono Yeeri ta, ta asheenaꞌo toommooch nallemmo taane” iton ariibeeto noone.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

Yaaꞌoo 18:8

Ebich ikke areddoon qitoo, muusheno, shaacoo tuneti naxeenaꞌo, bi toommooch shaggemminaꞌone; bi toommoochoo nallemmi Doono Yeeri giidecho bi tunetoyich, qaaqqoo biin maayemmine.

1 Saameeli 24:12

Doono Yeeri neennaa taanna daggooch nallibe. Doono Yeeri ebi ta toommooch ne tuniyaabeeti gonde mooyoyich keroon neech gaacaani, ta ne toommooch amee gondoonona shuuneyaachemmo taane.

1 Saameeli 24:15

Andoo Doono Yeeri nallecho tuneree, neennaa taanna daggooch nallibe. Ta mooyon beegiree bi ta qoodoon taggebe. Ne kishoocheenoo taan wodiibe” iye.

1 Saameeli 25:26

“Ta doonocho, beeyechi Doono Yeeri beege! Wotta ne kashoona wogehoye. Damoon ne ukkaachemmoyich, wotta ne hajjee kishoona nichoon ne gaacaachemmoyich neen quyeto Doono Yeerine. Andoo ne etteenaꞌonaa ta doono ne toommooch gondoon gabii beetinaꞌona Naabaaliyoommon tunebeete.

1 Saameeli 25:38

Aashire qemoyee gubb, Doono Yeeri Naabaalin naxetaa qitiye.

1 Saameeli 25:39

Daawiti Naabaali qitoon bi waayehooba, ishichiye: “Naabaali taan bi naaggiti naagoyich nichoon kichiti, wotta bi guuno ta, gonde mooyon ta tuniyaachemmoyich taan quyeti, Doono Yeeri galleteebe. Doono Yeeri Naabaali shuuneti gondoon bi toommooch wochitone” iye. Daawitiyoo Abigelin shaagga wocheyechinaꞌon bi waan daachiihe.

1 Saameeli 31:4

Saaꞌooli bi quyee naayon “Hini dokireyaaneenaꞌo waaree ta kashoona kaachemminaꞌone; ebiyee ne goraadoon kaaciree, ne taan koye” iye. Tunebaani bi quyee naayo oogichiꞌi bi shattitoyich, ebin tuniyoon qajjiye. Ebich Saaꞌooli bi goraadoon kaacciꞌi aree toommooch taachehe.

1 Saameeli 31:6

Saaꞌooli, keejje bi bushiisheenaꞌo, bi quyee naayonaa bi asheenaꞌo bullina arooba qitiyeete.