1 Saameeli 25:34 - Kafa Linguistics Project

³⁴ Ne toommooch gonde mooyon ta tuniyaachemmoyich Doono Yeeri taan quyetone. Israꞌeelee Nuggishoo beeyechi Doono Yeeri beege; kaataa waaꞌa taanna ne daneyaan gaata, yaach maadda beddaahaa, Naabaalicho tuneti asheenaꞌo daggoochee ikke anaamolla echeyaacheshone” iye.

1 Saameeli 25:34 ပူးပေါင်းရင်းမြစ်များ

Halloo 20:6

Yeeriyoo gumona biich ishichiye: “Xalle mulloona ne tuniyoon ariito taane. Tawoo wotta, ta aafooch gondoon ne tuniyaachemmonaa bi achooch ne shagaachemmonoyich, neen ta quyeto ebichiye.

Yaasi 10:6

Gibeꞌooni asheenaꞌo, “Geppechi showooch beeti Amooree taateenaꞌo bulli boonoshi ginee naayinaꞌon ikkochiꞌi no toommooch waatinaꞌone. Ne guuno noon duppaahine. Noon gaachebe. Kaate waaree noon wodiibe” iꞌi Galigala beeti Israꞌeeleenaꞌo kaambooch, Yaas waan wochoon daachiiheete.

Yaasi 10:9

Yaasinaa bi ginechinaꞌona Galigalee tiyii, xumo bullin qaxiriibee qeyiꞌi, Amooreenaꞌo beetooch shaggii diqqoona kochiyeete.

1 Saameeli 11:11

Aroobee xum Saaꞌooli bi asheenaꞌon keejj beera qoodiye. Showee harooch Amoonee asheenaꞌo beetooch waaꞌi, aabo qeeccimmi wottoon, boonoshin wuxii aalliiheete. Qitoochee muriccitinaꞌo shacee aalleheete. Boonoshi daggoochee gutteꞌinona ikkooch echeto aalloone.

1 Saameeli 25:18

Abigeliyoo afaafinoona gutte balle koshon, gutte mollexxee woyinee uyoon, shuunetaa qanniti uuche bagee meenon, shaashaa shabaatte kiilo giraamee bungee gaawoon, ikke balle woyinee aafee yuunjoonaa gutte balle nuuphi balaasee michi aafoonon qannaayaꞌa, kuree toommooch boonoshi xaanemmon tuniihan.

1 Saameeli 25:22

Yaach maadda beddaahaa, bi ashoochee ikke anaamonolla ta echiigaata, Yeeri ta toommooch ebin tuniibe; ebinoo daakkibe” itone.

1 Saameeli 25:26

“Ta doonocho, beeyechi Doono Yeeri beege! Wotta ne kashoona wogehoye. Damoon ne ukkaachemmoyich, wotta ne hajjee kishoona nichoon ne gaacaachemmoyich neen quyeto Doono Yeerine. Andoo ne etteenaꞌonaa ta doono ne toommooch gondoon gabii beetinaꞌona Naabaaliyoommon tunebeete.

1 Saameeli 25:39

Daawiti Naabaali qitoon bi waayehooba, ishichiye: “Naabaali taan bi naaggiti naagoyich nichoon kichiti, wotta bi guuno ta, gonde mooyon ta tuniyaachemmoyich taan quyeti, Doono Yeeri galleteebe. Doono Yeeri Naabaali shuuneti gondoon bi toommooch wochitone” iye. Daawitiyoo Abigelin shaagga wocheyechinaꞌon bi waan daachiihe.