1 Saameeli 25:17 - Kafa Linguistics Project

¹⁷ Illa and, ebin ariiree ne tuniyemmon tuniibe. Gonde mooyo no doononaa bi kechi asheenaꞌo bullinochi toommooch gabeetone. Bi gaata, gonde asho bi tunetoyich, biich gettemmo koniyoona aalloone” iye.

1 Saameeli 25:17 ပူးပေါင်းရင်းမြစ်များ

2 Saameeli 24:13

Gaadi Daawit waan hammiꞌi, Doono Yeeri gettiton biich gettiichii, biin ishichiꞌi echehe: “Keejje nati shaacoo ne showooch giba? Woyee keejje agenee wottoon ne etteenaꞌo neen yoohi dabbi beetaa boonoshi aafoochee woci beeyenne? Woyee keejje qemi wottoon qeqqichiibeeti biiyo ne showoon yexa? Ebi mooyon gaawichi gabiree taach ne getee, taan wocheto waan daambona” iye.

1 Taateenaꞌo 21:10

Gutte gaacaalli asheenaꞌon bi ciinooch ittoshi kotiitaa, ‘Yeerinaa taatoonon naaggitone’ geti bi toommooch miixebeete. Ebiyee gubb, biin katemoyee maach kichiree, xaqqoona yexi wuxibote” iyan.

1 Taateenaꞌo 21:13

Gutte gaacaalli asheenaꞌoo waaꞌi bi ciinooch koteheete. Ebi gaacaalli asheenaꞌo, asheenaꞌo aafoochaa, “Nabooti Yeerinaa taatoonon naaggitone” iꞌi bi toommooch miixeheete. Ebich asheenaꞌo biin katemoyee maach kichiꞌi, xaqqoona yexxii wuxiyeete.

2 Kiinoo 13:7

Gaacaalli gonde asheenaꞌoo bi waan kiceeheete. Solomooni bushoo Roboꞌami batt ariyaani bushoo tunee bi beehooba, boonoshin kochii wochoon hakkaani bi beehooba, bi toommooch tiyiyeete.

2 Kiinoo 25:16

Tunebaani getooch bi beetaa taatoo, “Neen taatoochi mikkirecho tuniyaꞌa ukkiriito noone? Cikkibe; qitiya ne qaawaabeeto amoyichiye?” iye. Keemechoo cikkiye; aroochee, “Ebin ne tuniitoyich, ta ciicoonoo waayo ne qajjetoyich, Doono Yeeri neen aalliiya bi maacon and ariite” iye.

Asteeri 7:7

Taatoo ippoona tiyiye; gifiroon qajjiꞌi becheeti mixo beeti taatee kechi addibaabooch hammiye. Tunebaani Hamaani taatoo waanee gonde mooyo biich gabeeto bi tunoon ariiꞌi, gennee abeeti Asteeri bi kashoon bi wodiyemmoyich qolleya, arooch echehe.

Shaahiyoo 12:8

Asho bi ariyoona galleteehe; tunebaani xumme gabechi asho hoxeehe.

Woraaferasheenaꞌo 19:22

Emiree toommooch boonoshi beetaa, are katemeexi, ikkikke gaacaalli asheenaꞌo kexon giichiyeete. Kelloonoo xoobbiibee kechi doono tuneti geene uroon “Biinna tookki shunoon no maayemmoyich, ne kexooch giyiti uroon maach nooch kichibe” iyeete.

1 Saameeli 10:27

Tunebaani ikkikke gonde asheenaꞌo “Hini uro aabichireeshiye noon bi wodiyemmo?” iꞌi biin qallayiyeete; biich wojjoon immemmon qajjiyeete. Tunebaani Saaꞌooli cikkii qajjiye.

1 Saameeli 2:12

Eeli bushiisheenaꞌo gaacaalleenaꞌone; Doono Yeerin ariyaani asheenaꞌone.

1 Saameeli 20:7

Tunebe, bi getigaata, ne guuno taach gaawetone getone. Tunebaani bi ippegaata, ta toommooch gondoon bi gaboon ariyemmo neene.

1 Saameeli 20:9

Yonaataaniyoo “Yeeri ebin ne waanee wokkiibe; ta nihoo ne toommooch gondoon shuuneya bi gaboon ta ariito gaata, neech getaacheshote?” iye.

1 Saameeli 25:16

Bagoon quyaabee boonoshina tookkaa no beehooba, areddoon tuneba xumoon nooch uxeroon tunetinaꞌone.

1 Saameeli 25:18

Abigeliyoo afaafinoona gutte balle koshon, gutte mollexxee woyinee uyoon, shuunetaa qanniti uuche bagee meenon, shaashaa shabaatte kiilo giraamee bungee gaawoon, ikke balle woyinee aafee yuunjoonaa gutte balle nuuphi balaasee michi aafoonon qannaayaꞌa, kuree toommooch boonoshi xaanemmon tuniihan.

1 Saameeli 25:25

Ta doonocho, hini getaa giyaani Naabaalin moochi haddiyaahine; biyoo bi shigoommone. Bi shigo Naabaali geto, mullaallo getone. Ta doono ne deejjiti gurimaasheenaꞌon ne gonnee ta, beegaane taane.