1 Saameeli 24:12 - Kafa Linguistics Project

¹² Doono Yeeri neennaa taanna daggooch nallibe. Doono Yeeri ebi ta toommooch ne tuniyaabeeti gonde mooyoyich keroon neech gaacaani, ta ne toommooch amee gondoonona shuuneyaachemmo taane.

1 Saameeli 24:12 ပူးပေါင်းရင်းမြစ်များ

Halloo 16:5

Arooba Saarayi Abraamin “Haggaari taan qallayemmoyich tuniito neene. Biin neech immeti taane; tunebaani aree xifeti bi tunoon bi ariitoyee gubb, taan qallayitine. Neennaa taanna daggooch beeti mooyon Doono Yeeri nallibe” iyan.

Halloo 31:53

Ne nihinihoo Abrahamichi Nuggishoonaa ta nihinihoo Nakoorichi Nuggishoona no gutti daggooch nallibe” iye. Yaaqobiyoo bi nihoo Yisaaqi goyinneebeeti Nuggishoona wogehe.

2 Saameeli 22:48

Yeeri ta etteenaꞌo toommooch nichoon kichii beetone; biyoo aageteenaꞌo taach hajjeyemmoyich tunii beetone.

1 Kiinoo 12:18

Aroochee Ayaano shaasheenaꞌochi ukkiroo Amasayi toommooch waataa ishichiye: “Daawito, no, neecho noone; Iseyi bushoocho, neenna tookkaa noone; ne Nuggishoo neen gaacheebeeto bi tunetoyich, diggoo, diggoo neech tunebe, diggoo neen gaachee beetinaꞌoyichoo tunebe” iye. Daawitiyoo boonoshin daammiꞌi bi ginee naayinaꞌo toommooch ukkiriihe.

Iyoobi 5:8

“Neyee ta gaata, Yeerin qollesho taane; ta mooyonoo bi waan giddiiyesho taane.

Shoddo 35:1

Doono Yeero, taanna qiiccee beetinaꞌona qiiccebe; taan kochii beetinaꞌon koye.

Shoddo 43:1

Yeero, taach nallibe; Yeerich qeyaani asheenaꞌona ta taggoon taggebe; dachechinaꞌonaa gonde asheenaꞌona waanee taan wodiibe.

Shoddo 94:1

Nichoon kichechi Nuggishoo Doono Yeero, nichoon kichechi Nuggishoocho, bekkebe.

Roomi 12:19

Ta shunechinaꞌote! Nichoon kichiyaahote. “ ‘Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon ta wochiree boonoshin xuuxiyemmo taane’ itone Doono Yeeri” getaa Yaafe Macaafooch kooreetone. Ebich Yeerich bulliibote.

1 Pheexiroosi 2:23

biin naaggii boonoshi beehooba, wochiꞌi naagaanoone; biin boonoshi xuuxii beehooba, miicheyaanoone; tunebaani cadiqoona nalliibeeti Yeerich bi qelloon beshiiꞌi immiye.

Yaaꞌoo 6:10

Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.

Woraaferasheenaꞌo 11:27

Ta neen xuꞌaano taane; tunebaani ne taanna tookkaa koyoona taan xuqqeto neene. Ebich nallechi Doono Yeeri hanaach Israꞌeeleenaꞌonaa Amooneenaꞌonochi daggooch nallibe” iye.

1 Saameeli 20:1

Aroyee gubb Daawiti Raami katemooch beeti Nayootee muriccii Yonaataan waan hammiꞌi, biich ishichiye: “Amooniye ta hallito? Ta gondochi amoone? Ne nihoo taan wuxiya bi qaawiibeeto, biich amoon ta gondetenane?” iye.

1 Saameeli 24:15

Andoo Doono Yeeri nallecho tuneree, neennaa taanna daggooch nallibe. Ta mooyon beegiree bi ta qoodoon taggebe. Ne kishoocheenoo taan wodiibe” iye.

1 Saameeli 26:23

Doono Yeeri asho bi ikkikkoyich bi cadiqittinoommonaa gibeneeto bi tunoommona qoccii beetone. Doono Yeeriyoo hanaach neen ta kishooch beshiiꞌi immitone. Tunebaani ta, Doono Yeeri huuttiti ne toommooch gondoon shuuneyaano taane.