1 Saameeli 22:7 - Kafa Linguistics Project

⁷ Saaꞌooliyoo bi guudoona beeti bi naayinaꞌoyich ishichiye: “Biiniyaamee asheenaꞌote, eke ellebote; Iseyi bushoo goyee budonaa woyinee goyoonon ittoshi bullich immehe? Wotta ittoshi bullin humee iraashoonaa ballee iraashoonon tuniyehe?

1 Saameeli 22:7 ပူးပေါင်းရင်းမြစ်များ

2 Saameeli 18:1

Aroochee Daawiti biinna tookkii beeti asheenaꞌon kiciye. Boonoshi toommoochoo humee iraasheenaꞌonaa ballee iraasheenaꞌonon iraashiihe.

2 Saameeli 20:1

Arooba Bikiri bushoo, Sheebi getteebeeti ikke gaacaalli Biiniyaamee asho arooch beehe. Biyoo tiroon (waaringoon) huggiꞌi ishichiye: “Daawit waanee nooch qoodoo aalloone, Iseyi bushoo waanee nooch danemmi mooyo aalloone; Israꞌeeleenaꞌote, ittoshi kexi kexooch wottebote” iye.

1 Taateenaꞌo 12:16

Israꞌeeleenaꞌo bulli taatoo boonoshi mooyon waayee qayon beeggiꞌi, ishichii wochiyeete: “Daawit waanee no danemmi mooyo amoone? Iseyi bushoo waanee no woraashemmi mooyo aalloone. Israꞌeeleenaꞌote, ittoshi duukkaani duukkaanooch wottebote; Daawito, and ne hajjee kexon quyebe” iyeete. Ebina Israꞌeeleenaꞌo boonoshi duukkaani duukkaanooch wotteheete.

1 Kiinoo 12:16

Ikkikke Biiniyaamee asheenaꞌonaa Yihudee asheenaꞌona Daawit waan, bi beeti mishigooch waaheete.

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

1 Saameeli 18:14

Doono Yeeri Daawitina tookkii tunehe. Ebich biinnaa bi ginee naayinaꞌona boonoshi koyeti xaaꞌoo bulliichaa kochii wochii beeheete.

1 Saameeli 20:27

Bi yaachich, ebiyoo agene kechi baaroobee dechara Daawiti kote xaaꞌoo andoo shokkoon tunehe. Saaꞌooliyoo bi bushoo Yonaataanich, “Iseyi bushoo yiichinaa hanaachinon gifirooch giddo bi qajjito amoyichiye?” iꞌi echehe.

1 Saameeli 20:30

Saaꞌooliyoo Yonaataanin oogeton kaareꞌi biich ishichiye: “Hini xummeenaa deꞌa getaaneena tuneti ureechi bushoocho, ne qellich yeelloon, ne indeyichoo giishoon deeboyich, Iseyi bushoona tookkaa muddoo ne gawiyoon tuushaano taane.

1 Saameeli 22:13

“Neennaa Iseyi bushoona ta toommooch ittoshi koceeto, amoyichiye? Newoo biich koshonaa goraadoonon immehine; wotta biich Yeerin qollehine. Ebina biyoo ta toommooch tiyiꞌi, taan bi wuxemmi gommon qaawii beetone” iye.

1 Saameeli 22:9

Aroochee Saaꞌoolichi naayinaꞌona tookkii neexeebeeti Edoomechi Doogi ishichiye: “Iseyi bushoo Noob beeti, Akixuubi bushoo Ahimeleek waan bi hamon beeggeto taane.

1 Saameeli 25:10

Naabaaliyoo Daawiti asheenaꞌoyich ishichiye: “Daawiti geto, konine? Iseyi bushoo geto, konine? And hini yemeenooch boonoshi dooninaꞌo waanee aallee hammiibeeti guuninaꞌo meetinaꞌone.