1 Saameeli 22:18 - Kafa Linguistics Project

¹⁸ Taatoo, Doogin “Ne boonoshin wuxibe” iye. Edoomechi Doogi boonoshin wuxiye. Arooba muttee tuppoochee shippeti efoodoon taheti shinnaa uuche qeesheenaꞌon wuxiye.

1 Saameeli 22:18 ပူးပေါင်းရင်းမြစ်များ

2 Kiinoo 24:21

Tunebaani boonoshi bi toommooch koceeheete; taatoochi getoona Doono Yeerichi yaafee kechi addibaaboochaa xaqqoona yexxiꞌi biin wuxiyeete.

Shoddo 78:64

Boonoshi qeesheenaꞌo goraadoona qitiyeete; boonoshi xuumeenaꞌo eeppemmon mawiiheete.

Keyo 28:40

“Harooni anaami bushiisheenaꞌoyich oogee yiiroonaa malletoonon bi immemmoyich, kitteenaꞌon, bureenaꞌonaa qelli caaceenaꞌonon shuunebe.

Shaahiyoo 24:15

Gonde ashichoommon cadiqa ashi kexon ottaahine; bi beeyi xaaꞌoonoo xuqqaahine.

Hosee'i 5:11

Duube mooyon dabboon bi shunnitoyich, Efreemi neexaa hajjeetonaa nalloo bi toommooch kinditona tunemmone.

Hosee'i 7:3

Doono Yeeri ishichiye: “Taatoon boonoshi gondoona, ukkireenaꞌonoo boonoshi kootoona emirikkii beetinaꞌone.

Mikiyaasi 6:16

Ebiyoo, taatoo Omiri, bi bushoo Akaabinaa bi yareenaꞌonochi qociyoon dabboona boonoshi shuunetoommi axaaxoon ittoshi shuunetoyichiye. Boonoshi dojjiti doyoon yechito ittoshine. Ebich ittoshin aalliyemmo taane; cooniishoo gettemmo taane. Aagetee asho bulli ittoshin hoxemmone” iye.

Sofoniyaasi 3:3

Iraasheenaꞌo ciddiibeeti daaheroomminaꞌone. Nallechinaꞌoo yaachich getaanoon maa ciichiibeeti, shaaceti okeroomminaꞌone.

1 Saameeli 2:18

Bushoo Saameeliyoo muttee tuppoochee shippeti efoodoon taheꞌi, Doono Yeeri aafooch maddee beehe.

1 Saameeli 2:28

Ta qeeshoo bi tunemmoyich, ta deejjee gudooch bi giddemmoyich, ixaanoon taach bi shookkemmoyich, ta aafoochoo efoodoon bi tahemmoyich, Israꞌeelee yoodeenaꞌo bulli daggoochee biin kaaccoye. Wotta Israꞌeeleenaꞌo taach deejjiibeeti deejjoo bulliichee qoodoo bi kechi asheenaꞌoyich bi beeyemmoyich tuniihoye.

1 Saameeli 2:36

Ne yaroochee echeti asho koniyoona gijjoonaa maayoonon danoyicha getiree bi aafooch dihi goyinnebee, “Ta maayemmi maayoon ta danemmoyich, yaafee kexeexi shuunoo aabinona ta shuunemmoyich taach daaggibe” getiree qollemmone’ itone” iye.