1 Saameeli 22:17 - Kafa Linguistics Project

¹⁷ Aroochee taatoo bi guudoona neexeebeeti, biin quyechi bi naayinaꞌon “Ebi Doono Yeerichi qeesheenaꞌo Daawit waan gaꞌetinaꞌone. Wotta Daawiti muricon ariibee taach gettemmon qajjitinaꞌone. Ebich boonoshin wuxibote” iye. Tunebaani taatoochi naayinaꞌo Doono Yeerichi qeesheenaꞌon wuxemmon qajjiyeete.

1 Saameeli 22:17 ပူးပေါင်းရင်းမြစ်များ

2 Saameeli 15:1

Ebiyee gubb Abisoloomi gaarin, haresheenaꞌon, wotta biyee shiichi aaf woccemmi aache asheenaꞌonoo qanniihe.

1 Taateenaꞌo 1:5

Ebiyooba Hagiiti bushoo Adoniyaasi “Taatemmo taane” iꞌi tiyiye. Gaarinaꞌon, hareshechinaꞌonaa bi aafooch woccemmi aache asheenaꞌonon qanniihe.

1 Taateenaꞌo 14:27

Taatoo Roboꞌami eboshi keroon gooshee gaacheenaꞌon shuuniiꞌi, taatee kechi kelloon quyeebeeti kellechinaꞌochi ukkireenaꞌoyich quyiihe.

1 Taateenaꞌo 18:4

Elizabeeli Doono Yeerichi keemechinaꞌon bi wuxiihooba, Abidiyi keemechi balle asheenaꞌon daammiꞌi, aachi aachoon gutte xaqqee gofooch aachiichii, koshonaa aaconon immii beehe.

2 Taateenaꞌo 10:25

Yehi deejjoon giddii ciichiichii, bekkech kellechinaꞌonaa ginee iraasheenaꞌonoyich, “Giyiree boonoshin wuxibote; ikke asholla muriccaaye” iye. Ebich boonoshiyoo goraadoona wuxiyeete. Aroochee kellechinaꞌonaa ginee iraasheenaꞌona ebi dubenoon maach kichii duppiyeete. Aroocheenoo Baꞌaalee yaafee kechi maaci gatooch giyiyeete.

Keyo 1:17

Tunebaani ebi yechii shiijjechi genneenaꞌo Yeerin boonoshi shattitoyich, Gibitsee taatoo gettiti ebi mooyon tuniyaaneenaꞌone; anaami bushiishoon wuxaanoon qajjiyeete.

Mishiraachechinaꞌo 4:19

Tunetaa Pheexiroosinaa Yowannisina wochiꞌi, “Yeerich deꞌa getonaa woyee ittoshich deꞌa getona? Yeeri aafooch aabine tato? Eke ittoshi nallibote.

1 Saameeli 14:45

Aroochee asheenaꞌo Saaꞌoolich “Israꞌeeleenaꞌoyich ebiyoommi worganikkiti wudoon daniiti Yonaataani iberoon qitiba? Ebi tuneyaache; hanaach ebin bi tuniito, Yeerichi gaachoonane. Ebich beeyechi Doono Yeeri beege! Bi qelli eexoocheenolla ikkee showooch hollaachemmine” iyeete. Ebina asheenaꞌo Yonaataanin qitoochee wodiiheete.

1 Saameeli 2:31

Illa ebiyoche, ne kechi asheenaꞌonaa ne yaroonooch beeti gurimaashoo bullin ta wuxemmi aabo woyemmone. Ebich ne kechi asheenaꞌo daggoochee geene asho daneyaachemmone.

1 Saameeli 20:33

Saaꞌooliyoo Yonaataanin wuxiya bi ginoon awurehe. Ebina Yonaataani bi nihoo Daawitin wuxiya bi maacon xiishiye.

1 Saameeli 22:13

“Neennaa Iseyi bushoona ta toommooch ittoshi koceeto, amoyichiye? Newoo biich koshonaa goraadoonon immehine; wotta biich Yeerin qollehine. Ebina biyoo ta toommooch tiyiꞌi, taan bi wuxemmi gommon qaawii beetone” iye.

1 Saameeli 22:16

Taatoo “Ahimeleeko, neennaa ne nihoochi kechi asheenaꞌona iberoon qitecho ittoshine” iye.

1 Saameeli 25:17

Illa and, ebin ariiree ne tuniyemmon tuniibe. Gonde mooyo no doononaa bi kechi asheenaꞌo bullinochi toommooch gabeetone. Bi gaata, gonde asho bi tunetoyich, biich gettemmo koniyoona aalloone” iye.

1 Saameeli 8:11

ishichiinoo iye: “Ittoshi toommooch taatemmi taatoo bi tuniyemmi mooyo ebine: Ittoshi anaami bushiishoon daamiree, gaarinaa hareshoona ginee koyechinaꞌon tuniyemmone; bi gaari aafooch woccii beetinaꞌonoo tuniyemmone;