1 Saameeli 21:7 - Kafa Linguistics Project

⁷ Arooba Saaꞌooli qiddeenaꞌochi ukkiroo Edoomechi Doogi arooch beetone. Biyoo arooch bi daneto, Doono Yeeri aafooch bi giddemmoyich tuniyemmi doyoon ceechoyichiye.

1 Saameeli 21:7 ပူးပေါင်းရင်းမြစ်များ

Halloo 26:20

Tunebaani Geraaree showeexi qiddeenaꞌo “Aaco noochone” iꞌi, Yisaaqichi qiddeenaꞌona hayeheete. Ebi aroyicha ii boonoshi hayetoyich, ebi aachi oppee shigoon, Eseeqi ii ceeggiye.

1 Kiinoo 27:29

Shaaroonee asho Shixiraayi, Shaarooni gaddooch quyeebeeti gijjeenaꞌochi ukkiroone. Adilaayi bushoo Shafaaxi, bambooch beeti gijjeenaꞌochi ukkiroone.

1 Kiinoo 27:31

Hagaaree asho Yaziizi bageenaꞌonaa emmisheenaꞌonochi ukkiroone. Eboshi bulli taatoo Daawitichi yaappheenaꞌo toommooch ukkireenaꞌone.

2 Kiinoo 26:10

Meeti gijjeenaꞌo biich beetoyich, barahooch, Shefeeli worebe showoonaa angeshoonooch dilaaloon shuunehe. Meeti aachi oppoonoo iijjiye. Goyoon shunnii bi beetoyich, geppe xaaꞌoonaa qeemi showoonooch gochechinaꞌonaa bechechinaꞌona biich beetinaꞌone.

Hiziqeeli 33:31

Bulli aaboon boonoshi tunii beetoommon ta macceenaꞌo waaree ne aafooch kotemminaꞌone; ne gettaa beeton waayemminaꞌone; tunebaani tuniyaachemminaꞌone; boonoshi noonoona wodde shunoon bekkiiheete; tunebaani boono mulloona boono gaacoon dabbiyeete.

Leweenaꞌo 22:10

“ ‘Qeeshee yaroochee tuneti ashoyee besh, bare asho ebi yaafeeti mooyoochee maayaaye; bi waan koteti iibboo woyee shuunoon shuuniyoyich gijjoona bi kiraayiti asho ebi aroochee maayaaye.

Leweenaꞌo 22:13

Tunebaani bushoon shiyaan beechaa, bi keno qitaa woyee gawukkeyaꞌa bi nihoo waan bi wottegaata, bi bushittinee yemeenooba bi mamoommon, bi nihoochi maayoochee mamuye. Tunebaani bare asho ebi aroochee maayaaye.

Leweenaꞌo 24:5

“Qacini buddinoon daamiree aaraa gutte xekee koshon kachiibe. Ikke xekee kosho bi kachemmo awudde kobbaye buddinoochee tunebe.

Leweenaꞌo 24:8

Ebi kosho Israꞌeeleenaꞌo keroon shambeti shambetooba kuxeyaanoon Doono Yeeri ta aafooch qeechebe. Ebiyoo Israꞌeeleenaꞌoyich ta waanaa bulli yemeenee wogoone.

Amootsi 8:5

Ittoshiyoo “No maayoon no kemmemmoyich, agenee keyi baaroo besheshoo geta! Teepphoon wochinnoon no kemmemmoyich shambetoo besheshoo geta! Ebi aabo beshemmo gaata, munne kobbayona maayoon qeelle aaxxii kemibee, koote machoona asheenaꞌon dachesho noone.

1 Saameeli 11:5

Areegaata Saaꞌooli bi gatteenaꞌon gasheꞌi goyoochee waa beetone. Biyoo “Asheenaꞌo eefeebeeto, amoyichiye?” iye. Boonoshiyoo Yabeeshi asheenaꞌo gettiti mooyon biich gettiyeete.

1 Saameeli 14:47

Saaꞌooli Israꞌeeleenaꞌo toommooch bi taatittinoon bi manjiitoyee gubb, bi guudoona beeti bi etteenaꞌo bullina koyehe. Eboshiyoo Moꞌabeenaꞌo, Amooneenaꞌo, Edoomeenaꞌo, Tsobaahee taateenaꞌonaa Filsixeemeenaꞌone. Bi hammito, aabiichona beetinaꞌo bullin kochii wochiye.

1 Saameeli 21:8

Daawitiyoo Ahimeleekich, “Taatoochi geto afaafinoona ta kechemmoyich bi tuniitoyich, ta goraadoon woyee bare ginee qiicoon yeshaanooniye ta kecheto. Ne waan gino woyee goraado danehe?” iꞌi echehe.

1 Saameeli 22:10

Ahimeleeki Daawiti amoon bi tuniyemmo gaata Doono Yeeri bekkiyemmoyich qollehe. Wotta shohoonaa Filsixeemo Gooliyaadichi goraadoonon biich immitone” iye.

1 Saameeli 22:22

Daawitiyoo Abiyataarich ishichiye: “Arooba Edoomechi Doogi arooch beemon ta beeggetoyich, Saaꞌoolich hamiree gettemmo bi tunoon xiishaa ariito taane. Ebi ne nihoochi kechi asheenaꞌo bulli qitito, ta naboonane.

1 Saameeli 22:9

Aroochee Saaꞌoolichi naayinaꞌona tookkii neexeebeeti Edoomechi Doogi ishichiye: “Iseyi bushoo Noob beeti, Akixuubi bushoo Ahimeleek waan bi hamon beeggeto taane.