1 Saameeli 20:8 - Kafa Linguistics Project

⁸ Illa deꞌe mooyon taach tuniibe; ne guuno taanna tookkaa Doono Yeerina wogoon giyeto neene. Tunebaani gondo taach bi beegaata, ne taan wuxibe; amoyichiye ne nihoo taan wuxemmoyich, beshiiree ne immemmo?” iye.

1 Saameeli 20:8 ပူးပေါင်းရင်းမြစ်များ

Halloo 24:49

Illa ta doonoyich gibeneeto tuneree, deꞌittinoon bekkiyemmo ittoshi tunegaata, ittoshi gaboon taach getote. Ebi tuno qayigaata, taach ittoshi getaa, ikke mooyon maacona” iye.

Halloo 47:29

Israꞌeeliyoo bi qitemmi aabo katinaa, bi bushoo Yooseefin ceeggii deebiꞌi ishichiye: “Taan shunnaabeeto ne tunegaata, ne kishoon ta doshee dechiich gediree, deꞌittinoonaa iberittinoonon taach ne bekkiyemmoyich wogebe. Gibitsee showooch taan duukkaahine.

2 Saameeli 14:32

Abisoloomiyoo Yoꞌaabich ishichiye: “Ne waan ta wochetaa, waataache iyaꞌa ne qajjetoyichiye. Taatoo waan hamiree, ‘Geshuuree aakkiyane ta waato? Arooch ta beemmo gaata, taach gaawiye’ itone getiree ne gettemmoyich, neen wocheya qaawiyoye. Andoo tunetaa, hamiree taatoo aafoon beegona; gondo taach beegaata, bi taan wuxibe” iye.

1 Kiinoo 12:17

Daawitiyoo boonoshina daneya hammiꞌi, boonoshich ishichiye: “Ittoshi waato taan gaacheya diggoyich bi tunegaata, ta mulloon ittoshich immemmo taane. Tunebaani ta etteenaꞌoyich beshiiꞌi taan imoyich waato ittoshi tunegaata, xuꞌo ta kishooch aallo bi tunetoyich, no qaabbechinaꞌochi Nuggishoo ciine; ittoshi toommoochoo nallibe” iye.

Shoddo 116:11

Ta keqqiyooba, “Asho bullin gibeno duuboone” iyo.

Shaahiyoo 3:3

Shunoonaa gibeneyoona neyee wokkaaye; eboshin ne qettooch tifebe; ne mullee cilloochoo kooribe.

Mishiraachechinaꞌo 25:11

Illa xuqqeto ta gaata woyee qitooch bechemmi mooyon ta shuuneto gaata, ‘Qitoochee wodibona’ getaache; tunebaani hini asheenaꞌo ta toommooch boonoshi yaaqqiibeeti taggoo kooto bi tunegaata, boonoshich beshiiꞌi taan imon koniyoona hakkaache. ‘Qesaari aafooch ta mooyo giddebe’ ito taane” iye.

Yaasi 2:14

Asheenaꞌo ishichiyeete: “No giyeti wogoommon no ceechoo qayigaata, Yeeri noon aalliibe. No tuniyaabeeti mooyon konichona geto ne qayigaata, Doono Yeeri hini showoon nooch bi imiyooba, gaawe mooyon neech tuniyemmo noone” iyeete.

Yaasi 22:22

“Giidechi Nuggishoo, Doono Yeeri beege! Giidechi Nuggishoo, Doono Yeeri beege! Aroo arii beetone. Israꞌeeleenaꞌoo ebin ariibeete. Ebin no tuniito, hukkoona woyee Doono Yeerich gibeneyee qayona bi tunegaata, hanaach noon maariyaahote.

Ruuti 1:8

Hammii boonoshi beetaa, Naꞌoomi bi naamecheenaꞌoyich ishichiyan: “And illa ittoshi xibeenaꞌo kexooch wottebote. Taannaa qititi ittoshi keneenaꞌonoyich ittoshi tuniiti deꞌe mooyoyich Doono Yeeri ittoshich deebe;

1 Saameeli 18:1

Saaꞌoolinaa Daawitina yibbaatoon ciichiyeete. Aroyee gubb, Yonaataani Daawitich kashoommi nuuchoon tunehe. Biyoo Daawitin bi kashoona tachiꞌi shunniye.

1 Saameeli 18:3

Yonaataani Daawitin bi kashoona tachiꞌi bi shunnitoyich, biinna tookkii wogoon giyiye.

1 Saameeli 20:16

Yonaataaniyoo “Daawiti etteenaꞌo toommooch Doono Yeeri nallibe” iꞌi Daawiti kechi asheenaꞌona tookkii wogoon giyiye.

1 Saameeli 20:9

Yonaataaniyoo “Yeeri ebin ne waanee wokkiibe; ta nihoo ne toommooch gondoon shuuneya bi gaboon ta ariito gaata, neech getaacheshote?” iye.

1 Saameeli 23:18

Boonoshi guttiyoo Doono Yeeri aafoochaa wogoon giyiyeete. Daawiti Horeesh echemmona, Yonaataani bi kexooch hammiye.