1 Saameeli 20:13 - Kafa Linguistics Project

¹³ Tunebaani ta nihoo ne toommooch gondoon bi gabaa neech arichiyoon ta qayigaata, wotta diggoona ne hammemmoyich tuniyoon ta qayigaata, Doono Yeeri ta toommooch ebin tuniibe; ebinoo daakkibe! Doono Yeeri ta aabbina tookkii bi tunoommon neenna tookki tunebe.

1 Saameeli 20:13 ပူးပေါင်းရင်းမြစ်များ

2 Saameeli 19:13

Wotta Amaasin ‘Ne, ta meenonaa ta damoona toono neene? Ebiyee gubb, Yoꞌaabi keroon ta ginee iraashoo neen ta tuniyoo qayigaata, Yeeri ta toommooch ebin tuniibe; ebinoo daakkibe’ itone getote” iye.

2 Saameeli 3:35

Aroochee showoo xumeyaan beetaa asheenaꞌo Daawit waan waaꞌi, maayoon bi maayemmoyich qolleheete. Tunebaani Daawiti “Aabe giyaan beetaa, koshon woyee amee mooyonona ta maagaata, Yeeri ta toommooch ebin tuniibe; ebinoo daakkibe” iꞌi wogehe.

2 Saameeli 7:15

Tunebaani bi xaaꞌooch ne tunemmoyich, Saaꞌooli toommoochee ta deꞌittinoon ta wokkiitoommon, bi waanee wokkiyaachemmo taane.

1 Taateenaꞌo 1:37

Doono Yeeri taatoo ta doono neenna tookkii bi tunoommon, Solomoonina tookki tunebe. Bi taatee qeenonoo taatoo ta doono ne taatee qeenoyee beshoon tuniibe” iye.

1 Taateenaꞌo 19:2

Elizabeeliyoo, “Ebi keemechinaꞌo toommooch ne tuniitoommon, yaach ebi goora ne toommooch tuniyoo ta qayigaata, nuggisheenaꞌo ta toommooch ebin tuniibeete; ebinoo daakkibeete” iyaꞌa Eliyaas waan wocheyechon daachiihan.

1 Taateenaꞌo 20:10

Been Hadaadiyoo, “Taan dabbiibeeti asheenaꞌoyich Shamaaree butto kopp koppee ikki bi bedigaata, nuggisheenaꞌo ta toommooch ebin tuniibeete; ebinoo daakkibeete” iꞌi wochehe.

1 Kiinoo 22:11

“Andoo ta bushoocho, Doono Yeeri neenna tookki tunebe; neechon bi gibenikkitoommon, ne Nuggishoo Doono Yeerichi kexon ne haggemmoyich neech kaachibe.

1 Kiinoo 22:16

Aachoon, birewoon, gooshoonaa xuuroonon shuunoona aricheti asheenaꞌo neech beetinaꞌone; tiyiree shuunebe; Doono Yeeri neenna tookki tunebe” iye.

Filipphisiyoosi 4:9

Ittoshich ta dojjitonaa ittoshich beshii ta immetonon, ittoshi waayeti ta qaaroon, ittoshi beeggiti ta shuunoon, eboshi bullin shuunee toommooch heechiibote. Arooboo diggee Nuggishoo ittoshina tookki tunemmone.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Ruuti 1:17

ne qitimmi xaaꞌooch qitemmi taane; ne duukkemmooch duukkeyemmi taane. Qitoyee besh neennaa taannon bariyemmi mooyo amolla aalloone. Neyee ta barigaata, Doono Yeeri taan ebi ebin tuniibe” iyan.

1 Saameeli 10:7

Ebi malleteenaꞌo ceeniyooba, Yeeri neenna tookkii bi tunetoyich, ne tuniiya bede mooyo bullin tuniibe.

1 Saameeli 14:47

Saaꞌooli Israꞌeeleenaꞌo toommooch bi taatittinoon bi manjiitoyee gubb, bi guudoona beeti bi etteenaꞌo bullina koyehe. Eboshiyoo Moꞌabeenaꞌo, Amooneenaꞌo, Edoomeenaꞌo, Tsobaahee taateenaꞌonaa Filsixeemeenaꞌone. Bi hammito, aabiichona beetinaꞌo bullin kochii wochiye.

1 Saameeli 17:37

Daaheroonaa diiboonochi kishoochee taan wodiiti Doono Yeeri, hini Filsixeemo kishoochee taan wodiyemmone” iye. Saaꞌooliyoo “Ishigaata, tunebe. Doono Yeeri neenna tookki tunebe” iye.

1 Saameeli 18:12

Doono Yeeri biin qajjiichii Daawitina tookkii bi tunetoyich, Saaꞌooli Daawitin shattiye.

1 Saameeli 19:3

Tawoo hamiree ne aasheti xaaꞌoochaa ta aabbi gaꞌooch neexemmo taane. Ne mooyonoo biinna tookki yibbaatemmo taane. Ta danemmi mooyonoo neech gettemmo taane” iye.

1 Saameeli 20:12

Aroochee Yonaataani Daawitich ishichiye: “Israꞌeelee Nuggishoo Doono Yeeri no miixoo tunebe. Yaach woyee sharitta ta nihoo waanee mooyon xiishiree, neech bi gabiibeeti gaboo gaaweto bi tunegaata, ne waan wochoon daachiiree, neech arichiyemmo taane.

1 Saameeli 20:14

Newoo kashoona ta beehooba, ta qitaachemmoyich Doono Yeer waanee tuneti deꞌittinoon taach bekkiibe.

1 Saameeli 25:22

Yaach maadda beddaahaa, bi ashoochee ikke anaamonolla ta echiigaata, Yeeri ta toommooch ebin tuniibe; ebinoo daakkibe” itone.

1 Saameeli 3:17

Eeliyoo ishichiye: “Doono Yeeri neech gettiti mooyo, amoone? Ebi mooyon taach aachiyaahine. Yeeri neech bi gettitoochee ikke mooyonona taach ne aachigaata, Yeeri ne toommooch ebin tuniibe; ebinoo daakkibe” iye.