1 Saameeli 20:1 - Kafa Linguistics Project

¹ Aroyee gubb Daawiti Raami katemooch beeti Nayootee muriccii Yonaataan waan hammiꞌi, biich ishichiye: “Amooniye ta hallito? Ta gondochi amoone? Ne nihoo taan wuxiya bi qaawiibeeto, biich amoon ta gondetenane?” iye.

1 Saameeli 20:1 ပူးပေါင်းရင်းမြစ်များ

Shoddo 54:3

Dallaaweenaꞌo ta toommooch tiyitinaꞌone; maacmanjeenaꞌo ta kasheen qaawitinaꞌone; neenoo mooch haddaaneenaꞌone.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.

1 Yowannisi 3:21

Ta shunechinaꞌote! No mullo noon ittibateyaano bi tunegaata, Yeer waan katinoyich kupphaabeeto noone.

1 Saameeli 12:3

And ittoshi aafooch neexeto taane. Illa Doono Yeerinaa bi huuttitonochi aafoochaa ta toommooch miixebote; koni gattooniye ta deqqeto? Koni kurooniye ta deqqeto? Koniniye ta dawushito? Wotta koniniye ta xuqqeto? Beeggaabee beegaanoon shaahaꞌa koni waaneeniye xuccoon ta maato? Ebiichee ikkoonolla tuniito ta tunegaata, ittoshich wochemmo taane” iye.

1 Saameeli 19:1

Saaꞌooli Daawitin boonoshi wuxemmoyich, bi bushoo Yonaataaninaa bi naayinaꞌo bullinoyich gettiye. Tunebaani Yonaataani Daawitin oogichiꞌi shunnii beetone.

1 Saameeli 19:18

Daawiti aroochee bi muriccitoyee gubb, Raama, Saameel waan hammiye. Biyoo Saaꞌooli bi toommooch tuniito bullin Saameelich gettiye. Aroochee biinnaa Saameelina Nayoot hammiꞌi koteheete.

1 Saameeli 20:2

Yonaataaniyoo “Yeeri ebin ne waanee wokkiibe; qitaachemmo neene. Ta nihoo shiichiꞌi taach getaanoon giisheche mooyon tuneba oogeton, amoonolla tuniyaanoone. Ishigaata, ta nihoo hinin taach bi aachemmi naboo beete? Mooyo ebi toonoone” iye.

1 Saameeli 20:32

Yonaataaniyoo bi nihoo Saaꞌoolich wochiꞌi, “Amoyichiye bi qitemmo? Amooniye bi hallito?” iye.

1 Saameeli 24:11

Ta nihoocho, ebi ta kishooch beeti ne qoreddee caappoon ciine. Neen wuxoon hakkesho taane. Tunebaani ebin tuniyaanoon ne qoreddee caappoon baachiye ta kuxxeto. Ne toommooch gonde mooyon woyee hukkoon ta tuniyee qayon ebina ariibe. Ne toommooch gondoon shuuneyaano ta tunetaanoona, taan wuxiya yookkaa dabbaabeeto neene.

1 Saameeli 24:12

Doono Yeeri neennaa taanna daggooch nallibe. Doono Yeeri ebi ta toommooch ne tuniyaabeeti gonde mooyoyich keroon neech gaacaani, ta ne toommooch amee gondoonona shuuneyaachemmo taane.

1 Saameeli 24:17

Biyoo ishichiye: “Neech gondoon ta tuniitaa, ne taach deꞌoon ne tuniitoyich, ne tayee beshi cadiqe asho neene.

1 Saameeli 24:9

Biyoo Saaꞌoolich ishichiye: “ ‘Daawiti ne toommooch gondoon shuuneya qaawii beetone’ ii beeti asheenaꞌochi yibbaatoon amoyichiye ne waayaabeeto?

1 Saameeli 26:18

Daakkiinoo ishichiye: “Taatoo bi guuno taan yookkii bi dabbiibeeto amoyichiye? Amooniye ta hallito? Ame gondooniye ta shuuneto?