1 Saameeli 2:8 - Kafa Linguistics Project

⁸ Biyoo girechon buttoochee tiijjiye; gittoonoo tulloochee tiijjiye. Iraasheenaꞌona tookkii boonoshin kotiihe; oogee qeenonoo boonoshich woraashiihe. Showee tuugeenaꞌo Doono Yeerichinaꞌone; boonoshi toommooch showoon kotiihe.

1 Saameeli 2:8 ပူးပေါင်းရင်းမြစ်များ

Halloo 41:14

Farooniyoo Yooseefin boonoshi deebemmoyich gettiye. Cuyee kexoochee afaafinikkiꞌi deebiyeete. Yooseefi bi qelloon cakkee, bi tahoon shaddiꞌi, Farooni aafooch giddehe.

Halloo 41:40

Ta taatittinee showooch iraashebe. Ta asho bulli neech hajjeebe. Neyee ta beshemmo, ta taatee qeenona baachiye” iye.

2 Saameeli 7:8

“Andoo ta guuno Daawitich ishichibe: Beshe Mawe Doono Yeeri ishichiye: ‘Neen gaddoochee, bagee quyoochee daammaꞌa, ta asheenaꞌo tuneti Israꞌeeleenaꞌo toommooch ne iraashemmoyich tuniihoye.

1 Taateenaꞌo 16:2

“Dengoochee tiijjaꞌa, ta asheenaꞌo tuneti Israꞌeeleenaꞌo toommooch neen iraashiihoye; tunebaani ne, Yeroboꞌamichi gommon dabbihine; ta asheenaꞌo tuneti Israꞌeeleenaꞌon axaaxoon shuuniihine; boonoshi axaaxoona taan boonoshi ippiyemmoyich tuniihine.

2 Taateenaꞌo 9:6

Ebich tiyiꞌi kexooch hammiye. Ebi gurimaashoo zayitoon Yehichi shimbooch ukkiichii biich, “Israꞌeelee Nuggishoo Doono Yeeri ishichiye: ‘Doono Yeeri, ta asheenaꞌo tuneti Israꞌeeleenaꞌo toommooch ne taatemmoyich neen huutteto taane.

Iyoobi 1:21

Biyoo ishichiye: “Shokkaachoon ta indee maacoochee kecheto taane; shokkaachoon wotteree hammemmo taane. Doono Yeeri immiye; Doono Yeeriyoo tiijjii daammiye; bi shigo galleteebe” iye.

Iyoobi 2:8

Iyoobiyoo tullooch hammii koteechii gochoon deebiꞌi bi qeddoon qucciye.

Shoddo 102:25

Ne, wonnee tiijjaꞌa showoon heccehine; shimaayoo ne kishee shuunoone.

Shoddo 104:5

Showoon bi tuugee toommooch manjiihine; ebich ciroona shuuraache.

Shoddo 107:41

Tunebaani girechinaꞌon neexxeyoochee kichiye; boonoshi gumbeenaꞌon bagee bushiishoochoommon meechiye.

Shoddo 24:2

Showoon baharee toommooch heccito aachi toommoochoo manjiito biine.

Shoddo 75:3

Showoonaa areexi asho bullina qewegaata, bi tuugeenaꞌo manjemmoyich tuniyaabeeto taane.

Shoddo 75:4

Geecechinaꞌon ‘Cooddaahote’ gondeenaꞌon ‘Ittoshi qaroon damba tiijjiyaahote;

Shoddo 75:7

Tunebaani nallecho Yeeri baachiye; biyoo koni giishemmo gaata, koni kaama oogemmo gaatoo maacciye.

Dojjecho 4:14

Ebi gurimaashoo taatoo tunoyich cuyee kexoochee waato bi tunetaanoona, woyee girechon tuneꞌi ebi bi taateti showoochaa shiijjeto bi tunetaanoona, bi gaawiye.

Isiyaasi 22:23

Gibeneeti xaaꞌooch xuuree kaꞌoochoommon biin xogemmo taane; bi nihoochi kechi asheenaꞌoyich oogee xaaꞌoon tunemmone.

Daaneeli 2:48

Daaneelich taatoo oogoon wojjiye; meeti wojjoonoo biich wojjiye. Baabloonee showoo bulliich biin iraashiihe; Baabloonee yiiteenaꞌo toommoochoo biin iraashiihe.

Daaneeli 4:17

Ebi manjiti mooyonaa bi toommooch shaggemmi nalloona quyecho tuneti, bi yaafe maraakeenaꞌona getteetone. Ebiyoo Beshoo Yeeri asheenaꞌochi taatittineenaꞌo toommooch hajjiibeeto bi tunoonaa ebi taatittineenaꞌon asheenaꞌo daggoochee boonoshi qelloon giishii beetinaꞌoyich, bi shunnito konichona immiibeeto bi tunoonon, showee toommooch beeti asheenaꞌo bulli ariyemmoyichiye’ iye.

Daaneeli 6:3

Daaneeli bariti ayaanoona ceenniti asho bi tunetoyich, biinna tookkii iraasheti iraasheenaꞌonaa bare iraasheenaꞌo bullinoyee besho tuneꞌi bekkehe; taatoo bi taatee showoo bulli toommooch biin iraashiiya gabiye.

Hibireena'o 1:3

Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaaꞌoo 1:6

bi Nuggishoonaa bi Nihoona tuneti Yeerich maddeebeeti qeeshoonaa bi taatee ashoonon noon tuniiti Yesuus Kiristoosich bulli yemeenoon oogee yiiroonaa giidoona tunebe. Ameena.

Yaaꞌoo 22:5

Ebiyee bekk xumo beetaachemmone; Doono Yeeriyoo boonoshich bekko tunemmone; ebich ceechee bekkoonaa aabee aaxxoona boonoshich qaawiyaachemmone; bulli yemeenoon taatemminaꞌone.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

Yaaꞌoo 5:10

boonoshinoo no Nuggishoyich maddeebeeti qeesheenaꞌonaa bi taatee asheenaꞌonon tuniito neene; showee toommoochoo taatemminaꞌone” iyeete.

1 Saameeli 15:17

Saameeliyoo ishichiye: “Ne qelloon wochaꞌa ne qallayitaanona, Israꞌeelee yoodeenaꞌo toommooch iraashoo tuneto neene. Doono Yeeri Israꞌeelee taatoo ne tunemmoyich neen huuttitone.