1 Saameeli 2:30 - Kafa Linguistics Project

³⁰ “ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.

1 Saameeli 2:30 ပူးပေါင်းရင်းမြစ်များ

1 Taateenaꞌo 11:11

Ebich Doono Yeeri Solomoonich ishichiye: “Ebin ne tuniitoyich, neech ta getteti ta wogoonaa ta doyoonon quyo ne qajjetoyich, ne taatittinoon ne kishoochee bogiree ne naayoyich immemmo taane.

1 Taateenaꞌo 2:27

Aroochee Solomooni Abiyataarin qeeshittinoochee kichiye; ebina Doono Yeeri Shiloohaa Eeli kechi asheenaꞌochon bi gettiti qaaro ceenniye.

1 Kiinoo 17:18

“Ne guuno taan ariyaabeeto neene; oogoon taach ne immetoyich, illa ebiyee beshoon amoon neech geton hakkehote!

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 26:18

Boonoshiyoo, “Uziyaaho, ixaanee shooho yaafeeti, Haroonichi shiijjereenaꞌo tuneti qeesheenaꞌochoani, Doono Yeerich ixaanoon shooho neech qaawiyaache. Xuqqeto neene. Yaafee kexoochee keye. Ne Nuggishoo Doono Yeer waanee oogoon daneyaachemmo neene” iyeete.

Shoddo 18:20

Ta cadiqittinoochee tiyitona, Doono Yeeri taach deꞌoon deehe; ta kishee xallittinoochee tiyitona, taach wochiꞌi qocciye.

Shoddo 18:26

Mulli xalleenaꞌoyich gaaweto neene; xummeenaꞌoyich marecho neene.

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Shoddo 73:20

Ta Doonocho, ne tiyiyooba, tokketoochee tiyimmona batteebeeti gumochoommon, aallemminaꞌone.

Shoddo 91:14

Yeeri ishichii beetone: “Taan bi shunnii beetoyich biin wodiyemmo taane; ta shigoon bi arii beetoyich, biin quyemmo taane.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Keyo 28:43

Harooninaa bi anaami bushiisheenaꞌona danee duukkaanooch boonoshi giyimmi aaboon woyee Yaafe Xaaꞌoochaa maddeya deejjee gudooch boonoshi giddemmi aaboon, xuꞌoon shuuneree boonoshi qitaachemmoyich, ebi shuroon eddebeete. “Harooninaa gubbi bi shiijjereenaꞌonoyich ebi bulli yemeenee doyoo tunemmone.

Keyo 29:9

Buroon boonoshi maacooch cuye. Aroochee qelli caacoon boonoshi qellooch caace. Ebiyoommi gommona Harooninaa bi anaami bushiisheenaꞌonon qeesheenaꞌo boonoshi tunemmoyich yaafemmo neene. Ebina boonoshinaa gubbi boonoshi shiijjereenaꞌona qeeshoon tuneree, bulli yemeenoon taach maddemminaꞌone.

Shaahiyoo 12:8

Asho bi ariyoona galleteehe; tunebaani xumme gabechi asho hoxeehe.

Shaahiyoo 4:8

Biin oogiibe; neen oogiyemmone; manjii yeshe; oogoon neech deebemmone.

Shaahiyoo 8:17

Taan shunnii beetinaꞌon shunnehoye; kupphiiꞌi taan qaawii beetinaꞌo taan danemminaꞌone.

Isiyaasi 29:13

Doono ishichii beetone: “Hini asheenaꞌo ‘Neecho noone’ iibee boonoshi noonoona taan oogii beetinaꞌone; tunebaani boonoshi mullo ta waanee oogeton wohone; taach boonoshi shattiibeeto asho dojjiti duube doyoommonane.

Erimiyaasi 29:32

Doono Yeeri ta, Nehelaamee asho Shemayaahinaa bi gumbeenaꞌonon naxemmo taane; ta asheenaꞌoyich ta tuniyemmi gaawe mooyon beeggemmi asho bi gumboochee hini asheenaꞌo daggooch ikkolla daneyaachemmone; ebiyoo Doono Yeeri ta toommooch hukkoon bi yibbaatetoyichiye’ itone gete” iye.

Erimiyaasi 49:15

“Ebiyoche aageteenaꞌo daggooch giishecho, asheenaꞌo daggoochoo hoxeeto, neen tuniyemmo taane.

Hiziqeeli 34:10

Nuggishoo Doono Yeeri ta ishichiyoye: Ebiyoche ta qiddeenaꞌo toommooch tiyeto taane. Ta bageenaꞌon boonoshi kishoochee qaawemmo taane; wochinnoon boonoshi shiimemmoyich tuniyaachemmo taane; qiddeenaꞌo boonoshi qelloon wochi boonoshi shiimeyaachemmoyich tuniyemmo taane; boonoshich maayoon boonoshi tuneyaachemmoyich, ta bageenaꞌon boonoshi kookkoochee wodiyemmo taane.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Milikiyaasi 1:6

Beshe Mawe Doono Yeeri ishichiye: “Ta shigoon giishiibeeti qeesheenaꞌote, bushoo bi nihoon, guuno bi doonon oogii beetone. Ta, ittoshi nihoo taane; ishigaata amoyich taan oogiyaachote? Ta ittoshi doono taane; ishigaata amoyich taach shataachote? “Tunebaani ittoshi ‘Aabichaꞌa ne shigoon giishiihone?’ iyote.

Milikiyaasi 2:3

“Ittoshi shiijjereenaꞌon sheeremmo taane. Deejjoyich ittoshi giddiiti gijjeenaꞌochi xabeꞌoon ittoshi aafooch huuttemmo taane. Ebi are xabeꞌoona tookki hami duppeyemmo ittoshine.

Haddoo 11:20

Tunebaani ittoshi daggooch beeti Doono Yeerin ittoshi hoxetoyich, bi aafoochaanoo “Amoyich Gibitsee kechetone?” ii ittoshi eeppitoyich, ittoshin bi beelletiimmi wottoon, ittoshi muddoona bi waammi wottoonoo ikke agenee kipphimoon maayemmo ittoshine’ gete” iye.

Haddoo 35:34

Doono Yeeri ta Israꞌeeleenaꞌo daggooch ta beetoyich, ittoshi beeti, wotta ittoshi daggooch ta qeyaabeeti showoon eeꞌiyaahote’ itone gete” iye.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 5:44

Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?

Yowannisi 8:49

Yesuusiyoo ishichiꞌi wochiye: “Ta toommooch yinno aalloone; ta Nihoon oogiibeeto taane; tunebaani ittoshi taan giishiihote.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

1 Pheexiroosi 1:7

Aallemmi aacholla qaaqqooch bi geddeebeeto, amoommo gaata bi tunoon xiishoyichiye; ebiyoommon wotta aachoyee beshe oogeti aaxxoo tuneti, Kiristoosi toommooch ittoshich beeti mullee tooꞌiyoo xuuxee daggoona bi besheebeeto, iberoo bi tuno xiisheyemmoyichiye. Wotta Yesuus Kiristoosi bekkehooba, galleto, oogee yiiroonaa naadoonon ittoshi danemmoyichiye.

Woraaferasheenaꞌo 9:10

“Mixinaꞌoo balaasee mixon ‘Ne waaree no toommooch taatebe’ iyeete.