1 Saameeli 2:24 - Kafa Linguistics Project

²⁴ Ta bushiishoocho, ebi tato toonoone. Doono Yeerichi asheenaꞌo daggooch yibbaateebeeti, ebi ta waayaabeeti ittoshi mooyo gaaweto toonoone.

1 Saameeli 2:24 ပူးပေါင်းရင်းမြစ်များ

1 Taateenaꞌo 15:26

Bi nihoo shuuneti axaaxoonaa Israꞌeeleenaꞌon bi shuuniiti axaaxoonon dabboona, Doono Yeeri aafooch gonde mooyon shuunehe.

1 Taateenaꞌo 15:30

Ebi tuneto, Yeroboꞌami shuuneti axaaxee naboonaa Israꞌeeleenaꞌon bi shuuniiti axaaxee naboona tunemmona, wotta Israꞌeelee Nuggishoo Doono Yeerin bi ippiitoyichiye.

2 Taateenaꞌo 10:31

Tunebaani Yehi Israꞌeelee Nuggishoo Doono Yeerichi sheeroon bi ceeni mulloona aaxxiiꞌi quyeyaanoone; Israꞌeeleenaꞌon axaaxoo shuuniiti, Yeroboꞌamichi axaaxoocheenoo wohaanoone.

Keyo 32:21

Aroochee Muusi Haroonin “Ebi shaahe magge axaaxoon boonoshi shuunemmoyich ne tuniito, ebi asheenaꞌo neen aabicheenane?” iye.

Milikiyaasi 2:8

Tunebaani ittoshi ta gommoochee badd wotteto ittoshine; ittoshi dojjiibeeti doyoona meeti asheenaꞌoyich xugoon tuneto ittoshine. Lewina tookkaa ta giyeti wogoonoo happito ittoshine, iye Beshe Mawe Doono Yeeri.

Maatiyoosi 18:7

Ashich xugo tunemmi mooyo woyemmo bi tunetoyich hini showee toommeexi asheenaꞌoyich woowo! Xugo tunemmi mooyo womo echeyaani mooyone; tunebaani are uroon xugo tuneꞌi dichimmi uroyich woowo!

Mishiraachechinaꞌo 6:3

Ebich no maneenaꞌote, ittoshi daggoochee shabaatte asheenaꞌon kaacote. Ebi ittoshi kaaccemmi asheenaꞌo ‘Yaafe Ayaanoonaa shalligoona ceenniti asheenaꞌone’ getaa miixeetinaꞌo tunebeete; hini shuunoyich boonoshin ukkiriibone.

2 Qorontoosi 6:8

Ikkikkeenaꞌo noon oogii beetinaꞌone; bareenaꞌo noon giishii beetinaꞌone; ikkikkoochaa gonde mooyo no toommooch yibbaatee beetone; ikkikkoochaanoo galleteebeeto noone. Iberoon yibbaataabee dawushecho getteebeeto noone.

1 Ximootiyoosi 3:7

Wotta gonde mooyona oonneeree daabiloosi shaachiti ollooch bi yecheyaachemmoyich, Kiristoosi toommooch mulloon tooꞌiyaani asheenaꞌo waanaa gaawe mooyona naadeeto tunebe.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

3 Yowannisi 1:12

Demexiroosich ashoo bulli miixee beetone; iberoo bi qelloona miixee beetone. Nowoo wotta miixaabeeto noone; no miixeti miixoo iberoo bi tunoon ariibeeto neene.

Yaaꞌoo 2:20

“Tunebaani neen ta ittibatemmi mooyo beetone: Ebiyoo ta guuninaꞌoyich shunee mamonaa shahalloyich deejjeya basheeti meenon mamonon dojjaa beetinaa muriccii beetina, ‘Keemechi taane’ ii beeti ure Elizabeelin cikkii qajjeto neene.

1 Saameeli 2:17

Eeli bushiisheenaꞌo axaaxoo Doono Yeeri aafoochaa ebi shaahoon oogeti maggoo tunetone; ebiyoo Doono Yeerich giddeebeeti deejjoon boonoshi qallayii beetoyichiye.

1 Saameeli 2:22

Ebiyooba Eeli oogeton geenetone. Biyoo bi bushiisheenaꞌo Israꞌeeleenaꞌo toommooch boonoshi tuniibeeto bullin, danee duukkaanee kellooch maddeebeeti genneenaꞌon boonoshi qemonoo waayee beehe.

1 Saameeli 2:23

Ebich boonoshich ishichiye: “Ittoshi shuuneebeeti gonde shuunoon asheenaꞌo bulli waanee waayaabeeto taane. Amoyichiye ebiyoommi mooyon ittoshi tuniibeeto?