1 Saameeli 2:2 - Kafa Linguistics Project

² “Doono Yeeriyoommi yaafoo aalloone; biinoommo ciroona aalloone; no Nuggishoommi deebo aalloone.

1 Saameeli 2:2 ပူးပေါင်းရင်းမြစ်များ

2 Saameeli 22:3

ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone; taan wodiyecho, xuꞌechinaꞌo kishoochee taan wodii beetone.

2 Saameeli 22:32

“Doono Yeeriyee besh, Nuggishoo konine? No Nuggishoyee besh, Xaqqee Inderoo konine?

2 Saameeli 7:22

Nuggishoo Doono Yeero, am shaahe oogoo neene! Neen shaahemmo koniyoona aalloone. No waamona no waayetoommon, neyee bare nuggishoo aalloone.

1 Taateenaꞌo 8:23

ishichiye: “Israꞌeelee Nuggishoo Doono Yeero, damba shimaayooch tuneba desh showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

Shoddo 111:9

Bi wodiyoon bi asheenaꞌoyich deejjiye; bi wogoonoo bulli yemeenooch manjiihe; bi shigoo yaafoonaa shattiitonane.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 18:31

Doono Yeeriyee besh, Nuggishoo konine? No Nuggishoyee besh, Xaqqee Inderoo konine?

Shoddo 71:19

Yeero, ne cadiqittino shimaayooch shagoone; ogooge mooyon tuniito neene; Yeero, neenoommo konine?

Shoddo 71:3

deebe xaqqoon tuneree, manje mishigoonoo tuneree, taan wodiibe; ne ta deebe xaqqo, ta mishigo neene.

Shoddo 73:25

Neyee besh shimaayooch taach koni beete? Showoochoo neyee baroo ta qaawemmo aalloone.

Shoddo 86:8

Ta Doonocho, nuggisheenaꞌo daggooch neenoommi nuggishoo aalloone; ne tuniitoommon tuniito, koniyoona aalloone.

Shoddo 89:6

Shimaayooch Doono Yeerin shaahemmo konine? Shimaayeexi halleenaꞌo daggooch Doono Yeerina tatemmo konine?

Shoddo 89:8

Beshe Mawe Nuggishoo Doono Yeero, neenoommi hakkecho konine? Doono Yeero, ne bulli mooyona gibeneeto neene.

Shoddo 99:3

Oogoonaa shattiitona tuneti ne shigoon galletebeete. Bi yaafoone!

Shoddo 99:5

No Nuggishoo Doono Yeerin galletebote; bi baatee dechiich goyinnebote. Bi yaafoone!

Shoddo 99:9

No Nuggishoo Doono Yeeri yaafoo bi tunetoyich, no Nuggishoo Doono Yeerin galletebote; yaafeeti bi guudoochaa goyinnebote.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Isiyaasi 40:18

Yeerin ittoshi tachiya ii beeto konina tookkiiniye? Konina tookkishoo shaahiiyehote?

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Isiyaasi 44:8

Shattaahote; keqqiyaahote; wonnee tiijjaꞌa ittoshich getaano taane? Ittoshi ta miixoo ittoshine; tayee bare nuggishoo beete? Tayee bare Xaqqee Inderoo aalloone; koninolla ariyaache” iye.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 6:3

Boonoshinaa boonoshina ceegeebee, “Beshe Mawe Doono Yeeri yaafoo, yaafoo, yaafoone; bi oogee yiiroo showoo bulliich ceennitone” ii beeheete.

Erimiyaasi 10:6

Doono Yeero, neen shaahiibeeto koniyoona aalloone; ne oogoo neene; ne shigoo hakkechi oogoone.

Leweenaꞌo 11:44

Ittoshi Nuggishoo Doono Yeeri ta yaafoo ta tunetoyich, ittoshi qelloon yaafibote. Yaafoonoo tunebote. Showoona yuummiibeeti mooyo amoonolla mamona ittoshi qelloon eeꞌiyaahote.

Leweenaꞌo 11:45

Ittoshi Nuggishoo tunoyich, Gibitsee ittoshin kichaꞌa deebeti Doono Yeeri taane. Ebich yaafoo ta tunetoyich, ittoshiyoo yaafoo tunebote.

Leweenaꞌo 19:2

“Israꞌeelee iiteenaꞌo bullich ishichi gete: ‘Ittoshi Nuggishoo Doono Yeeri ta, yaafoo ta tunetoyich, ittoshiyoo yaafoo tunebote.

Roomi 15:4

Yaafe Macaafoochee no danaabeeti haaꞌiyoonaa goggoona gibeno nooch bi beeyemmoyich, shiichiꞌi Yaafe Macaafooch kooreeto bulli nooch dojjiya kooreetone.

Roomi 4:8

Doono bi axaaxoon cir haddaachemmi asho diireetone” itone.

Yibbaatoo 3:24

‘Nuggishoo Doono Yeero, ne oogoonaa giidechi ne mochoonon bekkiibeeti, batti batti malletoon ne guuno taach bekkiito neene. Shimaayoochoo tuneba hini showee toommooch ne shuunetoommi, ebiyoommi ooge mooyon tuniyoon hakkemmi nuggishoo aalloone.

Yibbaatoo 32:20

Biyoo ishichiye: ‘Ittoshi, wuuqqoo tuneti asho ittoshine; ta ittoshin gibenoon hakkaache. Ebiyee gubb, ittoshin guudi ciinaachemmo taane; ittoshi ciiro amo bi tunemmo gaata beeggemmo taane.

Yibbaatoo 32:39

“ ‘Illa ta ikkeeto baach Nuggishoo ta tunoon, tayee bare nuggishoo aallo bi tunoon beegote. Wuxiyoye; mayiihoye; wodiinoo iyoye; ta kishoochee dichoon hakkemmo koniyoona aalloone.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yibbaatoo 4:35

“Ebi mooyon ittoshi beeggemmoyich bi tuniito, Doono Yeeri bi baach Nuggishoo bi tunoonaa biyee damba baroo aallo bi tunoonon ittoshi ariyemmoyichiye.

Yibbaatoo 4:39

“Illa and damba shimaayooch tuneba desh showooch, Doono Yeeri baach Nuggishoo bi tunoon, bare nuggishoo aallo bi tunoonoo shalligibe. Ebinoo ne mullooch manjii yeshe.