1 Saameeli 19:9 - Kafa Linguistics Project

⁹ Ikke areddoon Saaꞌooli bi ginoon yechiꞌi kexooch kotee bi beetaa, Doono Yeeri deejjiti gonde ayaano bi toommooch kindiye. Daawitiyoo ooge ximboon yexxii kaachii beehe.

1 Saameeli 19:9 ပူးပေါင်းရင်းမြစ်များ

1 Taateenaꞌo 22:22

“Doono Yeeriyoo biich, ‘Aabichireeshiye ne muriciyemmo?’ iye. “Biyoo, ‘Hamiree, bi keemechinaꞌo bulli kootoon keemmemmoyich tuniyemmo taane’ iye. “Doono Yeeriyoo, ‘Muriciyemmo neene; neechoo kaamemmone; hamiree, ebin tuniibe’ iye.

1 Saameeli 16:14

Doono Yeerichi Ayaano Saaꞌool waanee wokkiye. Gonde ayaanoon Doono Yeeri deejjaa, biin xuuxiihe.

1 Saameeli 16:15

Bi naayinaꞌo biich ishichiyeete: “Ebiyoche, gonde ayaanoon Yeeri deejjaa, neen xuuxii beetone.

1 Saameeli 16:16

Ebich no doonocho, ooge ximboon yexxii kaayon hakkiibeeti ashoon no qaawemmoyich, ne daaggaa qaawi deebone. Biyoo Yeeri deejjiti gonde ayaano ne toommooch bi waagaata, ooge ximboon yexi kaachemmone; ebina ne achooch gaawemmone” iyeete.

1 Saameeli 19:8

Wochinnoon gino tiyiye. Daawitiyoo kechiꞌi Filsixeemeenaꞌon kochiye. Boonoshi daggoochee meeti asheenaꞌon wuxii bi ciichitoyich, Filsixeemeenaꞌo bi aafoochee wocee aalleheete.

1 Saameeli 22:6

Ikke areddoon Saaꞌooli Gibaaha beeti ikke geppooch, tamariskee michi yiirooch kotee beehe. Biyoo bi ginoon yechitone; wotta bi naayinaꞌo bi guudoona neexetinaꞌone. Arooch bi beetaa, bi asheenaꞌoochee ikkikkeenaꞌo Daawitinaa biinna tookkii beeti asheenaꞌonon boonoshi beegon gettiyeete.