1 Saameeli 19:4 - Kafa Linguistics Project

⁴ Yonaataani bi nihoo Saaꞌoolich Daawiti mooyon gaawetona tiijjiꞌi, ishichiye: “Taatoocho, ne guuno Daawiti toommooch gondoon shuuneyaahine; bi, ne toommooch gondoon shuuneyaanoone. Ebiyee bi tuniiti mooyo bulli neech oogeti gaachooniye bi tuneto.

1 Saameeli 19:4 ပူးပေါင်းရင်းမြစ်များ

Halloo 42:22

Roobeeli wochii boonoshich ishichiye: “Arooba ‘Ebi bushoo toommooch gondoon shuuneyaahote’ iyaa ittoshich getaano taane? Tunebaani ittoshi ta getteton waayeyaano ittoshine. And ebeegote, bi damoo no kishoochee qaawee beetone” iye.

Halloo 9:6

“Asho, Yeeri ta malletoona halleetone; ebich ashi damoon ukkimmochi damoon bare asho ukkemmone.

2 Kiinoo 6:22

“Ikke asho ashoon xuqqitone getaa taggeeꞌi, wogo biich qaawiitaa waaꞌi, hini yaafee kechi deejjee gudee aafoochaa bi wogegaata,

Shoddo 35:12

Deꞌee kaalloyich gondoon taach wochiyeete; taan shiqqiiheete.

Shoddo 59:4

Ame xuꞌolla ta waan aalloon, taan aalliiya qanniꞌi tiyiyeete; ebin beegiree, taan gaachoyich tibe.

Shaahiyoo 17:13

Deꞌee kaalloon gondoon wochiibeeto kexoochee, gonde mooyo bulli aaboon kuxeyaachemmone.

Erimiyaasi 18:20

Deꞌoyich gondo wochee beetone? Taach oppoon iijjitinaꞌone. Boonoshi qoodoyich deꞌoon yibbaatoyich, ne kaaroon boonoshi waanee wochoyich, ne aafooch neexeto ta tunoon gabibe.

1 Qorontoosi 8:12

Ebina ittoshi maneenaꞌo toommooch gondoon shuuneebee, boonoshi yeexere mulloon mayiibee, Kiristoosi toommooch gondoon shuunee beetaachote?

1 Yowannisi 3:15

Bi manoon shixxiibeeto bulli ashoon wuxitoommone; ashoon wuxito bulli, bulli yemeenee kasho biich aallo bi tunoon ariibeeto ittoshine.

1 Saameeli 2:25

Ikke asho baroon bi xuꞌigaata, Yeeri shoobbii beetone. Tunebaani asho Doono Yeerin bi xuꞌigaata, shoobbemmo konine?” iye. Tunebaani bushiisheenaꞌo boonoshi nihoochi ciicoon waayemmon qajjiyeete; ebiyoo Doono Yeeri boonoshin aalliiya gabii maaccito bi tunetoyichiye.

1 Saameeli 20:32

Yonaataaniyoo bi nihoo Saaꞌoolich wochiꞌi, “Amoyichiye bi qitemmo? Amooniye bi hallito?” iye.

1 Saameeli 22:14

Ahimeleekiyoo taatoyich ishichiꞌi wochiye: “Ne naayinaꞌo daggoochee gibeneeto, Daawitiyoommo konine? Biyoo ne bushee keno, ne quyee naayinaꞌo toommooch ukkiroo, wotta ne kexooch beeti asheenaꞌo oogiibeeti uroone.