1 Saameeli 19:18 - Kafa Linguistics Project

¹⁸ Daawiti aroochee bi muriccitoyee gubb, Raama, Saameel waan hammiye. Biyoo Saaꞌooli bi toommooch tuniito bullin Saameelich gettiye. Aroochee biinnaa Saameelina Nayoot hammiꞌi koteheete.

1 Saameeli 19:18 ပူးပေါင်းရင်းမြစ်များ

Shoddo 116:11

Ta keqqiyooba, “Asho bullin gibeno duuboone” iyo.

Yaaqobi 5:16

Ebich ittoshinaa ittoshina ittoshi axaaxoon aannibote; ittoshi biiyoochee ittoshi wodemmoyich ikkoo baroyich corootibe; cadiqe ashi corooto giidechi shuunoon shuunee beetone.

1 Saameeli 1:19

Bi dechara maaddoona Eliqaaninaa bi kechi asheenaꞌona tiyiꞌi Doono Yeerich goyinneheete. Aroochee Raama beeti boonoshi kexooch wotteꞌi hammiyeete. Eliqaani bi mechee Haannina danehe. Yeeriyoo Haanni qolloon waayehe.

1 Saameeli 15:34

Aroochee Saameeli Raama hammiye. Saaꞌooliyoo Gibaaha beeti bi kexooch wottehe.

1 Saameeli 19:19

Asheenaꞌo Saaꞌoolich “Daawiti Raami katemooch beeti Nayoot beetone” iyeete.

1 Saameeli 19:22

Ciiroochaa Saaꞌooli bi qelloona Raama hammiꞌi Seeka beeti ikke ooge aachi oppo beetooch shaggiichii, “Saameelinaa Daawitina beeto aabiichiye?” iꞌi echehe. Ikke uro “Raami katemooch beeti Nayoot beetinaꞌone” iꞌi biich gettiye.

1 Saameeli 19:23

Ebich Saaꞌooli Raami katemooch beeti Nayoot hammiye. Yeerichi Ayaano wotta bi toommoochoo kindiye. Raama beeti Nayoot bi shaggimmi wottoon keemoon keemmiibee qaxiriye.

1 Saameeli 20:1

Aroyee gubb Daawiti Raami katemooch beeti Nayootee muriccii Yonaataan waan hammiꞌi, biich ishichiye: “Amooniye ta hallito? Ta gondochi amoone? Ne nihoo taan wuxiya bi qaawiibeeto, biich amoon ta gondetenane?” iye.

1 Saameeli 21:11

Akiishi naayinaꞌo Akiishich, “Hini Daawiti bi showee taatoo toone? Wotta, ‘Saaꞌooli humeenaꞌon wuxiye; Daawiti aashire humeenaꞌon wuxiye’ ii boonoshinaa boonoshina capheebee boonoshi duubbito, hini Daawitich toone?” iyeete.

1 Saameeli 28:3

Aroyee aaf Saameeli qititone. Israꞌeeleenaꞌo bulliyoo biich eeppiꞌi, bi hajjee katemoo tuneti Raama biin duukkitinaꞌone. Saaꞌooliyoo qititi ashoona tookkii yibbaatee beetinaꞌonaa allaameenaꞌonon Israꞌeelee showoochee boonoshi aallemmoyich tuniitone.

1 Saameeli 7:17

Aroochee bi kexo Raama bi tunetoyich, Raama wottee beehe. Aroochaanoo Israꞌeeleenaꞌo mooyon nallii qeejjii beehe. Biyoo Doono Yeerich deejjee gudoon Raama shuunehe.