1 Saameeli 19:10 - Kafa Linguistics Project

¹⁰ Saaꞌooli Daawitin daabboona tookki xaaqqiya iꞌi, ginoon awurehe. Tunebaani Daawiti ikke badd ikimmona gino daabbooch hogeehe. Daawitiyoo wocciꞌi muricciye.

1 Saameeli 19:10 ပူးပေါင်းရင်းမြစ်များ

Shoddo 124:7

Aaddoochi olloochee, kafoochoommon muricceto noone; ollo tiishetaa, nowoo muriccehone.

Shoddo 18:17

Giidechinaꞌo tuneti ta etteenaꞌo kishoochee, taan shixxii beetinaꞌo kishoocheenoo taan wodiihe; ebiyoo tayee beshe giidechinaꞌo boonoshi tunetoyichiye.

Shoddo 34:19

Cadiqoyich iritoo woddoone; tunebaani Doono Yeeri ebi bulliichee biin wodiyemmone.

Shoddo 37:32

Gonde asho cadiqoon hillee dabbiye; biin wuxiya qaawiye.

Shaahiyoo 1:16

Boonoshi baatoo axaaxooch woccii beetone; damee ukkoyichoo afaafinee beetinaꞌone.

Shaahiyoo 21:30

Asho bi shalligoona, bi gaboona, bi ariyoonoo, Doono Yeeri toommooch timon hakkaache.

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Hosee'i 6:4

Aroochee Doono Yeeri ishichiye: “Efreemo, neen aabichibote? Yihudo, neen aabichibote? Ittoshi shoodo maaddee quboommo, harimmona bekkechi shokkeebeeti keetoommone.

Maatiyoosi 10:23

Arooba ikke katemoochaa ittoshin boonoshi duꞌiigaata, bare katemooch maxxebote. Iberoon ittoshich gettoye: Ashi Bushoo waammi wottoon Israꞌeelee showeexi katemoo bulliich bedaachemmo ittoshine.

Luqaasi 4:30

Tunebaani bi boonoshi daggoona kuxxiꞌi beshee hammiye.

Yowannisi 10:39

Ebich wochiꞌi biin yecha qaawiyeete; tunetaa boonoshi kishoochee muricciye.

Hibireena'o 11:34

qaaqqee giidoon aalliiheete; goraadoona qitoochee muricciyeete; hakka guuteenaꞌo boonoshi tunetaanoona kuppheheete; ginee koyoona kuppheenaꞌo tuneheete; bare showee ginee naayinaꞌon kochii yookkiyeete.

1 Saameeli 18:10

Bi dechara Yeeri deejjiti gonde ayaano giidoona Saaꞌooli toommooch kindiye. Bi kexooch beechii geyechochoommon cikkii yibbaatee beehe. Daawitiyoo qemi qemona bi tunii beetoommon, ooge ximboon yexxii kaachii beehe. Saaꞌooli bi kishooch ginoon yechitone.

1 Saameeli 18:11

Biyoo Daawitin daabboona xaaqqiya iꞌi bi ginoon awurehe. Tunebaani Daawiti gutte wottoon bi aafoochee ikiye.

1 Saameeli 19:6

Saaꞌooliyoo Yonaataani yibbaatoon ellee bi waayetoyee gubb, “Beeyechi Doono Yeeri beege! Daawiti qitaachemmone” iꞌi wogehe.

1 Saameeli 20:33

Saaꞌooliyoo Yonaataanin wuxiya bi ginoon awurehe. Ebina Yonaataani bi nihoo Daawitin wuxiya bi maacon xiishiye.