1 Saameeli 18:5 - Kafa Linguistics Project

⁵ Saaꞌooli biin daachiiti koyee xaaꞌoo bulliichaa Daawitich mooyo kaamee beehe. Ebich Saaꞌooli bi ginee naayinaꞌo toommooch biin iraashiihe. Ebiyoo Saaꞌoolichi iraasheenaꞌonaa asheenaꞌo bullinon emirikkiye.

1 Saameeli 18:5 ပူးပေါင်းရင်းမြစ်များ

Halloo 39:23

Doono Yeeri Yooseefina tookkii tuneꞌi, bi tuniibeeti mooyo bullin kaachii bi beetoyich, cuyee kechi ukkiroo Yooseefichi kishooch beeti mooyo bullich amoonolla gabaanoone.

2 Saameeli 5:10

Daawitiyoo Beshe Mawe Nuggishoo Doono Yeeri biinna tookkii bi tunetoyich, qemi qemona kupphee kupphee hammiye.

2 Saameeli 5:2

Besheti yemeenooch, Saaꞌooli no toommooch taateꞌi beehooba, Israꞌeeleenaꞌon ginee koyee xaaꞌoochaa yaabito neene. Doono Yeeriyoo neech ‘Ta asheenaꞌo tuneti Israꞌeeleenaꞌon qiddemmo neene; boonoshinoo qeejjemmo neene’ itone” iyeete.

2 Kiinoo 17:3

Bi qaabbechi Daawitichi batti batti gommon bi dabbitoyich, Baꞌaaloonoo dabbaano bi tunetoyich, Doono Yeeri biinna tookkii tunehe.

Shoddo 1:3

Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.

Shoddo 101:2

Ta gommon xalliyemmo taane; ta waan ne woyemmo aatane? Ta taatee kexoochaa kaamittinoona beeyemmo taane.

Maatiyoosi 10:16

Daakkiꞌi Yesuusi ishichiye: “Ellebote, bagoochoommon okereenaꞌo daggooch ittoshin wochemmo taane. Ebich dingeroochoommon accecho, uggechoommon duuroo tunebote.

Mishiraachechinaꞌo 7:10

bi xuuxo bulliichee biin shiwee wodiihe. Gibitsee taatoo Farooni aafooch gidoonaa shalligoonon immiye. Hini are taatoo Yooseefin Gibitsee showoonaa bi kexo bullinooch iraashiihe.

Efesooni 5:17

Ebich Doono Yesuusichi daaggoo amo gaata shalligibotalli, mullaalloon tuneyaahote.

Qolaasiyaasi 4:5

Yeeri ittoshich immiibeeti gommo bullina Kiristoosichon miixebee Kiristoosi toommooch mulloon tooꞌiyaani asheenaꞌo daggooch ariyoona shaꞌebote.

Woraaferasheenaꞌo 1:19

Doono Yeeri boonoshina tookkii bi tunetoyich, geppe showoon yechiyeete; tunebaani yimaane showooch beeti asheenaꞌoyich meeti xuuree gaari bi beetoyich, boonoshin yookkii kichoon hakkaaneenaꞌone.

1 Saameeli 13:2

keejje hume asheenaꞌon Israꞌeeleenaꞌo daggoochee kaacciye. Gutte humeenaꞌo Saaꞌoolina tookkii Mikimaashinaa geppechi Beeteelinooch tunemmona, ikke humeenaꞌo wotta Yonaataanina tookkii Biiniyaamee showooch beeti Gibaaha beeheete. Echeti asheenaꞌon Saaꞌooli boonoshi ikkikkoona boonoshi kexooch boonoshi wottemmoyich tuniihe.

1 Saameeli 14:52

Saaꞌooli kashoona bi beeti yemeeno bullin Filsixeemeenaꞌona kupphe ginoon koyee beehe. Ebich Saaꞌooli giidecho tuneti woyee ginee anaamo tuneti ashoon bi danegaata, daammii bi ginee naayinaꞌo daggooch geddii beehe.

1 Saameeli 18:16

Israꞌeeleenaꞌonaa Yihudee asheenaꞌona bulloshi Daawitin shunniyeete. Ebiyoo ginoochaa boonoshiyee aaf tuneꞌi koyiibeeto, Daawiti bi tunetoyichiye.

1 Saameeli 18:30

Filsixeemee ginee iraasheenaꞌo kechiꞌi wochii wochii koyee beeheete. Tunebaani gino koyeebeeti aabo bullin, Saaꞌoolichi bare ginee iraasheenaꞌoyee beshoon kochii wochoona Daawitich mooyo kaamee beehe. Ebina bi shigo aricheton tunehe.

1 Saameeli 18:4

Yonaataaniyoo bi taheti iddimoon kichiꞌi Daawitich immiye. Wotta bi tahoon, bi goraadoon, bi maꞌoonaa bi cuyeebeeti shachoonon immiye.

1 Saameeli 18:6

Daawiti Gooliyaadin wuxiꞌi bi wottehooba, ginee naayinaꞌo boonoshi kexooch boonoshi wottee beetaa, genneenaꞌo taatoo Saaꞌoolina daneya Israꞌeelee showooch beeti katemoo bulliichee kechiyeete. Boonoshiyoo kamboonaa ximboonon yechiꞌi duubbiibee capphii ililii beeheete.

1 Saameeli 3:19

Saameeliyoo diccii oogehe. Doono Yeeri biinna tookkii tuneꞌi, bi yibbaateti mooyo bulli ceennemmoyich tunii beehe.