1 Saameeli 18:30 - Kafa Linguistics Project

³⁰ Filsixeemee ginee iraasheenaꞌo kechiꞌi wochii wochii koyee beeheete. Tunebaani gino koyeebeeti aabo bullin, Saaꞌoolichi bare ginee iraasheenaꞌoyee beshoon kochii wochoona Daawitich mooyo kaamee beehe. Ebina bi shigo aricheton tunehe.

1 Saameeli 18:30 ပူးပေါင်းရင်းမြစ်များ

2 Saameeli 11:1

Nato shaddeebeeti yemeenooch, taateenaꞌo koyooch hammiibeeti aabooch, Daawiti bi ginee iraasheenaꞌonaa Israꞌeelee ginee naayinaꞌo bullinon Yoꞌaabina tookkii koyooch daachiihe. Boonoshiyoo Amooneenaꞌon kochii aalliiꞌi, Raabin giichiyeete. Tunebaani arooba Daawiti Yerusaalemi echetone.

2 Saameeli 7:9

Ne hammeti gommo bulliich neenna tookkaa tunehoye. Ne etteenaꞌo bullin ne aafoochee aalliihoye. Andoo ne shigoon, showee toommooch beeti ogooge iraasheenaꞌochoommon aricheton tuniyemmo taane.

2 Taateenaꞌo 1:13

Taatoo wochinnoon bi waan keejjinnoochaa aache ginee iraashoon aache bi ginee naayinaꞌona tookkii daachiihe. Keejjinneexi aache ginee iraashoo damba hammiꞌi, Eliyaasi aafooch bi gutenoona dihiichii, “Yeer ashoocho, ta kasheenaa hini aache ne guuninaꞌochi kasheena ne aafoochaa gidoon bi danemmoyich neen qollehoye.

Shoddo 116:15

Bi yaafeenaꞌochi qitoo Doono Yeeri aafoochaa aaxxoone.

Shoddo 119:99

Ne qociyeenaꞌon kichaa kindiyaa ta gabaa beetoyich, taan dojjechinaꞌo bulliyee beshe shalligoo taach beetone.

Shaahiyoo 12:8

Asho bi ariyoona galleteehe; tunebaani xumme gabechi asho hoxeehe.

Daaneeli 1:20

Boonoshiyoo taatoo boonoshin echeti mooyo bullin ariyoonaa shalligoona bi taatee showoo bulliich beeti kaayechinaꞌonaa allaameenaꞌo bullinoyee aashire kishoon beshiꞌi bekkeheete.

Efesooni 5:15

Illa aabichiree ittoshi beeyemmo gaata ariyoona ittoshi qelloon quyebote. Shalligechinaꞌoommonalli tuusheenaꞌoommon tuneree beeyaahote.

1 Pheexiroosi 2:4

Ashi waanaa hoxetaa duppeti, tunetaa Yeer waanaa kaacheti kashechi aaxxe xaqqoommi Yesuus Kiristoos waan giddemmo ittoshine.

1 Pheexiroosi 2:7

Illa ittoshi mulloon bi toommooch tooꞌiiti ittoshich ebi xaqqo aaxxoone; tunebaani bi toommooch mulloon tooꞌiyaaneenaꞌoyich, “Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunehe,”

1 Saameeli 18:29

Saaꞌooliyoo aafichoyee beshoon biin shattiye. Biyoo kashoona beebee bi echeti yemeeno bullin Daawitich etto tunehe.

1 Saameeli 18:5

Saaꞌooli biin daachiiti koyee xaaꞌoo bulliichaa Daawitich mooyo kaamee beehe. Ebich Saaꞌooli bi ginee naayinaꞌo toommooch biin iraashiihe. Ebiyoo Saaꞌoolichi iraasheenaꞌonaa asheenaꞌo bullinon emirikkiye.

1 Saameeli 19:8

Wochinnoon gino tiyiye. Daawitiyoo kechiꞌi Filsixeemeenaꞌon kochiye. Boonoshi daggoochee meeti asheenaꞌon wuxii bi ciichitoyich, Filsixeemeenaꞌo bi aafoochee wocee aalleheete.

1 Saameeli 2:30

“ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.

1 Saameeli 26:21

Saaꞌooliyoo “Gondeto taane. Ta bushoo Daawito, wottebe; hanaach ta kashe ne aafoochaa aaxxe tunaꞌa bekketine. Ebich ebiyee damba ne toommooch gonde mooyon tuniyaachemmo taane. Tuushe ashi shuunoon shuuneto taane. Oogichaꞌa muricceto taane” iye.

1 Saameeli 26:24

Ne kashoon aaxxe mooyon tuniyaꞌa hanaach ta wodiyoommon, ebiyoommon ta kasho Doono Yeeri aafoochaa aaxxe mooyon tuneree bekkebe. Biyoo ta iritoo bulliichee taan wodiibe” iye.