1 Saameeli 18:17 - Kafa Linguistics Project

¹⁷ Saaꞌooliyoo Daawitich ishichiye: “Ta qaabbe bushee Meraabi beetine. Biin neech shaakkiyemmo taane. Ne baach gibeneetonaa ginee anaamonon tuneree taach maddebee, Doono Yeerichi ginoon koyebe” iye. Saaꞌooli bi ishichito, “Filsixeemeenaꞌo kishoona qitiballi, ta kishoona qitaaye” iꞌi bi gabitoyichiye.

1 Saameeli 18:17 ပူးပေါင်းရင်းမြစ်များ

2 Saameeli 11:15

Are koorichooch “Uuriyin kupphe gino beeti xaaꞌoo waan neechibe; eechiichi gubb ittoshi shokimmona, koyaa qitibe” iꞌi kooriye.

2 Saameeli 12:9

Ishigaata, amoyich Doono Yeeri ta qaaroon qallayinne? Amoyich ebi gonde mooyon ta aafooch tuniinne? Hitee asho Uuriyi goraadoona bi qitemmoyich tuniihine; Amooneenaꞌo biin goraadoona wuxemmoyich tuniihine; bi mecheenoo daammaꞌa shaaggehine.

2 Saameeli 6:16

Doono Yeerichi taabooto Daawiti Katemooch giyii bi beetaa, Saaꞌooli bushee Mikaali mallee kelloona ciinnaa beehan. Taatoo Daawiti taabootee aafooch capphii duubbii bi beetaa beeggaꞌa, bi mulloona biin hoxahan.

Shoddo 12:2

Asho biinnaa biinna kootoon yibbaatehe; maanjoonaa mullee guttiyoona yibbaateheete.

Shoddo 55:21

Bi yibbaatoo qefoyee beshe aniꞌoone; tunebaani bi gabiibeeto koyooniye; bi qaareenaꞌo zayitoyee beshe nireenaꞌone; tunebaani kaacheti goraadoomminaꞌone.

Shaahiyoo 26:24

Shixecho gonde gaboon bi mullooch yechiichii, noonee shaawona yibbaatehe.

Shaahiyoo 26:25

Shabaatte eeꞌe mooyo bi mullooch bi beetoyich, noonee shaawona bi yibbaatetaanona biin gibeneyaahine.

Shaahiyoo 26:26

Shixecho bi tunoon maroona oppeebeeto, bi gondo iitoo aafoochaa xalla bekkemmone.

Haddoo 21:14

Doono Yeerichi Ginee Macaafoochaa, “Sufaaha beeti Waheebi, Arinooni bamboo,

Haddoo 32:20

Aroochee Muusi boonoshich ishichiye: “Ebin ittoshi tuniigaata, Doono Yeeri aafooch cuyeꞌi ginooch ittoshi qannigaata,

Haddoo 32:27

Tunebaani ne guuno no, no doono ne gettetoommon no ikkikkoona ginooch qanniree Doono Yeeri aafooch koyooch hammemmo noone” iyeete.

Haddoo 32:29

“Gaadi yoodoonaa Roobeeli yoodoona boonoshi ikkikkoona ginooch qanniree Doono Yeeri aafooch ittoshina tookki Yoordaanoosin kimmemminaꞌo boonoshi tunegaata, showoon kochiꞌi ittoshi yeshigaata, Gilaadee showoon boonoshich iristo tunii imbote.

Yibbaatoo 17:7

Ebi ashoon wuxoyich, miixeenaꞌo shiichi xaqqoona yexeete; aroochee echeti asheenaꞌo yexeete. Ebin tuniyoona ebi gonde mooyon ne daggoochee wokkiibe” iye.

1 Saameeli 14:49

Saaꞌoolichi anaami bushiisheenaꞌo shigo Yonaataani, Yishiwinaa Malkishuwina getteehe. Wotta gutte bi maache bushiisheenaꞌo shigo qaabbeecho Meraabi, guucheechoo Mikaali getteehe.

1 Saameeli 17:25

Israꞌeeleenaꞌo boonoshinaa boonoshina “Ebi qemi qemona kechiꞌi Israꞌeeleenaꞌon miicheebeeti uroon beeggiyote? Ebi uroon wuximmoyich taatoo wodde gijjoon wojjemmone. Bi busheenoo biich shaakkiyemmone. Israꞌeeleenaꞌo daggooch bi nihoo kechi asheenaꞌonoo gibiroochee wodiyemmone” iyeete.

1 Saameeli 17:36

Ne guuno ta, daaheroonaa diiboonon wuxito taane. Ebi dokireyaani Filsixeemo beeyechi Nuggishoo Yeerichi ginee naayinaꞌon bi miichetoyich, biyoo boonoshi qitoommon qitemmone.

1 Saameeli 17:47

hiniich kiceetinaꞌo bulli Doono Yeeri wodii bi beeto, goraadoonaa ginoona tunee bi qayonoo ariyemminaꞌone. Doono Yeeri kochii wochecho bi tunetoyich, ittoshin no kishooch beshiiree immemmone” iye.

1 Saameeli 18:21

Biyoo “Mikaalin biich shaakkiyemmo taane. Aroochee biin biich ollo tuniyemmo taane. Ebina Filsixeemeenaꞌo kishoona aallemmone” iꞌi bi mulloona gabiye. Ebich Saaꞌooli Daawitich “Ta bushee kenoon tunemmo neene” iꞌi guttinnoon gettiye.

1 Saameeli 18:25

Saaꞌooliyoo “Daawitich ishichibote; ‘Taatoo bi etteenaꞌo toommooch nichoon kichoon bi qaawii beetoyich, ne waanee bi qaawiibeeti xiloosho, balle Filsixeemeenaꞌon wuxiꞌi boonoshi shookoon ne deebon baachiye’ getote” iye. Saaꞌooli bi ishichito, Daawiti Filsixeemeenaꞌo kishoona bi qitemmoyich bi qaawitoyichiye.

1 Saameeli 18:27

Daawitinaa bi asheenaꞌona tiyii hammiꞌi gutte balle Filsixeemeenaꞌon wuxiyeete. Daawiti taatoochi bushee keno bi tunemmoyich, boonoshi shookoo bullin haddiꞌi taatoyich immiye. Aroochee Saaꞌooli bi bushee Mikaalin Daawitich shaakkiihe.

1 Saameeli 25:28

Ta doono ne, Doono Yeerichi koyoon ne koyaa beetoyich, Doono Yeeriyoo meeti yemeenoon beeyemmi taatittinoon ta doono neech immemmone. Ebich ne gonnee ta xuꞌoon maaribe. Ne beemi yemeeno bulliichoo gondo ne waanee danaaye.

1 Saameeli 30:26

Daawitiyoo Tsiqilaag waachii, bi shunechinaꞌo tuneti Yihudee showee geeneenaꞌoyich, “Doono Yeerichi etteenaꞌo waanee kecceti mooyoochee ittoshich icheti imoone” iꞌi kecceti mooyoochee qoodiꞌi daachiihe.