1 Saameeli 18:10 - Kafa Linguistics Project

¹⁰ Bi dechara Yeeri deejjiti gonde ayaano giidoona Saaꞌooli toommooch kindiye. Bi kexooch beechii geyechochoommon cikkii yibbaatee beehe. Daawitiyoo qemi qemona bi tunii beetoommon, ooge ximboon yexxii kaachii beehe. Saaꞌooli bi kishooch ginoon yechitone.

1 Saameeli 18:10 ပူးပေါင်းရင်းမြစ်များ

1 Taateenaꞌo 18:29

Showoo beshetoyee gubb womikkee deejjoo giddeebeeti saatee wottoon geyee beeheete. Tunebaani qaareto, ebin aaxxiito, boonoshi qolloonoo waayeto aalloone.

1 Taateenaꞌo 22:12

Keemechinaꞌo bulli, “Gilaadee showooch beeti Ramoot hamiree koye; Doono Yeeri taatoo kishooch beshiiree immemmone” iibee biichoommon keemmii beeheete.

Erimiyaasi 28:11

Aroochee Hanaaniyi asho bulli aafoochaa, “Doono Yeeri ishichiye: Ebiyoommon gutte nati daggooch Baabloonee taatoo Nabukadinatsorichi waanjoon, aagetoo bullichi qettoochee tiichemmo taane itone” iye. Ebina tawoo ta gommon yechaa hammeho.

Mishiraachechinaꞌo 16:16

Ikke areddoon are corootee xaaꞌooch no hammaa beetaa, kaayee ayaano bi toommooch beeti, kaayaabee bi dooninaꞌoyich wodde gijjoon giijjaabeeti, ikke kemee gonnee noonna tookkaa danahan.

2 Tasaloonqi 2:11

Ebichi naboona koote mooyon boonoshi iberiyemmoyich, Yeeri muriciibeeti giidoon boonoshi toommooch deejjii beetone.

Woraaferasheenaꞌo 16:20

Ureyoo “Samsoono, Filsixeemeenaꞌo shaggitinaꞌone” iyan. Samsooniyoo tokketoochee tiyiꞌi, “Ebiyee aaf ta tuniitoommon, muriciree hammemmo taane” iꞌi gabiye. Tunebaani Doono Yeeri biin qayon ariyaanoone.

1 Saameeli 16:23

Aroobee aaboochee tiijjiꞌi, Yeeri deejjiti gonde ayaano Saaꞌooli toommooch bi waagaata, Daawiti bi ooge ximboon deebiꞌi yexxii kaachii beehe. Ebina Saaꞌooli achooch gaawee beehe; gonde ayaanoo bi waanee wokkii beehe.

1 Saameeli 18:9

Aroobee aaboochee tiijjiꞌi Saaꞌooli Daawitin gonde aafoona ciinnii beehe.

1 Saameeli 19:10

Saaꞌooli Daawitin daabboona tookki xaaqqiya iꞌi, ginoon awurehe. Tunebaani Daawiti ikke badd ikimmona gino daabbooch hogeehe. Daawitiyoo wocciꞌi muricciye.

1 Saameeli 19:7

Ebina Yonaataani Daawitin ceeggiꞌi bulli mooyon biich gettiye. Aroochee Saaꞌool waan daammiye. Daawitiyoo aafichoommon Saaꞌoolich maddee beehe.

1 Saameeli 19:9

Ikke areddoon Saaꞌooli bi ginoon yechiꞌi kexooch kotee bi beetaa, Doono Yeeri deejjiti gonde ayaano bi toommooch kindiye. Daawitiyoo ooge ximboon yexxii kaachii beehe.

1 Saameeli 26:19

Andoo taatoo ta doonocho, ne guuno ta gettaa beeton waayebe. Taanna ne kaaremmoyich tuniito Doono Yeeri bi tunegaata, deejjoon deꞌe. Tunebaani asheenaꞌo tunegaata, Doono Yeerina uppetinaꞌon tunebeete. Taan ‘Hamiree bare nuggisheenaꞌoyich goyinne maddebe’ iꞌi Doono Yeerichi showooch ta beetaachemmoyich hanaach taan yookkitinaꞌone.